حب بعد منتصف الليل

الجزء الثامن عشر الفصل الثاني

#الثـامن عـشر  من الفصل الثاني

#حرير#بعد_منتصف_الليل

بقلمي #نشــــوى_السٌــلطاني ..

شذى.. يولي دحام يهدد ويريد ياخذج غصب
وانتي كلتي مانزل على ضره

حرير.. يعني والله مادري انتي شتشوفين

شذى.. وافقي ولج اخلصي من شمة وربعها

حرير.. ماااادري بكيفكم شتفصلون اني اللبس
هاي هي امري الى الله هي بعد حتى حياتي
ماتعنيني .. كلشي خليته بيدكم

شذى.. ياعمري والله احنا علمود مصلحتج اتتي اتكولين ماخرب حياة دحام.. اذا هيج وافقي بسامر احسن...

حرير... مادري شذى كتلج بعد مايهمني شي تعبببت وربي بكيفكم

شذى.. اكفي هاي فرح اتيدج...

حرير... انطينياهه...

فرح... الوو ولج غبيه عليش غالقه التلفون هاا

حرير... يولي شسوي بي ماريده

فرح.. افتحي خاف نحتاجج.. دحگي عليه

اذا ماجيتي العرسي ثقي بالله ماحجي وياج للموووت...

حرير،،، لا لا اجي ولج ليش جم اخت عندي

فرح... بعد عمري انتضرررج... يله باي بعدين نخابرج...

حرير... سديت الخط... وديت الجهاز لحرمة خالي. .. ورجعت كعدت بالطرمة.. اشتاكيت

للديرة.. اشتاكيت الامي.. اهجس روحي مختنكة
اني شنون اريد اتزوج ابغداد .. شلون اكدر

ابعد شنون راح اكدر اتعايش ويا اهل سامر
اطباعهم وعاداتهم تختلف من عدنا.. اكيد ماراح

ارتاح وراح يضلون يقلدون عليه.. ويكولون هاي من العرب جاااية.. اي والله ادري بنفسي ماراح

اكدر اتحمل حجيهم بس هاي هي الدنيا هالشكل ويايه مابيدي بعد شي .. اووف حبيبي

جنت اتمنى يزفوني عليك،. ليش الموت اخذك مني ورحت بعيد.. شنون بعد بحله بعيني زلمة

غيرك.. ادري بيك راح تزعل مني.. لان راح اروح الغيرك.. اوووووف ربي راح اموت من التفكيرر

كمت الحيلي صحت نوفه وطلعنا عاالزرع... الزرع والخطار ايخبل جانو زارعين جت تربعت

وكعدت.. اني والبنات.. بقينه نسولف ونضحك
حبابات هين الناس عايشين عالفطرة.. كلبوهم

صافية. شوي كدرت ارتاح واطلع من القهر والتفكير اللي محاوطني ليل نهاار..

ابو قاسم... طلعت للشغل ورديت الضهر للبيت
عالطريق وتذكرت شغلة دحام.. مريت على عمي فواز..لازم نحل هالسالفه

حرمة فواز.. هلا يمة فووت عمك هينه جوه

ابو قاسم.. اي هم زين لكيتو توقعتة بالشغل

حرمة فواز.. توه جة.. كتلو شعجب جيت هالحزة
كال ماعندي شغل

فواز.. هلا ابو قاسم... تعال

ابو قاسم.. سلمت وكعدت...

فواز.. صبينا جاي ...

ابو قاسم.. لا لا كبل شوي شربت مستعجل مريت عليك علمود دحام

فواز.. هاااه شبي...؟

ابو قاسم.. هذا عاف حرمتو ويريد يكطع مهر
على حرير.. اني اشوف هالزواج راح يسوي مشاكل.. ليش ماننطيها السامر

فواز.. اقنع دحام اذا قبل يبطل ننطي

ابو قاسم.. هذا مايرضى يعوف ايكول اريدها ومحد ياخذه غيري.. اني كلت حرير يم خوالها

فووك بالجزيزة..  هذي فرصة نكطع مهرها
ودحام مصيرو يسكت ويرضى

فواز... لااا شهالحجي احنا مانفوت دحام انطيناه كلمة ارجال مايصير نرد سالفتنا هالحجي مورااهم ابد...

ابو قاسم... والله حيرررة عجل تبقى البنت هيج قسمتها محرولة النوب هذا سامر يوميه ياخابر ايتنشد ايريد يشوف ننطي لولا

فواز.. اقنع دحااام وسهلة.. بس مال نفوت ابن عمنا لا مايصير جدام العرب ... خلي كلمتنا كلمة ارجالً

ابو قاسم... والله مادري خل اكووم هسه ونشوف تالي هالخطبة شنو

فواز.. اكعد تغده هين عليش رايح

ابو قاسم،.. مشكور عمي غداك واصل والله ماكدر عندي شغل.. فمان الله..

