Prologue
"Star Razon!" bungad ng bestfriend ko na si Sarah pagka apak ko sa pintuan.
"Bakit Sarah? May problema ba?" tanong ko rito.
"Hindi ka 'man lang nagkwento saakin na kilala mo si Klent Mercado!" tili niya.
Tipid akong ngumiti dito bago sumagot,"Hindi naman kailangan,"
"Naku, Star! Ewan ko sa'yo! Halika na nga! Ang daya mo!" aniya sabay hila saakin papunta sa library, bukas na kasi 'yong third quarter exam namin.
"Nasaan si Star?" tanong ng isang pamilyar na boses sa kung sino.
Nandito na kami sa canteen ni Sarah dahil lunch time na, kaso wala siya dahil siya na ang pumilang bibili ng pagkain namin para mabantayan ko itong pwesto at mga gamit namin.
Maya maya lang ay may tumabi na saakin. Sabi ko na nga ba.
"Anong kailangan mo?" mariing tanong ko sakanya ngunit humalakhak lamang siya.
Nakakaasar itong lalaking 'to.
Humarap ako sakanya kaya umayos siya ng upo, ngayon sinasamaan ko na siya ng tingin.
"Chill, baby. Gusto ko lang makita ang nag-iisang bituin ko." aniya at pinisil ang magkabilang pisngi ko.
"Omg!"
"WAAAAAAH shit!"
"Klent kooooooo!"
"Sila?"
"Klent! Akin ka lang!"
