رقم مجهول

رقم مجهول - ٥-

.. 
الجزء الخامس

ماتحجي ليش ساكت
انته موجنت تكلي انتي مرتي وام جهالي
وين حبك الي وين وعدك

هند افتهمي اهلي مايقبلون بيج
ليش
مو انتي وخواتج......
شبينا كول .....
اووف
احجي كول شبيهم خواتي
اه الصراحه سمعتكم ع كل لسان واهلي مايتشرفون بيكم

واذا احنه هيج ليش تقربت مني
ساكت ماتحجي ....
اني راح اجاوبك حته تكضي وقت حلو وتتباه كدام ربعك مو

ساكت ما ترد .... انته هم حاسبك نفسك رجال انته واحد حقير
ولك احنه الي مانشرفك بيكم انتو ناس معيد وبيئة وظليت اغلط عليه وع اهله بدون وعي وبصوت عالي حته امااذكر شنو كلت
مااحس اله ظربني راشدي من قوته ظلت اذاني توش

اهلي المعيد اشرف منج ومن واهلج ياساقطه دايحه يابنات الشوراع
وحجه علينا كلام ماينحجي غلط وفشار مااكدر اكوله
اني بس ابجي وكعدت بالارض من الصدمة
عافني وراح
رجعت للبيت منهاره بيومها ماطلعت من الغرفه بس ابجي
تصوري امي دخلت عليه وشافت حالتي حته ماسالتني شبيج
تدرين شنو كالت .... ديله كومي غسلي وجهجج ونظفي المطبخ
هههههه هاي امي الي تساليني عنها

وخواتج
خواتي كلمن ملتهيه بنفسها ماعدا اختي سجى
وكفت وياي وهي هم نفس حالتي هم واحد مستغلها ومن وصلت للصدك عافها
ظليت اني بحاله من الانكسار وكرهت امي وابويه والساعه الي ولدونا بيها
لان ماعرفو يربونه ويحافظون علينه كلمن ملتهي بنفسه
بعد يومين كعدت العصر ع صوت طبل ومزيقه بالشارع
رحت للسطح اباوع ناس هواي يم بيت الشيخ
مااكدر اوصفلج حالتي بوقتها الي كدرت اسويه
لزمت النقال اتصلت عليه ومايرد او يفصله
ادز مسجات عفيه بس رد عليه ماكو
انهاريت حيل اريد بس يرد حته ردت اروح لبيتهم بس سجى منعتني
اخر شي صارت الساعه عشره اتصلت رد
طلعت بالسطح
الوووو
سجاد
شتردين
اريدك سجاد والله ومااكدر اعيش يوم بلياك وشما تريد اطلب بس لاتعوفني

ما تباركيلي اني خطبت
ااي  ادري سجاد لاتعوفني مستعده نرجع مثل زمان
هههههه اني ارجعلج عكب الكلام الي كلتيه عني وعن اهلي
دولي حقيره ... انتي وحدة رخيصه وماعندج كرامه وظل يغلط علي
واني ساكته ومتفاجأة معقوله هذا نفسه سجاد
اخير شي كلي
اكلج صديقي يريد يصاحبج اذا تردين حته ادزج رقمه
رأسا شلت التلفون وركعت بالارض وظليت ابجي بصوت عالي
لحد مااجت سجى ودتني لغرفتي وانطتني حبايه مهدء ونمت
ظليت ع هذي الحاله ايام واسابيع ومحد وكف وياي غير سجى

شفتي يا ست هديل الحب شسوه بيه

حظنتها حيل وظلت تبجي اسفه هند سامحيني
هديل مرت بايام صعبه مااكدر اوصفها الج الله لاراويجياها
الحل الوحيد حته انسى واشفي غليلي هو الانتقام
انقم من جنس الرجال ... كرهتم وحته ابويه كرهته لان هم غدر بامي
ظليت ماالوم امي ع جاي تسويه
اصلا صرت نسخه من ماما
بديت مسرت الانقام اسوي علاقات وبعدين اعوفهم
وافرح من اشوف احد يتوسل بيه ارجعه احس بالانتصار
صار الانقام مثل المرض بيه
بس احس لازم انتقم من سجاد ... تقربت لواحد من اخوانه جان مزوج
خبلته وصل لدرجه طلق مرته وعاف جهاله علمودي
وكل لاهله خطبوها الي ورفضو
بيومها اجاني سجاد لباب المدرسه بنهاية الدوام
راد يحجي وياي مانطيته مجال ظليت امشي بالافرع
اخر شي لزم ايدي حيل ظليت اعيط باعلو صوتي
عوفني حقير عوفني ... لكوني ياناس
طلعت الناس من بيوتهم
كلتلهم هذا يريد يتحرش بيه
اجوله شباب وشبعو كتل واني اتفرج واضحك عليه شفيت غليلي
العصر اجن نسوان الشيخ هدن علينا
عاد امي ماقصرت طردتهن وطيحت حظهن هي وخواتي
بهاي عجبتني
اخير شي باعو بيتهم وشالو من المنطقه
لان الي اعرفه صارت مشاكل جبيره بينهم بسببي
واخوه سجاد
اخوه ظل يجي ويتوسل بيه ارجعله ...
وكتله اني مااريدك بس ردت اكضي وقت وياك
وانتقم من اخوك بيك
وحجيتله ع قصتي ويه سجاد
هم ظل يغلط عليه مثل اخوه وراح وله... بس بين فتره وفتره يجلي لشارعنا ويحاول يتقرب واني ماانطيه مجال

