#قـــدر

#قــــدر الجزء 2

#قـــدر
بعد مرور ربع ساعه
البنات / واخيرا خلص الدرس
نور / بنات متشترون اني حروح للحانوت
زهراء/ اي اجيي بس اجيب فلوس بالجنطه
رفيف / زهراء جيبلي الفلوس مالتي
زهراء / اي مو اني خدامتج اوكي يلا هسه اجيبه
اشترو ورجعو
وبعد مرور 3 ساعات وخلص وكت الدراسه (يعني يروحون للبيت)
وركبو بالخط وابو الخط اسمه (احمد)
وجان اخر وحده تنزل رفيف لان شويه بيتهم بعيد ع المدرسه والكل نزل يعني بقت وحدهه بالسياره ووصلت للبيت
رفيف /الله اشم ريحه برياني اليوم اكل الجدر اكل بس لا ذابه بيه كشمش
وطبت للبيت ..
رفيف/ ماما بس ابدل واجي عود صبيلي جوعانه
ام رفيف / دگولي اول شي سلام عليكم مثل بنات الناس ( هذا الكلام مسمعته رفيف لان طبت الغرفتهه)
بعد مرور10 دقايق طلعت وجانت امهه صابتله
رفيف اول غاشوک اكلت
رفيف/ يم يم عاشت ايدج ماما الله يخليج ويحفظج اليه
ام رفيف / الله يسلمج بنتي حبيبتي ويخليح اليه تعاي احضنج ممشتاقتلي
رفيف / اي والله ماما تعاي احضننج اريد حظنج الدافي وحظنو الخ
رفيف/الله احلا حظن بالعالم هو حظن الام
ام رفيف / بنتي اريد ترفعين راسي وراس ابوج الي جوه التراب ومعليج بأي احد
رفيف/ كامت تبجي وتكول لأمه ماما هسه لو بابا عايش ﭼـنهه هسه احلا عائله
ام رفيف/ بنتي هاي شغل الله منگدر نعترض عليه ترحميله وادعيله
رفيف/ اي ماما اني يوميه قبل ما انام اگوم اصليله رگعتين واقراأ سوره الفاتحه واهدي اله واگول الله يرحمك برحمته الواسعه( جاي تحجي وتبجي .. وهنا ام رفيف هم گامت تبجي بس مبينت البنته انو دتبجي )
ام رفيف/ يلا بنتي كملي اكلـﭻ وروحي كملي دروسـﭻ
رفيف / اي ماما حاظر هسه اروح واكمل دروسي وارفع راسكم انتي وبابا
ام رفيف / اي بنتي اريدج هيجي
وكملت الاكل رفيف وراحت رفيف لغرفته وكملت دروسه
خل احجيلكم ع حياه رفيف شلون جانت عايشه قبل
رفيف جانت عايشه حياته وي عائلته وجان عده فد اخ يعني بس هي واخوه وجانت تحب عائلته كولش لان جانت شتريد هي واخوه يجيبونه الهم وجان حياته كولش حلوه وهي جانت من المناطق الي احتلو داعش من ديالى ... وفد يوم ابو رفيف جان مستعجل كولش بس يريد يطلع من الصباحيه وجان اخو رفيف الي هو اسمه محمد جان مصر انو اليوم يروح وي ابوه وجان ابوه يوميه يتوسل بمحمد انو يجي ويا بس جان ميجي واليوم محمد مصر انو يروح وي ابوه وراحو (وهاي جان اخر يوم الهم)