Book of Feelings

Muling pagkikita

Pag-sikat ng araw, aking nasilayan
Gumising ng maaga upang ika'y puntahan,
Hindi ko maipaliwanag ang saya,
Dahil ngayon, ang muli nating pagkikita.

Habang nagsasaya, nababawasan ang oras
Kung maaari lang na ang oras ay mahinto
Sana ay akin nang nagawa
Mamaya, babalik nanaman ang normal na takbo ng aking mundo.

Lumubog na ang araw, akin pa ring nasilayan
Nakita ko rin ang paglitaw ng buwan
Bakit ang bilis ng oras, parang kanina lang
Sana magkita ulit tayo, mga mahal kong kaibigan.