للرجل فقط

٨

💨الثامنه 💨

خرج الملك من غرفه كريم وبدات هاجر تدور حول نفسها فى توتر وتحدث نفسها بصوت عالى امام كريم الذى لم يتحرك انش واحد منذ خروج الملك " ازاى كده بسهوله بعد كل الى عملته عشان مشفش اليوم الاسود ده ويجى لحد عندى "

وقفت امام كريم تنظر له بعيون زابله " ازاى وحياتى الى هضيع واحلامى الى كنت بحلم بيها من صغرى عن يوم فرحى وفستانى هضيع بسهوله "

انهارات لتقع على الارض فى بكاء هستيرى " فينك يا بابا فينك يا سندى لو مكنتش موت مكنش ده كلو حصلى " وضعت يدها على وجها فى بكاء واضح وصريح مع نفسها امام كريم الذى لا يستطيع ان يراها فى تلك الحاله امامه قلبه ينبض بالحزن يوجد شئ بداخله " ساعدها متبقاش حيطه كده "

تقدم اليها بخطوات ثابته نزل الى طولها امسك كتفيها بهدوء لترفع وجها وتنظر اليه بعيون دامعه حزينه مملؤه بالهموم انقل يداه من كتفيها ليعانق وجهها بيديه ويمسح دموعها بإصبعه الابهام بكل هدوء " ممكن متعيطيش تانى "

لستقط دمعه اخرى على خديها وتنظر الى الاسفل ومازال وجهها بين يدى كريم "ازاى معيطش وانا هبقى عنده بعد كام ساعه " لتواصل الدموع مسريتها فى النزول امام عيناه ليجد لنفسه قوه ظهرت من ضعفها امامه بداء يهزها برفق وقوه فى نفس الوقت ويجز على اسنانه امامها " مش هتروحيله مش هخليه يلمسك انا هتصرف انا لازم اتصرف "

ليتركها هائمه فى افكارها من تصرفه ليتجه الى الباب ليفتحه ولكن يتذكر شئ ويرجع لها مره اخرى يدفعها نحو الحائط ويقبلها بقوه وشغف فى ان واحد كأنه يخبرها انه ملكه ولن يتركها بسهوله ابدا ان تكون جاريه للملك امام عينه وهو بنفسه من يجهزها له ، لم ينتظر ان تبادله القبله وذهب مسرعا تارك الغرفه لها ليظل نظرها معلق على الباب منذ خروجه فى حاله صدمه كامله جلست على الارض بهدوء لامسه شفتيها بأصابعها تسأل نفسها " هى اتباست كده من كريم طب هيعمل ايه مع الملك "

لتعطى نفسها الاذن ان تستلقى على سريره فى راحه كامله لانها تثق ان كريم لن يخذلها ابدا نامت من كثره البكاء والتفكير والتعب الذى حل بها منذ امس . . .

خرج كريم من غرفته يعلم الى اين هو متوجه بالظبط الى قصر الجوارى لقد اخبرها انه لن تذهب له هو كان يعنيها من كل قلبه ليست دموعها التى تحكمت بها بل هو الان يعترف ان قلبه من تحكم به وايضا هو من اخبره ان يقبلها شعر بالراحه عندما قبلها وكأن بركان غضبه بأكمله ذهب بمجرد تلامس شفتيها مع شفتيه .

وصل الى قصر الجوارى ليعلن الحراس عن قدوم رئيس الخدم لقصر جلاله الملك ، استقبلته رئيسه الجوارى كما يراها مثل كل مره ترتدى الفستان الخاص بمنصبها والواشاح الذى يغطى وجهها ولا يظهر منها سوى عيناها " انت جاى انهارده تختار جاريه لمولاى الملك بس هو سبقك وقال للملكه الام ان فى جاريه جديده عنده فى للقصر "