دحام... تغديت وكملت اريد اطلع على عمي ابو عبير...

ام دحام.. هااا يمة شو هم طلعت مانكدر نشوفك نحجي وياك كبل طالع

دحام.. خيرر يمة علمود شمة تررره مارجعهاا لان هي ولـت الأخوها اللي طلع هو يرجع وعساهه مارجعت...

ام دحام.. لا تبقى اتأمل حرير تره ماتقبل بيك والنوب عفت حرررمتك بسببهااا

دحام.. ياهو الكال اني عفتها بسببها شمة لسانها طويل ونفس الوقت ثوله شلعت كلبي

ماتعرف اتصرف.. بعدين انتي شدراج هي ماترضى توافق بيه .. حرير مو جدامج كالت

مرافقتي من موافقة اهلي اسمعي يمة حرير
كلبت عليه من يوومين. بس ثقي بالله اذا انتي او

شمة وره هالسالفه ثقي بالله اكلب البيت عليكم
وشمة ماتصيري مرة ..اطلكها واذبها على اخوها ...عفتهااا وطلعت ركبت السياره

ام دحام... عززة عليك والله لو سمع اني اللي خربتها راح يتخبل شورطني اني خاف هاي

حرير تروح تحجي وتكول امه جتي بس لا حرير عاقلة ماتسويهااا...

ابو عبير.. اريد اطلع للكهوى فتحت الباب تلكاني دحام...

دحام.. فتحت الباب نزلت سلمت عليه

ابو عبير.. حييياك تفضل..

دحام.. لا لا مو كاعد.. اريد اروح بس جيتك بشغله .. ياريت نصعد بالسيارتي ونحجي..

ابو عبير.. ركبت وياه وطلعنا بالديره نفتر

دحام.. عمي... ماريد الف وادور اني جاي ورايد منك حرمة...

ابو عبير... اذا عل هاي سهلة گبعها واخذها
عبالي عندك خبر..

دحام.. كفووو عمي ماتقصررر ادري والله ماتردني...

ابو عبير... المن اتيد.. سهام بنت الحرمة

دحام... لاه لاه .. اني رايد بنت عمي حرير

ابو عبير.. ماكو فرق ان شاءالله .. سهلة
اكول انت يوميه معرس عجل حرمتك وينها

دحام... هااا عمي اشو اختلفنا ماعليك من حرمتي حرير.. اكعدها وحد بعيد عن اهلي تطمن ..

ابو عبير... لا بس داسأل .. المهم اشور البنيه واردلك خبرر.. هسه هي مو هينه راحت فوك على خوالها...

دحام.. عمي وين صايرين خوالها اندل بيت خالها حميد... بس الصغير ماندلة

ابو عبير.. الاااا غادي ساكنين بالجزيزه موهينة

دحام.. عمي حرير.. صغيره وحلوة ليش تخلوها تطلع ياريت ادز عليها.. وتجيبها يمك

ابو عبير.. لا خالها ماعندو احد ويخاف عليها

دحام،. خير ان شاءالله...

حرير... مرررت الايام.. التفون مغلق.. مرات افتحة بس اتصل على فروحة وارجع اسده

اليووم المغرب ارجع للديرة.. باجر حنة فروحتي
مومصدگة راح. ارجع للديره الله شكثرر مشتاكة الاهلي والعمتي.. والغرفتي والحموودي 😍😍

دحام.. روحي تلوووب عليها اروح وارجع وعيني عالباب شوكت تردين.. شوكت اشوف عيونج

حرير.. جة خالي من شغلة لكاني متحضرة
بالباب واكفه.. سلمت على حرمة عمي وعلى نوفه وطلعنا،..

ابو قاسم... حرير راح يجيبوها لو امر باجر اجيبهااا

فرح... لا لا هسه بالطريق هيه جابها خالها

ابو قاسم.. عجل خوش لان باجر عندي شغل

حرير.. وصلنا الديرة... الله روحي ردت اللي
ادحگ من الجام.. عالبيوت وعالديرة محلاها ديرتنا.. بس لون بيها ابو جراح.. جان صارت بعيني جنة..  وصلنا... نزلت اني وخالي..

فرح... هيااااان. جووووي

شذى.. اششش حمودي نايم على كيفج

فرح.. دحكت من الجام.. يمكن هذا خالها وياهه

شذى... ها عجل اصيح الابو قاسم يطلع عليه

حرير.. طبيت ذبيت الغراض حضنت فروحة وبوستهااا يمةةةة شكثر مشتاكتلج

فرح.. يولي والله البيت اضلم بلياج

حرير.. ولج نسيت خالي بره واكف

فرح.. لا راح يطلع عليه ابو قاسم تعاي فوتي
احجيلنااا شسويتي ماسويتي

حرير.. شسويت يعني ماسويت ارتاحيت هناك بس ناقصني شوفتكم..

