احلى عيلة

الشخصيات..

اهلًا أنا رواسم عمري 18 سنة نقرى أولى جامعة تخصصي طب أسنان مواصفاتي متوسطة الطول شعري بني هادي و طويل و عيوني رماديات و بشرتي بيضة.
عندي زوز خوت و اخت صغيرة.
خوي الاول هو عمر عمره 25 سنة متخرج و يخدم في الشركةابيض و شعره و عيونه سود زي الليل و عضلات و لحيته خفيفة كل البنات يجرو وراه اما الثاني محمود عمره 17 ابيض و شعره بني هادي و عيونه رماديات (يشبهني) و يقرا ثالثة ثانوي شيطان ووك عليا بيقلب الدنيا (ديما نتعارك اني وياه) يناشب فيا كل الوقت.
اما اختي الصغيرة دلووعتنا ميرال كلنا نحبوهاا عمرها 8 سنين مهتمين بيها خاصة بعد وفاة ماما و بابا ( الله يرحمهم) في حادث نفس مواصفاتي اني و تشبهني هلبا هلبا.
عايشين بروحنا في حوشنا و نعرفكم علي حوش جدي:
جدي خالد ميما فتحية عندي 3 عمام و 2عمات.
عمي الكبير عبدالله مرته خديجة عندهم زوز ولاد رائف عمره نفس عمر خوي و يخدمو نفس الشركة واعر هلبا و ميجبش كلمته متمشيش و مهند عمره نفس خوي محمود و نفس الثانوية جوه مليح بكل.
عمي عبد الرزاق مرته سعاد عندهم تؤام بنات و ولد دانيا و دنيا عمرهم من عمري و داني عمره 16 يقرا ثانية ثانوي.
عمي عبد الرؤوف مرته روان عندهم زوز ولاد و بنت محمد عمره 18 تخصصه هندسة و مهيمن عمره 17 يقرا مع محمود و ملاك عمرها 15 اولى ثانوي.
عمتي عائشة راجلها ميت عندها ولد واحد اسمه ماجد 23 سنة متخرج و قري في المانيا.
عمتي صبرية راجلها عماد عندهم زوز بنات هبة عمرها 18 تقرا معاي نفس التخصص و سارة عمرها 30 متزوجة من شهور.
طبعا اللي يقرو في الثانوية يقرو نفس الثانوية،و اختي ميرال اصغر وحدة كلهم يحبوها و ميرفضولهاش طلب و تحب خوي محمود هلبا و علاقتهم قوية بين بعض واما رائف فهو اكبر واحد و ميحبش من يعانده او يقوله لا و كلمته هي الماشية في حوش جدي.