ها هسه عرفتي ليش ماعندي قلب

يله اجه مازن حديده من رخصتج اني رايحه
مازن حديده ههههه يله نكمل بعدين

رحت وحجيت القصه لنورا ولمى
بنات لازم نوكف وياها ونساعدها جاي دمر حياتها وسمعتها
نورا ... هديل اني بالنسبه الي ماادخل حياتها وهي حره بيها
لا نورا مامقبول منج هذا الكلام يعني انتي فراحنه بالي تسويه
نورا ... خلي يولون زين تسوي بهم
لمى ... نورا سالمين شبيج ترى هند مثل اختنا انتي ترضين اختج تسوي هيج
نورا .... اوي الي بيا مكفيني خلي احل مشاكلي واساعد روحي اول
يله من رخصتكم اني رايحه
ها وشتردون تسون سوا لادخلوني بالموضوع

نورا اوكف
هاي شبيها
لمى ... عوفيها متعاركه هي وزوجها وصاله للطلاق
اوف خطيه والله ماادري
لمى ... توها جانت تسولفلي
هسه خلي نورا ع جهه نرجع لهند
حبابه لمى انتي احجي وياها اني من احجي تتنرفز وتضوج من كلامي الها

صار ولا يهمج احاول وياها بس هديل لاتنسين الي مرت بيه هند موهين
صح كلامج بس لازم نوكف وياها ونساعدها
اي صح
ثاني يوم كاعدين اربعتنا بالكافتيريا اجه حيدر يمنه
هند مباشرتا كامت من يمنه غمزت لمى تروح وراها
بقينا بس اني ونورا وحيدر
حيدر ظل يجر حسرات
نورا .... حيدر عوفها لهند ماتفيدك
ليش نورا شنو السبب شبيه اني وماتريدني
نورا ... مابيك شي حيدر... بس شيلها من راسك وانساها
بكل بساطه تكلولي اعوفها وانساه
اني ليلي ماانامه ع كد ماافكر بيها
انتو صديقاتها قنعوها عفيه
نورا ... حيدر شبيك انته ماعندك كرامه ولك البنيه عدها علاقه ويه غيرك

خزرت نورا ... حيدر روح هسه والله كريم اني هم احجي وياها
بس لاتتامل خير
اوك
راح حيدر ... نورا ليش هيج حجيتي ويه حيدر
يابه شنوماعنده كرامه لو مايفتهم جاي تكله مااريدك
بس المفروض ماتحجين هيج وياه هو شنو ذنبه
واحنه شنو ذنبنا
احنا الي علينا نساعدهم ونحل مشاكلهم
واني منو يحل مشاكلي
اسفه نورا نسيتج والله
ولج هديل حسوي بيه ورحمو بحالي
والله  جاي اغار منكم ومن كل وحده مكبله واتحسر بقلبي
ماتدرين من اشوف هند والشباب تركض ورها ويتمنون كلمه منها شيصير بيه
لو لمى وياسر من يكدون ويتغزل بيها وهي تخجل واللهفه الي بعيونهم
لو انتي وهذا الي يتصل بيج

نورا بس انتي مزوجه لومامزوجه جان همين حبيتي وانحبيتي

هديل ليش انتي هم حاسبه هذا زواج
هذا سجن او كبر دفنت نفسي بيه ... بيد واحد حقير واناني وسافل
والله مااريد شي من الدنيا بس شخص يحبني واحبه

الله كريم نورا لابد يجي يوم ويتندم ع كلشي سواه وياج ويحس بقيمتج ويحبج

ههههه يتندم هذا انسان حقير ذرة مشاعر مابقلبه
الله كريم
اجت لمى ... هديل حجيت ويه هند لحد ماتعبت مايفيد
هاي هو بكيفها
مرت الايام وهند عافت مازن حديده لان صارت مشكله جبيره بينهم بس ماترضى تحجي

بدت امتحانات نهاية الكورس الثاني ..... فد يوم بالامتحانات طلعت من الامتحان وشفت البنات ينتظروني وجاي نسولف بالاسئله هند اجاها اتصال وكامت من يمنا.. شوي واجت
هند ... هديل تدرين منو اتصل بيه هسه
لا ما ادري منو؟؟؟؟