قصه🌟الومـﮧيـﮧض 🌟
مسيرة الكاتبه🌟وميض الليل
🚫حقوق النشر محفوظه 🚫
#هذه انا امـﮧـرأة لا تشبه إلا
نفسـﮧـها أفرح
وأحـﮧـزن بطريقتي أحـﮧـب وأكره بطريقتـﮧـي
ولا أمارس الحـﮧـياة إلا بطريقتـﮧـي
#ٰومـﮧيـﮧض
عنوان الحلقه
🌟طفولتي🌟
الملف الشخصي:
الاسم:>> ايمان ⚠ملاحظه لا احب هذا الاسم ولا احبذ احد يناديني بيه ولا حد يسألني شن السبب لاني بصراحه مانعرفش🐸💭من الاخير اي حد يجيب سيره هالاسم نقص✂✂
رسالته ونحط بدل الاسم (وميض)😒💪
اسم الدلع :>> ايمو او ايمي
الكنية او اسم الشهرة او اللقب يلي نعشقه😻 : وميض الليل
⚠ولاسم الشهرة حكاية الاغلب يعرفها😌 هالاسم من 2007 معاي لين نموت😻
مدينتي :->>ومسقط راسي وموضع قدمي ومكان قبري>> بعد عمر طويل 😳
الزنتان 😻😻😻
مواليد: 2/1/1992 يوم الخميس ف مستشفى الولاده بيفرن الساعه .... عاد ماتحشمونيش مانعرفش اي ساعه لان لله يصلحها الدكتورة لابسه ساعه ماتشتغلش جاية تتجكتر بيها🐸💦 ف هذا اليوم ولدت الاسطورة وميض👑😌👑 >> يلعن ام الثقه ياشيخه 🐸 << احم 😒 ماعليكم ماقلت شي انا.. هذه نفسي حاشره نفسها وتبي تتكلم😬
ولدت ف عائله من ام واب يحملون نفس الكنية واللقب ام ربت بيت واب معلم و مربي اجيال .. اكبر مني 4 بنات وولدين
يوم ولادتي كان خبر صاعقه ع بعض الاشخاص ربي يسامحهم 😒 لانهم كانوا متوقعين او متأملين اني ولد 😂😂ولله لتو كلما نتفكرها نستحليها فيهم ياشماتتي فيهم💦🐸😂
جد كانوا يتمنوا اني نكون ولد لان كانو اكبر مني 3 بنات ع روؤس بعض 😐ف بالطبيعي بيتشائموا مني لان وقتها جيلنا قعدين متخلفين 😒 ويتشائموا من البنات ولسوووء الحظ ان جيلي من اقاربي كللللللهم اولاد الا انا🐸💔 ع فكرة بوي وامي ماعندهم مشكله بنت ولا ولد المهم الصحه والسلامه 😌
المهم يوم جيت الكل اضايقو وكان عندي خوين اكبر من خواتي
امي جابت بنت بعدها ولدين بعدها 3 بنات وبعدهم انا😻
كان خوي التاني بعد الاكبر (عبدو1) ربي يرحمه 💔كان يكره شي اسمه بنت ولما جيت فكر كيف يفتك مني مرة يقول بنحذفها ف الفسكية(يلي مايعرفها يعني حفرة زي البير بس مش عميقه فيها امية💦💦💔😂) ومرة يفكر يلوحني ع باب الجامع ومرة يقول بنبيعها لناس ماعندهم صغار😒 زمان كان صغير عمره 7 سنوات 🐸 المهم مايبيش يكون عنده اخت اخرى😂
وربي ستر ومادارها كان هذا راه تو خسرانين كاتبه متألقه ف سماء الكتاب يلي هي انا💔💔😿😿😿 الحمد لله والشكر لك ياااارب ☝
بعد معاناة ف طفولتي من القتل والخطف والتشريد 😂😂 تبدل الحال من الاسوء الى الافضل وبديت اغلى من كل خواتي😌 وخوتي يلي كانو كارهيني بدو يحبوني وديما معاهم 24 ساعه وانا ف جرتهم لين بديت نسخه من الاولاد ف لبسي وشعري وتصرفاتي واكثر خو كنت معاه هو خوي (عبدو1) ربي يرحمه
وعند الكل كنت مدلعه ولما نتفكر ف طفولتي نقول كيف انا تو مش دلوعية😐🐸
نذكر زمان كانت عنده لعبه مسدس ويصلح فيه وانا داكه راسي معاه ديما شوي جت حديده منه ف عيني ودارت صوت زي التطربيق وانا عيطت وحطيت ايدي ع عيني لقيت عيني دم كلها ... من الخوف اصكرت ودخت 💔 وجت اختي الكبيره تجري لقت دم ف عيني داخت😂😂😂
المهم ف الاخير بعد الاسعافات والانقاد طلعت الضربه تحت عيني مش فيها🐸💦😂😂
الحمد لله كان هذا تو انا عوراء😿
المهم عشت 4 سنوات وانا ف دلال وعز ومعزه [ واحيانا كوارث 😳]
لين جا خوي (عبدو2 ) ربي يرحمه هو وخوي الاول 💔 وعاد يافرحتهم بيه ولد بعد 5 بنات وبعد 4 سنوات من ولادتي داروله عرس معرس 7 ايام بلياليها غناء وتدربيك وعزايم مفتوحه😒 لما نذكر الفرق بين ولادتي وولادته يوجعني خاطري😿💔
كنت ف طفولتي منعزله اغلب الوقت لاني مانحبش اللعب مع البنات الا اختي رورو وبنت عمي وولد عمي يلي من ندي .. لذالك اغلب الاحيان نكون بروحي ونحب نلعب بروحي ندير ف حياش ونصنع ف( دمى قماشيه> بنابل ) ونلعب بيهم ونديرلهم قصص زي الرسومات ولما نتعب نكلم القصه وقت نرجع نلعب تاني
واستمريت هكا ف صغري لين اصبح عندي خوت صغار وكنت نحب نحكيلهم قصص ومواقف مؤلفه من عندي وندير انا واياهم مغامرات بالخيال وكنت نفكر لما يجوني يبو نحكيلهم ومساكين كانوا يصدقو😂🐸
ومرت السنوات ع هالحال لين......
يتبع ف الحلقات القادمه من مسيرتي الحياتية🐸💔
