هلو اني مها عمري 22 طالبه كليه هندسه نجحت من المرحله الثالثه ومنتظره تكمل العطله حتى اداوم المرحله الرابعه مواصفاتي بيضه عيوني سود شعري اسود طويل
جسمي حلو
عائلتي تتكون من الاب والام واني الوحيده الهم ماما مديره احد المستشفيات الاهليه
وبابا عنده شركه باسمه وماما شريكه بيها
جنت مدلله والي اريده يصير عايشه عيشة توب اطب واطلع بكيفي اهلي يعرفون بيه مااحب الحبجيات وهل سوالف ولا ابالي اروح بطريقي واجي بطريقي
ولهذا 3 سنوات دوام كوليه هواي اعترفولي بحبهم جنت ارفض عندي قناعه(الشخص الي لازم احبه لازم يكون زوجي)
باحد الايام اجانه خبر وفات عمي اخو ابويه رحنه للفاتحه عمي جان شيخ معروف عنده علاقات ابقيت العشاير فحضرو
الفاتحه شيوخ
بوقت التشيع كام ابنه يرمي واثناء الرمي وكعدت طلقه بصدر احد الشيوخ الحاضرين الفاتحه نقلوه للمستشفى
وتم القاء القبض ع ابن عمي
الشيخ حطو بل عنايه لان حالته خطرة حيل وابن عمي بعد يومين طلعه المحامي لان قتل غير متعمد طبعآ اخذو كوم فلوس حتى يطلعو
ابن الشيخ الي انصاب بل فاتحه اجه البيتنه ع بابا وظل يصيح ويهدد اذا صار شي باابوه يحرك الدنيا طبعآ اولد ابن الشيخ مرشحينه عشريته لشيخه لحد ما والده يطلع من المستشفى هداء بابا وكله بابا اني كل مصاريف اني اتحملها والولد رفض
الولد..عمي انا مو بحاجه فلوس انا ابن عز لاكن حياة ابويه وسلامه افلوس الدنيا مااسدها
بابا..انشاءلله يطلع بسلامه
الولد..تسلم عمي اترخص انا
بابا.. الله وياك وليدي
تعالو اعرفكم بنفسي
اسمي مرتضى عمري 28 ابن شيوخ واستلمه الشيخه لوقت سلامه الوالد كضيت عمري بل ديون ويه الولد تخرجت من الكليه جنت قسم ادارة واقتصاد ورجعت لديرتي عنت ابويه وادير شغلنه انا اكبر اخوتي عندي اربع خوان كلنه مزوجين
و3 خوات 2 مزوجات محافضات و1 مامزوجه
ابوي مزوج قبل امي مره لاكنها عقيم
هدو امي لابويه وازوجها وخلفتنه وصارت الكل بل كل
مرت ابوي ظلت ع ذمته مرة من اهل الله فقيره مالها دخل باحد وهيه وامي ليشوفهن يكول خوات مو ضراير حتى امي تخلينه نصيحلها يمه
بيوم حضر ابوي لفاتحه جنت وياها وشفته وكع كبال عيني صارت الدنيا سودة بعيوني اخذته للمستشفى وصارله اسبوع حالته خطره
كاعد يم الولد ويه اخوتي طلع الدكتور كال البقاء لله
هدم الدنيا من كالها
اخذت بعزاء ابويه وصارت كعده ويه العشيره الي طكو ابوي
اخذنه منهم فصل فلوس وشيخ عشيرت امي اخوها
كلهم انتو كتلتو زلمه منه نكتل زلمه
ظلينه نحجي لحد ماصفت فصل فلوس وناخذ منهم مرة فصليه انطوها
ولفصليه انطوها الي لان اني الي استلمت الشيخه واخوتي كلهم مزوجين وعدهم اطفال
انا الوحيد الي انطوني مره هديه وماتقبلتها تلعب روحي منها مرعبله سمرة ومو نظيفه ماتعتني بروحها وهي بل غرفه بعد زواجنه بسبوع كمت انام وحدي بغرفه وهيه بغرفه
انا مقبلت بداخلي ع الفصليه لاني متعلم لاكن الشيخه شي والعلام شي
