Love: Make or break?

Tula # 2

Araw na isinulat: Disyembre 22, 2015

Magkabilang mundo

Iniwan ang bayang aking nakalakihan
Ang Lebanon
Pilipinas ang naging destinasyon
Ng eroplanong sinakyan ko

Minulat ang sarili sa mga kultura at tradisyon dito
Sinanay ang sarili na bigkasin ang wikang Filipino
Nakakilala ng iba't- ibang klase ng tao
Di ko akalain na isa ka pala sa makikilala ko

Masasabi kong dito ko natagpuan sa Pilipinas
Ang sa tingin ko'y taglay ng lalaking hanap ko
Na hindi ko nakita sa bayang nakagisnan ko
Kaya masasabi kong iba ka sa mga lalaking nakilala ko

Ang dami nating pagkakapareho
Pareho tayong tumutugtog ng gitara at sumasayaw
Ngunit, tayo rin naman ay may pagkakaiba
Magaling kang kumanta
Samantalang buhay ko naman ang pagrampa

Tayo'y nagkasundo kaagad
Bunga nun, tayo'y naging magkaibigan
Na di ko akalain na mauuwi pala
Sa matamis na pagtitinginan

Ang dami mong napatunayan sa akin
Nung mga panahong ayaw kong paunlakan ang iyong nararamdaman para sa akin
Ginawa mo ang lahat
Higit pa sa sapat

Di rin nagtagal, ako rin pala sayo'y nahulog na
Nung una, ako'y natakot
Ngunit, ito rin ay napalitan kaagad ng galak
Nung ako'y saluhin mo

Sa loob ng ilang buwan
Agad tayong nakabuo ng mga alaala
Alaalang alam kong sayo lang galing
Kung kaya sayo'y araw- araw ring nahuhumaling

Akala ko, palagi na kitang makakasama
Akala ko, palagi tayong magiging masaya sa piling na isa't- isa
Akala ko, walang sinuman o anuman ang hahadlang sa atin
Hanggang "akala" lang pala ang lahat

Ako'y nabulabog
Sa balitang, sa susunod na 2 taon
Ako'y muling lilisan
At ika'y aking iiwan

Alam kong masakit
Ang iwan ka
Pero, kailangan
Kahit sobrang labag sa aking kalooban

Mahirap ang iwan ka
Kasi baka hindi na tayo pagtagpuin muli ng tadhana
Ayokong mawalan ng pag- asa
Na ako'y babalik pa

Ang dapat na lang siguro nating gawin
Ay hintayin ang TAMANG PANAHON para sa atin
Dahil alam kong sa paglisan ko, masasabi kong ako'y may babalikan pa
At iyon, ay IKAW, TAYO