انتي طالق....!

بارت 2

سلطان/

كنت افكر معقوله تقصدني بـ(حبيب القلب)

ما كنت اتوقع هذا من الجوري كنت دايم عندهم بالبيت ليش ما لمحت لي ليش ما انتبهت لها

لحضه اذا كانت نوره تعرف ليش ما قالت لي

وقفت السياره مادري انا وين بس وقفت

سلطان :من تقصدين

نوره :بايش

سلطان :حبيب قلب الجوري

نوره : ...............

سلطان :تكلمي منو

نوره :ـ كان معصب حيل اعترف له بس ماقدر اخون الجوري ـ

سلطان :ـ نزلت راسي بعدين رفعته ابتسمت ـ

تقصديني انا

نوره :ـ هو عرف الموضوع يعني مافي داعي يتخبﯽ اكثر من كذا ـ ايه انت

سلطان :من متﯽ

نوره :من كنﯽ بثالث متوسط

سلطان :انتي تدرين

نوره :انا توي دريت من دخلنا الجامعه

سلطان :ليش ما قلتي لي

نوره :هي قالت لي ما اقولك

سلطان :بـ......

اتصل جوال نوره

نوره :الجوري

سلطان :ردي

نوره :

ـ الو

ـ ايش صار قلتي له

ـ ايه عرف

ـ ليش تكلمتي

ـ شك بالموضـ......

سحبت الجوال من نوره ورفعته عند اذني

ـ مو انتي قلتي انك مراح تعلمينه

ـ لا ما قلت

ـ سـ....سلطان

ـ ايه

ـ ................

ـ لا تردين وبعدين فيه وحده بقلبي واتمنﯽ تكونين بفترت مراهقه بس ولا تتاملين

ـ ..........(سكر الخط)

الجوري/

اكرهك اكرهك سلطان اكرهك ماحبك مابيك ليش تسوي فيني كذا ليش

رميت الجوال وضميت المخده وقعدت ابكي مالقيت تفسير للي قاله غير انه ما يبيني

يوم ميلادي صار اتعس يوم بحياتي الي احبه اعترف بخيانته فيه اسوٲ من كذا قعدت افكر لين نمت

قمت الساعه 2:34 قمت غسلت وجهي ودخلت المطبخ بس طلعت مالي نفس اكل صعدت غرفتي وقفت عند الشباك مادري ليش تذكرته نزلت دمعه بعدها دمعه لا مو دمعه انا ابكي بس ليش انا اكرهه

مابي شي بس ابي انساه قمت ورحت لاخوي صحيح اكبر مني بس هو الي يسليني فتحت الباب بس كان نايم رجعت ورا بسكر الباب بس لفت نظري شي علﯽ الكميدينا قربت كان جواله اكيد رقم سلطان عنده

بس واذا عنده انا اكرهه مابي رقمه

بس ما يمنع يكون بجوالي اخذت جواله وانا ادور بالارقام لقيت لقمه

سجلته عندي وتركت جواله رحت لغرفتي اخذت الجوال وغيرت اسمه

سلطان

لا لا واذا اخذ خالد جوالي وشافه

الحب

لا اكيد بيشك اني اعرف احد

حياتي

ايه الحين ما يدري هو رجل ولا بنت

سكرت الجوال شفت الساعه 4:00

قمت اخذ شور و طلعت واخذت الاستشوار انشف شعري شوي ودق جوالي منو يدق علي الحين اكيد نوره ماني مكلمتها وقف الجوال ودق مره ثانيه يالله ماتبي تسكت

اخذت الجوال وكانت الصدمه يوم شفت علﯽ الشاشه ((حياتي ... يتصل بك))

وقفت ثواني احاول استوعب انا ما عندي اسم حياتي باللسته بس سلطان معقوله بس منين جاب رقمي بس انا اوريه تركت الجوال لين سكت بعدين رحت الرقم وحذفته وما مداني انزل الجوال حتﯽ دق مره ثالثه بس المره ((0500000000 ... يتصل بك))

ابتسمت ورحت لباب غرفه اخوي

جوري: خالد.....خــاااااٲلـــــد

خالد :نعم ........ـ فتح الباب ـ ايش تبين

جوري :فيه رقم يدق علي من مشوين ـ دق جوالي ـ هذا هو

اعطيته الجوال ناظر الرقم وبعدين رد

ـ الو

ـ ا.....الو

ـ من انت

ـ لا غلطان

ـ بس انا سامع صوتك انت سلطان (انا ابتسمت)

ـ لا من سلطان

ـ ايـ........(سكر الخط) 

وقف يناظر الجوال شوي واعطانياه حسيت بتانيب الضمير