شذى.. وهياااان كعددد حمودي... بس سمع صوتج رفع راسووو

حرير... يمة فدووووة الحبيبي تعال.. اوويلي والله مشتاكة الكلشي بالبيت عمتي نايمة لو كاعدة

شذى.. يمكن نامت.. هيان جة ابو قاسم يمكن راح خالج

حرير.. اي خطيه جة علمودي تعنا لهينااا

شذى.. رايحة اقطع الحم اليووم انتعلل ونشوي برة شتكولون...

فرح.. اي عفيه ضوجة خل نغيررر

حرير.. دحام خاف يشوفني هينه ..

شذى.. واذا يعني قابل راح يخطفج

حرير.. مارجع حرمته...

فرح... لا مشاكل هي ويا حسب ماسمعنا ماتصور راح يرجعهاا

حرير،.. الله يهدي ويرجعها...

شذى.. كومن يله الحكني للمطبخ كلمن تلزم الها شغلة...

حرير... كمت غيرت ملابسي .. وطلعت وياه شذى...

شذى... راح اشيش الحم انتي شعلي النار...

فرح.. اني انطوني اسوي الزلاطة ماريد اطلع يم النار.. باجر حنتي اخاف على بشرتي😬

حرير... فديت عروستنا انتي اكعدي مالج شغل
انتي مدلله هسسه... انطيني من يمج
المقداحة... اكو نفط برة لو لا...

شذى.. اي تلكيت وره البيت النفط ديربالج لا حمودي يحكج ويشرب منه..

فرح.. حمودي. شايلو ابوه بس انتي اطبكي الباب وراهه...

حرير... طلعت... حضرت الحطب.. وخليتو بالتنور.. خليت النفط اريد اشعلو انتبهت الحطب

قليل.. طلعت اتهدرس على كيفي امشي

فتحت الباب... اكو حطب بره جدام الساحة مخليه.. شلت عثگ جبيرر سحبتوو.. تعورت

رجلي .. دخلت بيها.. سلايه.. صحت اااخ
ذبيت العثك كعدت رجلي توجعني بس ماتطلع دم شلت العثك اريد افووت رفعت راسي..

دحام.. شبيها رجلج

حريرر... حزرتووو بعينييي مارديت عليه مشيت

دحام... عبرت من جدامي رجعت وكفت جدامها

ليش انهزمتي هاا... مصيرج تردين للديره
رحتي الخوالج.. تريدين تنهزمين مني

حرير.. دحااااام احنا بررة كافي عاد ملاحكني
بكل مكااان ... انت شبيك..

دحام.. شبيهاا شعلتي اهل اهلي وتسأليني شبيك... يول يااب والله عكب هذن عيونج ماتحله الدنيا بعينييي

حرير... وخرررت من يمة.. مشيت يحجي متصديت عاىليه ركضت.. سريع طبيت للبيت

وطبكت الباب ورايه... ياربي شنو هالصدفة شجابو هالحزة.. الحمدلله محد شافنا اهجس

گلبي يريط يطلع من مكانووو... حتى العثك عفتو ظل بره من شدهتي نسيتو... عفتو وطبيت شعلت النار.. وعيني عالباب خايفه يجي دحام

شذى.. هاا حرير ر اجيب الحم...

حرير. صحت اي اي جيبييي

دحام... تكابرررر العنودية اذا مافريت عقلج عجل اني مودحام.. طبيت لبييت

سحر.. اصبلك عشى...

دحام.. ولي انتي خل امي تصبلي

حرير.. كملنا الشوي وتعشينا ودحام ماجة ابد

طبينا للغرفه.. اني وفروحة... بقينا نتعلل فروحة راح تروح من عدنا خل نشبع منهااا

فرح... هذا حسن ديدك

حرير.. شكو مستحلج حسن مانريد نحجي وياج يعني

فرح.. هههه شوية شبيج قابل راح اطير

حرير.. ادري بالشوية مالتج يعني حتى الصباح اني تعبانه راح افوت اناام...

فرح.. هزيت براسي اي..

حرير.. طبيت غسلت وجهي وكملت.. رحت
لغرفتي.. الشبابيج مفتحة .. والبردة.. قفلت باب الغرفه.. جيت اريد اقفل الشباج..

دحام... بسسس بسس.. يولو...

حرير... وره البيت اظلم النوب سمعت صوت
طبكت البردة والشباج بدون مادحك متت خوف
اريد اطلع اصيح الفرح..

