#قـــدر

#قـــــدر الجــزء 3

#قـــدر
البارت3
ورفيف بذاك الوكت جانت صف 5 ابتدائي وراحت للمدرسه وبقت ام رفيف وحدهه بالبيت وجانت تحس انو اليوم راح تفقد اشخاص عزيزين وجانت تبجي وتدعي تكول ياربي ماريد افقد اشخاص مثل قبل (ام رفيف الي هيه اسمه حنان فقدت امه وابوه من جانت عمره 4 سنوات وهي جانت الوحيده لهله و جانت متفتهم وعمامه اخذو الاملاك الي جان مال ابو حنان وتبرو منهه وخواله اخذو البيت الي جان مسجل بأسم ام حنان وگالو اذا عمامه مرادوه وتبرو منه احنه شنو نربيه وهم تبرو منه ورادو يودونه لدار الايتام بس جوارين ام حنان مخلوهم گالو احنه نربيه وهمه من الله رادو وانطوهه للجيران وربوهه وجانو الي ربوهه عدهم فد ولد واكبر من حنان بسنه وبعد مصارلهم طفل فلهذا همه ربوهه وهسه هذا الطفل الي جان اكبر من ام رفيف بسنه هو زوجه يعني ابو رفيف)نرجع نكمل ...
ومن كملت الدعاء وره ربع ساعه صار انفجار كولش قوي بحيث طرش اذنه وهي لبست عبايته وركض حتى بدون نعال (حشاكم) وتركض وعبالك الطريق صار سنوات الهه ومن وصلت شافت الناس بالگاع واللحم مال البشر بصفحه وجاي ادور تريد زوجهه وابنهه وفجأه وفجأه شافت زوجهه وابنهه محمد لازم ايد ابو وحاظنه (طبعا صعب هيجي منظر الله يساعدهه وحاله حال جميع نساء العراق الي يفقدون اشخاص اعزاز مثل الزوج او الاخ او الابن ) ونرجع لرفيف الي سمعت صوت انفجار گلبه شك انو فقدت شي بس متعرف شنو وبعد محلوهم للبيت طلبت من ابو الخط انو يوصلهه اول واحد وتوسلت بي يلا قبل ومن وصلت شافت ناس كومه بيتهم وهنا عرفت انو راح اعزاز ومحست اله واحد يذب عليه مي كعدت مثل المخبله وتصيح وتعيط بس لحد الان متعرف انو فقدت اخوهه عباله بس ابوهه فقدت وجانت ادور ع امهه ماكو راحت سئلت كالو ضغطه صاعد وودوهه للمسشفى وهيه متعرف شتسوي (ترا كولش صعب تفقد شي انت تحبه وخاصا اذا كان ابوك او اخوك او اي شخص من عائلتك اني جربت هل احساس من فقدت شخص )
ــــــــــــ :- تسريع الاحداث-:ــــــــــــــ
بعد مرور 7 اشهر من وفات ابو واخو رفيف
نزحوا منطقه اهل رفيف بس بقه بعض البيوت ومن ظمنهم بيت رفيف بقوا لان ماعدهم احد ياخذهم لمنطقه آمنه
بعد مرور عشره ايام نزحوا جوارينهم وگالو لبيت رفيف انو اذا يردون تجون ويانه احنه راح نغادر المنطقه
ام رفيف/ مصدگت هلگد فرحت وهلگد دعت لجوارينهم بس بقت تبوس رجله (مو علمود شي بس خافت ع بنتهه لتروح من ايديهه مثل مراحو زوجهه وابنه)