-الو ايوة ياماما انا وقفة ف الموقف بقالى نص ساعه ومحدش جه يخدنى .
-..........
-لأ ياماما لا بابا ولا عصام بيجمعوا يظهر انهم فى مكان مفهوش شبكه ونسيوا ميعاد العربية هتجبنى امته .
-............
-ولا حاجه هوقف تاكسى وهقوله ع العنوان قبل ما اركب عشان لو ميعرفوش ميتوهنيش.
-...........
-اه اه ياماما كتبته في الاجندة بتعتى لما عمتى كانت بتملهوالى عشان اديه ل بابا والحمد لله الأجندة معاية فى الشنطة. -.........
-لا ياماما مينفعش استنا اكتر من كدة انا بقالى وقفه اهه ساعه إلا ربع فى الشارع قدام كشك فى الموقف وبقا شكلى ملفت جدا .
-...........
-لا لا متقلقيش ياماما اول ما هركب التاكسي هرن عليكى وهتبعك بالتليفون لحد موصل بإذن الله.
-..........
-محمد رسول الله مع السلامة.
****************
-انا متشكرة لحضرتك جدا انك خلتنى أقف فى الكشك لحد ما بابا وخطيبى يجوا .
-العفو يا آنسة دا واجب عليه . بس انتى هتمشى ليه وهما لسه مجوش ؟
-ابدا شكلهم كدة نسيوا ميعاد العربية هتوصل أمته فبدل منا وقغه كدة هاخد تاكسي وقولة العنوان ويوصلنى.
-وانتى تعرفى السكك هنا ولا دى أول مرة تيجى القاهرة؟
-لا والله ما اعرف السكك أصل كنت باجى مع بابا وانا صغيرة الوقتى بقا بقالى خمس سنين مجتش القاهرة نهائي.
-طب طالما عايزة تمشى اركبى تاكسي من برة الموقف عشان ميخدش منك قد كدة ويقولك المشوار بعيد وانتى يعنى شكلك زي حالتنا ماشية ببركة ربنا .
-والله الكل الوقتى ماشي ببركة ربنا يالا ربنا ييسر حالنا جميعا .
- المهم أخد التاكسي منين.
-شوفى يا آنسه أمشي لآخر الشارع دة طوالى هتلقى هناك التكسيات كتير خدى واحد من هناك وشوفى أنتى راحة فين وقوليلة . ألا أنتى راحه فين صحيح يا آنسة؟
-انا راحة ...........
-يااااااه دا بعيد قوى مش بعيد السواق يقولك هركب زبون تانى معاك لو قالك كدة قوليلة ماشي وقعدى أنتى لوحدك ورا.
-انا متشكرة جداً لحضرتك ووقفتك معاية السلام عليكم.
- على اية العفو يا آنسه وعليكم السلام والرحمه.
****************
-ألو أيوة يا واد يانصة بقولك آية لقيتلك زبونة جديدة انما اية هتعجب المعلم وهتدخل مزاجه ع الآخر ومش بعيد كمان يحلى لنا بوقنا بمبلغ و قدره.
أنت تقرأ
ضحيه ذئب - الكاتبة ريهام الحديدى
Romanceجميع الحقوق تخص الكاتبة ريهام الحديدى ** اقتباس** وتوجه الى أحد الادراج وأخذ ورقة منها وبدأ يكتب بها شيئاً ما وقام بالتوجة إلى حجرة سارة دخل وأوصد الباب وراءة بالمفتاح ونظر اليها طويلا يتفحصها قام بفك وثاق قدميها ثم يديها فعتدلت سارة بسرعة وجاءت تتح...
