انتي طالق....!

((ما توقعت الخيانه من اقرب الناس .... للاسف خاب ظني فيك لازم ينتهي كل شي هنا.... انا بسافر للندن باكمل دراستي ولا راح ارجع وانتي....انتي طالق))

كان هذا محتوﯼ الرساله الي غيرت حياتي

او بمعنﯽ اصح (دمرت حياتي)

اعرفكم بنفسي ... انا جوري فهد الـ.....

خلصت الثنويه عندي اغلﯽ فرندز (نوره فيصل) و(اميره سعد) اعشقهم بس نوره لها عشق خاص لانها اخت (الحب) احب اخوها (سلطان فيصل) بس هو ما يدري وانا مادري اذا كان الشعور متبادل بيننا بس مومهم يكفيني اشوفه يوميا ....ايه يوميا لان نوره تعرف بحبي له وعشان كذا اقنعتني اروح معهم يوميا (من الجامعه) ....

ويوميا اشوف حبي وعشقي وحياتي ودنيتي ولد فيصل -كذا اسميه-

انا ساكنه مع امي (حسناء)  ابوي (فهد) و اخوي (خالد) -اكبر مني بسنتين-

حالتنا الماديه فوق الممتاز ابوي يملك اكبر شركات الكترونيات بالرياض وطبعا نص الشركه لـ(فيصل) -ابو الحب-

ابوي وابوه شركاء من زمان و الحب صديق اخوي لانهم كثير يجتمعون بالشركات وطبعا -اخت الحب -ماي باست فرند

نرجع لشخصيه ما تعرفنا عليها (اميره) حالتهم متوسطه بس هي ما تحب سوالف الحب وكذا ....

ودايم تنصحنا نبتعد بس لاحياه لمن تنادي

.....وانتهينا من التعريف بالشخصيات ........

بيوم ممل بالجامعه كالعاده خلصت محاضراتي بس استنﯽ نوره والعب بالجوال

نوره:اخبار الحلو

جوري:تمام .....خلصتي? ?

نوره :لا باقي محاضره ليش اشتقتي للحب

جوري :ـ وجهي قلب احمر ـ ...

اميره :اي حب الي يبيك يخطبك مو يلعب

نوره :اميره اخوي ما يلعب

جوري :بعدين هو ما يدري بحبي له ولا تتكلمين عنه كذا

اميره :كلهم رجال

جوري :بس هو غير

شفت نظرات بين اميره ونوره بعدين طالعوني

ونوره ماسكه ضحكتها

نوره :لو يدري اخوي

جوري :خلاص عاد ما قلت شي

راحت نوره لمحاضراتها وبعد ما خلصت اتصلت علﯽ الحب عشان يجي ياخذنا وبعد ما وصل ركبه نوره قدام وانا ورا واناظره مع المنظره الي قدام

اوصف لكم شكله كان لابس ثوب وشماغ و نظارات شمسيه وله سكسوكه نحيف وطويل ومعضل بس ريحه عطره شي ثاني ما يتكلم معي بس اول ما اركب يسلم غيره ماعرفه ولا يعرفني كثير يجينا البيت عند اخوي واحيان اتسمع لهم صوته مبحوح يهبل

اليوم وحنﯽ بالسياره وقف سلطان عند اشاره وهو مستني وصلتني رساله ناظرت الجوال كانت من نوره التفت لها بعدين فتحت الرساله ((كل عام وانتي بخير سويت لك احلﯽ مفاجئه مع الحب طبعا))

لحضه لايكون تبي تقوله اني احبه جيت ابي ارسلها بس هي سبقتني

نوره :سلطان شرايك نروح نشتري عسكريم

اليوم ميلاد جوري ونبي نستانس شوي نبي نروح للمطعم علﯽ ذوقك

سلطان :طيب علﯽ هواكم

كنت استوعب الصدمه بس الي صدمني اكثر

سلطان :كل عام وانتي بخير .....جوري

هو يكلمني لا لا بس مافي غيري قطع تفكيري صوت نوره

نوره : جوري يبارك لك حبيب القلب

وبسرعه حطه يدها علﯽ افمها ما تدري شلون طلعت الكلمه منها سكتنا لحظات صمت بعدين سمعت صوت

سلطان :جوري تبين اي مطعم

جوري :...........ـ مادري شلون ارد عليه ـ

بس انقذتني نوره

نوره :لا خلاص نجتمع الليله مع البنات

سلطان :اوكيه

وصلنا البيت نزلت وكانت نوره تبي تنزل بس مسكها سلطان

سلطان :خليك ابي اتكلم معك بموضوع

نوره :بس عيد ميلاد جوري

سلطان :اجيبك بالليل اصلا حتﯽ انا عندي شغل مع خالد

كنت فاتحه الباب واناظرهم بعدين التفتت لي نوره :باي جوري اشوفك بالليل

سكرت الباب وراحوا ادري شنو الموضوع ادري ليش يبي يكلمها بس يارب ما تفضحني

دخلت البيت سلمت علﯽ امي وصعدت للغرفه

اخذت جوالي اتصل عليها ولا لا.

.............................

هذي روايتي الاولﯽ اتمنﯽ تدعموني

انا احبكم كلكم ......

ملاحظه :

بنهايه كل بارت راح اكتب شعر وانزله طبعا انتم اختارو الموضوع واذا كنت تبي الشعر عن شخص معين براحتك لكن الي اكتب له هو اول واحد يرسلي تعليق به الموضوع

فهمتوااا

زين باي .......