جونكوك : هوووف ياربي مش هنخلص بقي من أم الامتحانات ديه
نامجون : يا سلااام مهتم انت أوي دنا آخر مرة شوفتك فاتح فيها كتاب كانت من اربع شهور تقريبا وكان كتاب ( كيف تشقط آيو ) كمان
جيمين : بس متتكلمش يا دحيح إنت بالذات ده انت حتي مبتغششناش ... في حد بيعمل كده مع صحابه
نامجون : مش انا عملت
جيمين : اه !
نامجون : يبقي فيه
جيهوب : ألا هو احنا علينا امتحان ايه اشباب
شوجا : تقريبا كده والله اعلم امتحان انجليزي
تاي : الله ده الانجليزي ده لعبتي
نامجون : علي يدي ... بأمارة ال ( shit down)
شوجا : صحيح انت بتتكلم في ايه دنتا فاشل
جين : بس متتحمقش اوي كده يا عم ال ( infires )
شوجا : احم .. انا رايح اذاكر
جين : لا متتهورش متتهورش
جيمين : خلاص يا جماعة كل واحد يروح علي بيته كده ويشرب كوباية حلب حصي ونفتح الكتب إلي محدش لمسها ديه لغاية ما عفنت
جونكوك : دنا طلعت كمية تراب رهيبة من الكتب بتاعتي امبارح
جيمين : ايه ده انت بتذاكر من ورانا ولا ايه يلا
جونكوك : بذاكر ايه يا عم دنا كنت بدور علي كتاب كيف تشقط آيو
نامجون : مفيش فايده
تاي : طب يلا لان كما قالت الحكمة ( الوقت كالمطوة ان لم تشرحه شرحك )
نامجون : ديه حكمة خالتك ديه
تاي : لو سمحت انا خالتي ست شريفة متجبش سيرتها علي لسانك
شوجا : هو بيقولك خالتك اتمسكت دعارة .... ده بيقولك حكمة خالتك يعني خالتك حكيمة
جونكوك : يعني ايه حكيمة ؟
تاي : بتدي حقن
جين : احنا لو فضلنا كده نتكلم مش هنروح وهنفضل كده للصبح
* كل واحد بيروح علي بيته وبيذاكر *
*عند جونكوك *
جونكوك : ايه القرف ده يا جدعان في ايه انا مش فاهم حاجه ... الله الله وكمان راس حربة هو انا ناقصة
* عند جيمين *
جيمين : اممم He used to ... to فقال له ... فقال له !! ... ايه الخرا ده يا جدعان وربنا منا مذاكر
* عند نامجون *
نامجون : انا ذاكرت الكتاب ده 11 مرة وده 12 مرة وده 8 مرات.. لأ قليل هذاكره تاني
* عند جيهوب *
جيهوب: الله ايه المذاكرة الحلوة ديه .. دنا رسمت شوية احصنه في الكتاب انما ايه عنب
*عند جين *
جين : بسم الله * بيفتح الكتاب* ايه ده انا جوعت هو انا لحقت أما أقوم آكل * ضميره* : طب والمذاكرة
جين : تتحرق اكتر ما هي محروقة
* عند شوجا * *بيفتح الكتاب بينام في نفس الثانية*
*عند تاي*
تاي : هاااااح الكتاب كبير اوي وانا مش هقدر اذاكره انا هتصل بالواد جيمين يقولي حل * بيتصل بجيمين *
جيمين : الو ايوا اتاي عايز ايه هتضيعلي مستقبلي فصلتني من الدح إلي كنت بدحه
تاي : علي بابا دنا بابا يالا..... دنا شايف العاب الفيديو إلي انت بتلعبها من عندي هنا
جيمين : اه يا بن ال ... انت بتراقبني يا لص
تاي : أجل يا سيدي ... فكك انا مش عارف اذاكر الكتاب كبير أوي
جيمين : عندو كام سنة يعني هوخهوخهو
تاي : انا راجل وسخ اني كلمتك اساسا ... متبقاش تقعد مع جين هيونج كتير
جيمين : خلاص متقفش انت ليه زعلك وحش كده يا اخي ... ابن مين في مصر انت عشان تذاكر ما تلعب زي بقيت الناس... استهدي بالله كده وقوم العب فيديو جيمز زيي
تاي : تصدق اقنعتني بلا مذاكرة بلا خرا... جايلك يا ألعابيييي
*يوم الامتحان *
نامجون : ها يا ملوك الفشل عملتوا ايه ؟
شوجا : انا مسكت الكتاب من هنا وقلبت بطة بلدي ونمت عليه من هنا ... وانت يا جين
جين : لا مش هقولكوا لأ
نامجون : ابو صلاح متخبيش عليا .... ذاكرت ؟
جين : ده سؤال .. لا طبعا قعدت آكل
شوجا : انا كنت متأكد انه لأ علي فكرة ... طفس من يومك
جيهوب : انا عملت حاجه افيد من المذاكرة
شوجا : ايه هيا ؟
جيهوب : اتعلمت ارسم حصان
شوجا ونامجون : وده يدخلك ايه ؟
جيمين : الأسطبل هوخوهوخهو
جين : ايه ده احنا هنقطع علي بعض ولا ايه
جونكوك : حاولت اذاكر ولكني لم أقدر
جيمين : وكيف لم تقدر يا بن ابي حنظلة
جونكوك : مادة عنيفة اوي ياجدع والله
جيمين : من غير ما تحلف يا جدع باين علي وشك
جيمين بردو : طبعا مش محتاج اتكلم عن نفسي كتير .. دنا دحيت دح
جين : ده الكذب والحقيقة بقي
جيمين : قعدت العب العاب فيديو جيمز انا وتاي
تاي : يا رخم دوري لسه مجاش في الكلام بتحرقة ليه
جيمين : بحرقه ؟!! هو عفريت يا روح امك
تاي : لا هتجيب سيرة الأم بالشوز وعلي دماغك انا امي ست شريفة
جيهوب : زي خالتك كده
جونكوك : شوية وهتقولنا لاااا البيت ده طاهر وهيفضل طول عمره طاهر
تاي جيمين : و يا أم المطاهر رشي الملح سبع مرات سبع مرات يلااااااا
نامجون : بس يلا منك له مش فرح امك هو ... ويلا عشان اللجنة بدأت
