#شخصيه عضيمه

# شخصيه عضيمه للكاتبه سونه النعيمي البارت الاول

اعرفكم عن نفسي اسمي عبد الملك عمري 24 سنه  طولي 182 وصاحب جسم معضل لان اغلب وقتي اقضي بالجم والحديد ملامحي ابيض عيوني كبار لونهم قهوائي بيه مواصفات الحلوه بكل شاب بس مو كلش حلو يعني عادي وطبعا اني من مدينه الموصل تبدأ قصتي و يمكن لازم اكول معاناتي بزواج امي وابويه  راح احجيلكم قصتهم امي اسمها حنان امي وللاسف جانت يتيمه الابوين وجانت عايشه عند اخوتها واخوتها ميحبوها وعلاقتهم وياها كلها مشاكل معتبرينها خدامه الهم والزوجاتهم  ابوي اسمه محمد ابوي تعرف على امي عن طريق اخوها هو صديق اخوها وجان يتردد البيتهم واكثر من مره شاف امي واعجب بيها امي بذاك الوكت جانت طالبه و  تفكيرها كوله بدراستها  لان جانت تريد تصير موظفه وتكدر تصرف على روحها وتخلص من مذله اخوانها ابوي بعد ما اعجب بيها وبدأ يحبها لان هي كولش حلوه خطبها من اخوها امي رفضت لان مجانت مخليه الزواج ببالها ابوي طلبها مره ثانيه وهم رفضت  ومره ثالثه خطبها بس هالمره وافقت لان اخوتها بدت تكثر مشاكلهم وكلام زواجت اخوتها انو هي عدها علاقه لذلك رافضه تتزوج واتهامات كومه امي بعد ذلك نجبرت ووافقت وتزوجو بدايه زواجهم حياتهم طبيعيه وامي بدت تتقبل الواقع وحبته لابوي وبعد فتره من زواجهم امي حبلت بيه ولمن ابوي عرف انو الجنين ولد فرح هوايه وبعد ما جيت للدنيه وياريت ما جيت جنت اشبه ابويه حيل نفس الملامح ،بعد فتره بدت المشاكل بين امي وابوي طبعا السبب ابويه لان جان يطلع من البيت وما يرجع لي الليل واستمرت المشاكل الى ان بيوم من الايام جان عمري سنه ونص صارت مشكله وكلش كبيره وصار صياح بينهم امي طلبت الطلاق ورادت تطلع من البيت وتاخذني وياهاوكالت لابوي راح اطلع وبعد متشوف وجهي ولاتشوف ابنك وشتخل العياط بينهم ابوي اخذني من حضن امي و تعارك وياها  وكال روحي ومالج رجعه بعد للبيت والجاهل يبقه بيت ابوه وبعد الصياح امي راحت لبيت اخوانها واني بقيت يم ابويه جان صعب عليه يعتني بطفل عمره سنه ونص وخلاني يم بيبيتي وجدي بيبيتي جانت كلش تحبني وتعتني بيه هي وجدي ومدلليني ما قصرو ويايه ابد وجنت كل اسبوعين اشوف امي وبمرور الوقت صرت اوعى للدنيه واشتاق لامي واحتاجها وياي ومثل مكلت بيبيتي ما جانت تقصر بس هم جنت اريد امي  وهي مجانت تكدر تاخذني الها لان اخوانها الها ما تحملوها اكيد مراح يتحملونيوهي جانت تكمل دراستها وصعب عليها تعتني بيه  وبقيت يم بيبيتي سنتين ونص ومن صار عمري بحدود الخمس سنوات ابويه تزوج وحده تعرف عليها بالكليه وقرر ياخذني اعيش وياه بالاول حبيتها وعتبرتها مثل امي لان ابويه كالي هذي ماما الجديده عبد الملك :مرحبا ماما اني اسمي عبود
صفاء :حبيبي فدوه الكلبك واني اسمي صفاء

جانت نظراتها غريبه واني ما فتهمت شنو الي راح يصير بيه لان جنت مجرد طفل عبالي راح يكون عندي ام تعوضني وبعد فتره بدت يتغير تعاملها وخصوصا لمن اكون ابويه مو بالبيت وابويه بحكم شغله هو اغلب الوقت مو بالبيت .......
وللحكايه بقيه