رواية "حبيتها بس" تتحكى عن شباب وبنات خليجيين يعيشون تجربة الحب بس كل واحد على طريقته الخاصة تابعوا معاي للنهاية ،، واتمنى تعجبكم .... تحياتي : صمود المهدي..👋
في البداية أحب اعرفكم على الشخصيات وأبطال الرواية وهم ، _ عايلة جاسم .... جاسم ريال غني عنده شركته الخاصة عايش بالكويت ويا عياله في بيت كبير (قصر مو بيت) المهم خلونا نتعرف عليهم : جاسم ريال محبوب والكل يحبه ويحب عياله ويخاف عليهم حيل ونوفر لهم كل اللي يبونه محد من عياله متزوج ، ينطرون نصيب الأكبر . زوجته متوفية بالسرطان قبل ثلاث سنين بس جاسم معوض عياله حنان الأم اللي فقدوه . والله رازقه ٥ عيال ( ما شاء الله) ٣ أولاد وبنتين أكبرهم فهد ٢٣ سنة شاب شهم وخلوق ينشد عليه الظهر ويشتغل في شركة أبوه الكل يحبه ويحب السيارات ... شمس ٢١ سنة بنت حلوة وذربة تدرس آخر سنة بالجامعة كل اللي يعرفها يحبها هادية وما تحب الفوضى تحب الموضة والمكياج والفنانين والمفضل عندها الممثل : حسين المهدي هذا👇 تحبه وايد..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
نكمل فيصل٢٠سنة شاب جاد وايد وما يحب اللف والدوران حازم وما عنده لعب يدرس هندسة سنة ثالثة بس بعد يحبونه .. فاروق ١٨ سنة هذا وش أقول عنه شخصيته مرحة يحب التنكيت واللعب عكس أخوه فيصل يحب المقالب بس محترم وما يغلط على أحد شاطر بالدراسة واللحين هو يدرس بالثانوية... آخر العنقود شروق ١٦ سنة هالبنت هبلة بس حبوبة للحين بالمدرسة هي اللي معدية جو وناسة بالبيت طبعا مع الأخ فاروق عندها موهبة بالغناء وصوتها حلو ما شاء الله تحب المغني بدر الشعيبي هذا👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
نبدأ في أحداث الرواية ..... في يوم من الأيام رجع جاسم أبو فهد من الدوام بدري وبعد ينطر عياله على الغدا ، طق جرس البيت راحت الخدامة تفتح الباب كان فيصل على الباب دش داخل سلم على أبوه وباسه على رأسه وصعد فوق يبدل هدومه ، بعد شوي وصلت شمس وفهد وفاروق سلموا على ابوهم وصعدوا فوق يبدلون بعد شوي نزلوا كلهم على السفرة ولدوا يتحكون وياكلون ... ابو فهد : ها يا عيالي شلونكم وشلون دواماتكم وشلون كان يومكم ؟ شمس : والله يا يبه مثل العادة محاضرات وكلاسات وهوشة بس الحمد لله على كل حال ... ابو فهد : ايه يبه عاد انتي آخر سنة تحميل ما بقى وايد ، اذا نجحتي اوعدج بشئ ما تتصورينه... شمس : صج يبه ، عيل خلاص انا بشد حيلي هالفصل وبرفع راسك يا يبه ... ابو فهد : إن شاء الله يبه وانتو يا عيال خبرونا عنكم ؟ فهد : الحمد لله يبه كل شي تمام ابو فهد : وانت يا فيصل وانت يا فاروق ؟؟ فيصل : ايه يبه تمام عال العال .. ابو فهد : الحمد لله يا ولدي.. فاروق : ......... ساكت...... شمس : فاروق شفيك ساكت أكيد مسوي لنا مصيبة ؟؟ فاروق : سم الله علي انا راعي مصايب ؟؟ ابد والله... شمس : لا محشوم ..ههههههههه. فاروق : ليش تضحكين ؟! شمس : انت قول شمسوي اليوم ؟؟ فاروق : تبون الصج ،، اليوم نقصت شوي بالامتحان .. فيصل : يا حليلك يا فاروق والله انك ريال .. فاروق : ايه ليش شايفني بنت ؟؟ ابو فهد : يا حبك للمناقر بس يا ولدي لا تتضايق ولا تشيل هم إن شاء الله بتعوض بالامتحان الجاي ... فهد : والله يا خوفي يكون في شي ثاني خاشه عنا .... فاروق : انتو شفيكم علي اليوم ترا ما صارت ... شمس : بس بس لا تموت علينا .... ابو فهد : بسكم مناقر ... مو كنه إختكم شروق تأخرت صارت الساعة ثلاثة الظهر ... فيصل : اي والله يبه فاقدها .... شمس : خل اتصل عليها ..... وتقوم وتمسك تلفونها ... ابو فهد : ايه يا يبه تطمني عليها وطمنينا ... قامت شمس تتصل على اختها شروق ....
____________________________________________ وكذي خلص البارت الأول ... اتمنى يعجبكم ... بنزل كل يوم أن شاء الله ... رايكم يهمني ..... ولاتنسون تصوتون ... اشوفكم بالبارت الجاي ..... تحياتي : صمود المهدي😘
