Dark Society #2 - Eros Thanatos Moreau (Completed)

Chapter One

"Eros Thanatos Moreau, my friend from France welcome back dude..."

Ngisi lang ang ginanti ni Eros kay Clifford. Ininom niya ang natitira pang alak sa basong hawak saka siya tumayo.

"So, how's the life?" Tanong ng pinsan niyang si Grey.

"Sucks..." Tipid na sagot niya dito. Wala naman siyang balak pang bumalik sa Pilipinas. Sa loob ng ilang taon niyang pananatili sa France ay hindi na sumagi sa isip niya na bumalik pa sa bansa. Ngunit nang mabalitaan niya na ikinasal na ang isang pinsan niya na si Sebastian ay wala siyang ibang nagawa kundi ang umuwi para sabihan ito. That man! sinabi nito sakanya na kahit kailan ay hindi ito magpapatali kahit kanino at wala sa linya nito lulugar sa tahimik. But look at him now! mukhang masaya na sa buhay-asawa.

Naiiling na kinuha niya ang isang itim na necktie na may disenyong tribal. Isinabit niya 'yon sa leeg at saka tumingin sa mga taong nasa harap niya.

"Anong balita dito?" Tanong niya sa mga ito, ang tinutukoy niya ang undergound nila. Hawak nito noon ni Sebastian, ngunit dahil nga nag-asawa na ito ay binitawan na rin nito ang organisasyon. At ngayon ay hahawakan niya ang organisasyon na ito na noon pa lang ay pinapangarap na niya simula nang itayo ito ni Grey. Nakaramdam siya ng kasiyahan sa isiping siya na ang magiging pinuno ng grupo.

Bago pa makasagot sa tanong niya si Clifford ay tumunog naman ang isang cellphone sa kung sino. Nakita niyang nagmamadaling tumayo si Grey saka sinagot ang tawag.

"Hello? hon! ah... sorry na-lowbat kasi ako eh. No! hon naman wala akong babae ano kaba. Hon naman eh..."

Napapailing siya habang nakatingin dito. Malayo ito sa Grey na kilala niya noon.

"Under." Bulong ni Clifford. Maya-maya pa ay bumalik na si Grey sa harap niya.

"Ahm guys i have to go. Hinahanap na 'ko ng asawa ko, may ipinabibili  kasi siya sakin eh." Sabi nito.

"Kailan kapa naging under?" Magkasalubong ang kilay na tanong niya dito. He jus rolled his eyes.

"Understanding lang po." Sabi nito saka tinapik sila isa-isa sa balikat. Nang tumalikod na ito ay nagsalita si Delifico. Pinakilala ito sakanya ni Sebastian na bagong miyembro daw ng grupo.

"Maayos naman ang lugar na ito.  Mas dumadami ang bumababa dito kumpara noon. You know, the teenagers party-goers mga naghahanap ng thrill."

"Pero kailangan niyo pa ring mag-ingat sa mga taong ibinababa nito dito. And especially the drugs, mahirap na baka ang iba tinitiktikan lang tayo. Kahit pa may kapit tayo sa itaas ay marami pa rin tayong kalaban." Matiim na sabi niya dito. Ngumisi naman ito.

"Copy."

"At Ellifard tawagan mo ang iba pang miyembro, may mga pag-uusapan tayo." Utos niya sa isang lalaki na nasa sulok at nakasandal sa pader. Tinaas nito ang kopitang hawak bilang sagot sakanya. Nakita niya ang pag-iling ni Clifford.

"Hindi kapa rin nagbabago Eros." Komento nito. Alam ng mga ito ang ugali niya simula pa lang.

"Pero sabi ni Donya Bendita kailangan mo daw ipagpatuloy ang pag-aaral mo diba? How's that?" Tanong ni Maxeau.

"I can handle that, kaya kong pagsabayin ang pagiging pinuno niyo at ang pag-aaral ko." Sabi niya. Tumango-tango ang mga ito.

Isang taon na lang naman at matatapos na 'ko.... at pagkatapos non. Mas lalo kong palalawakin ang organisasyon na ito. Sa isip niya.