قصيدة للشاعر نعيم الزوى :
خـــــــوذ القلم اكتب ودكن حبرا
على رحل عدا واندفن فى قبرا
اكتب صـــــــــارت
ليلة رحيله والدمــــــوع انهارت
وارسم ملامح ع العيون توارت
والخط اسود زين وضــــــح كبرا
واملا الورقه كيف روحه طـارت
اللى كان روحى ف الحياه نعتبرا
وعزى العين الـى عليه احتارت
وابكـــــــى امعايا يا قـلم بالعبرا
مشاركة الشاعر رجب الشيخى :
اكـتـب عـنـي
عـلي خـذاه الـمـوت فـجـأه مـني
الا نــا لا نــقـــدر ولا مـتـهــنــي
من يـوم عـدا ومـاسكـتـني عبرا
واحـكي عـلي ايـامي اللي خـلني
انعـاني سبايب جـرح زايـد كـبرا
مـكـسور منهـن خاطـري متكدي
وكسرت الخاطر ما اتجيبه جبرا
يارب طـالـب صـبـر نـا مـتـمـني
كي مـا صـبـر ايـوب فـاده صبرا