دحام.. حرير... افتحي شبيج اني دحام

حرير... عزززززة عليه هذا تخبل شنون يريد يبلاني.. شجابو هالحزة... مديت ايدي اريد

افتح البردة خفت.. يمة شنون يربي هذا شجابو بقيت متردده..

دحام.. لا تخافين ماراح اكلج بس احجي وياج

حرير.. فتحت البردة ..

دحام.. افتحي الشباب

حرير.. شتيدددد

دحام.. افحتي راح اكسرو والله

حرير.. فتحتو.. اكووول انت شبيك مجنووون شجابك هين وشجابك هالحزة اتريد تبلاني

دحام.. يولي اخذيني حاصل فاصل يمة من اللسانج..

حرير.. رووووح بسرررعه تره والله اكعد ابو قاسم واكلو تعال شوف دحام هين

دحام.. بشرفج امشي روحي كعدي عادي اكيف
بلكي الله يحسون بيه وينطوني

حرير.. دحاااااام ...

دحام... عيووون دحام ونظرهااا كولي..

حرير.. روووح من هينه

دحام.. يولي عوفي الشقة.. اريد احاجيج

حرير.. ومنو كلك دتشاقه اني روووح الله يخليك
راح تبلاني يمعود ماعايزني فضيحة

دحام.. شحدووو اللي يجيب سيرتج.. يولي اني عندج لا تخااافين انتي عرضي وشرفي محد يكدر يحجي حجايه عليج اسمعي راح تبقين
بهذا عنادج.. كافي عاد تره خلصتي كلبي

حرير.. رجع حرمتك ولا تتأملني

دحام.. يولي كافي عااااد اني اريدج

حرير.. انسااااني مانتراهم اني وياك

دحام.. لااا انتراهم اني شسلب عقلي غير هالطبع...

حرير.. اني ماوافق عليك لو اموووت افهم عاد

دحام.. توافقين على الغريب وابن عمج لا موو

حرير.. بكيفي اوووافق ارفض اني حرة

دحام..شوفي اكلج.. حرمتي ماراح ارجعها خاف عبالج علمودج لا اني ضوجتني بسوالفها ماحترمتني.. وشي اخر شيلي من بالح بيوم اخليج تتروجين اخليج هيج لما تشيبين وماخلي احد ياخذج

حرير.. عادي مايهمني اصلااا اني ماريد اتزوج

دحام.. راح اختفي من حياتج مثل ماتريدين راح اروح بعيد ماتشوفيني بعد  بس نهوتي عليج مابطل منهااا...والي ياخذج اذبحو والله

حرير... تختفي او لا براحتك مايعنيني..

دحام.. ايصير خيررر... عفتها ومشيت

حرير.. سديت الشباك والبرده.. وكعدت.. يربي هذا هم حضي.. خلاه ايتعلق بيه.. شذنبو هذا
ان شاءالله يرجع حرمتو وينسعد وياهه

دحام... طلعت واني صاير نار..خشمج هذا العالي اذا ماكسرتو عجل اني مودحام..

طلعت للبيت.. شحنت الجهاز وخابرت على ابو شهاب.. اتفقت وياه اطلع السوريا .. اريد اطلع

ماتحمل ابقى هين طلعت الدنيا من عيني
حضرت ملابسي بالجنطة والجواز.. وبقيت كاعد

للساعه خمسة الصبح جاني ابو شهاب وطلعت وياه بدون مااكول حتى الاهلي...

حرير.. كعدت الصبح رتبنا البيت اليوم حنه فروحة .. تريكنا اني وياهه وجة حسن اخذنا للصالون.. 

ام دحام.. يولي اخوج ماكو لا بغرفته ولا بالربعه

سحر.. هسه دتشوفيني نايمه شسويله اني

ام دحام.. يولي خاف ماجة بالليل.. كومي اطلبي..

سحر.. يمه هم كلتي اطلبي يمة شطلب منه شبيج.. كولي خابررري..

ام دحام.. دكومي لا تظلين تسولفين

سحر.. سحبت التلفون من الشحن وخابرت

ام دحام.. هااا..

سحر.. خارج التغطية..

ام دحام.. عزززة عليج.. شنو يعني مغلق

سحر.. يعني ماعندو شبكة لو تلفونة طافي

ام دحام... يولي شنون هسه هذا وين راااح

دحام... طول الطريق واني ساكت الولد يضحكون ويتشاقون واني اهجس واحد عبالك خناكني...

حرير.. رجعنا الضهر للبيت فروحة لبست بدله وردي طلعت تخبل.. اني لبست فستان عادي ويا حجاب ولا اللي واهس اسوي شي بس الخاطر فروحة...

يتبع....