Nung una biro biro lang
May masabi lang akong pangalan
Pag tinanong ng aking mga kaibigan
Kung sino ba ang aking nagugustuhan
Ang hindi ko inaasahan
Nagkatotoo ang nararamdaman
Dahil sa mga mapang asar na kaibigan
Na laging binabanggit ang iyong pangalan
Naiilang kapag ika'y kaharap
Kung wala naman ay laging hinahanap
Hindi makatingin kapag ika'y kausap
Sa malayo palihim na nakasulyap
Ang akala ko hanggang paghanga lang
Ang aking nararamdaman
Ngunit habang tumatagal
Lalong lumalalim ang pagtingin
At aking napagtanto
Minahal na pala kita nang patago
Pero hindi mo kailanman nalaman
Dahil ni minsan hindi ko pinaramdam
At kahit pa sabihin ko sa iyo
Wala ding mangyayari
Dahil alam ko sa aking sarili
Kailanman hindi ka magiging akin
Lumipas ang mga taon
Mahal pa rin kita hanggang ngayon
Kahit ika'y nasa malayo
pag-ibig ko ay 'di parin naglalaho
Nabalitaan ko nalang na may mahal ka na
Alam kong 'di na dapat ako umasa
Ngunit anong magagawa
Kung sa puso ko'y ikaw lang talaga
Sa lalaking una kong minahal
Sana palagi kang masaya
Salamat sa pagiging inspirasyon
Hayaan mo at makakalimutan din kita.
