زهرة تذبل

مانشيت

#زهرة تذبل
قصة حقيقية
#الكاتبة ريم صباح
البارت الاول
احداث 1993
واني داامسح  جام الڤيلا من العاصفة الي صارت قبل يومين بالاردن الي صار بيها سيول جارفة وناس هواية اتاذت وخلفت العاصفة اضرار مادية بالسيارات والبيوت فشگيت قطعة من الجريدة الي دامسح بيها الجام عيني وگعت على مانشيت بجريدة جوردن بعنوان زهرة تذبل استغربت من هذا العنوان بصفحة الوفيات لان دائما يدخلون بالتفاصيل بدون ميحطون عنوان يعني كمثال انتقل الى رحمة الله او انتقلت الى رحمة الله ،،،، بعد ماانجذبت للعنوان قريت المحتوى واذا بالخبر نزل علية مثل الصاعقة انتقلت الى رحمة الله الشابة العراقية ندى جمال البياتي عن عمر يناهز 23 عاما وذلك لأنجرافها بالسيول الجارية التي ادت الى سقوطها من قمة الجبل الى الوادي ،، اني قريت الخبر ظليت اعيط واصيح التموا علية زوجي واولادي فشوفتهم الخبر زوجي واولادي مفتهموا لان خبصتهم بالعياط فمن هدأت فهمتهم انه هاي ندى بت ام محمد جيراننا من جنا كاعدين بقضاء الخالص قبل منطلع من العراق بس مجنت اعرف هي متزوجة ومقيمة بعمان ،، وجمالة  شلون موتة ميتة واكعة من الجبل للوادي بالله شگالت روحها العزيزة من وكعت وشلون جرفتها السيول وهي اصلاً سبّاحة  ظليت اريد اعرف شحال اهلها ورة مسمعوا الخبر وخاصة امها الحنينة الي جانت هي روحها من الدنيا صح مجنت داخلة وياهم بصداقة قوية بس اعرف هواية تفاصيل عن اهلها وجنت اشوف امهم شكد مهتمة بيهم وكاتلة روحها عليهم جنت اباوع على جمال ندى وهدى من امهم اتوصلهم للفورتات وهمة بطريقهم للكليات جانت من اتوصلهم اتشيل علاكة جنفاص بيها احذية نظيفة وتگعدهم على جذع نخلة براس الشارع لان الشارع كله طين وتنزعهم الاحذية المطينة وتلبسهم احذيتهم الي شايلتها بالعلاكة وبالرجعة هم توكفلهم يم جذع النخلة وهم جايبتلهم الاحذية الي غاسلتها من الطين وتمشي ويمشون وراها گمت اعرف وكتهم فكلش جان يعجبني اباوع على هذا المشهد الي صدك من وراه مااكدر اخفي دموعي فهاي نداوي الي چنها اميرة تموت هيج موتة ياحيف
يتبع