الانحراف نحو المستحيل

البارت الخامس عشر

#الانحراف_نحو_المستحيل

البارت15

❤️❤️#قصص_ود ❤️❤️

اشو امي

طلعت لابسه عبايه ... وبيدها جنطه مال غراض ....

كومت لبنيه من الكاع وكلتاها يلا يمهً امشي وياي ... عوفي وحده بلبيت ...

مويريد يطردجً اني هم طالعه ...
ليش يمه ليث ليش ماوكفت اخيتك بعينك بيوم النضلمت
ضلمتها انته ومرتك ... والله ماخلي هاي البنيه تطلع اشوف بيها فطومه بضلمهه والقهر الشافته ...

وانته اذا ردت تطلع كلشي يجرالك انه اخذها وامشي ...
عسما اكعد بشوارع بس احميها ... وارجعها لخيتها ... سالمه ... خاب شبيك ماكمت تفرزن صح من الغلط نعمه اعيونك ... شبيك وليدي شديت ويه هل مسكينه ...

عاد هوه اشوفه ساكت حسبه الي تجيبه وحسبه الي تودي ... حاير بزمانه ...

دولبته مريتهً الله لايوفقها ولاترتاح طول حياتها ...

ليث ... اني حاير ليش هيج داسوي بهاي لبنيه ليش احسها كذابه يمكن لان نكسر كلبي من ذيجً بنت ل...
ماعاد اكدر اميز بين البنات ...
حته كلبي الي جان يحب بجنون مات ...

الله يقويني مادري احس مو بوعيي معقوله هاي

لبنيه صدك مضلومه بس لا جذابه ... اكيد مسويه سالفه

عوجه وجايه علينه ... لودازتها هاي الحيه مرتي ...

عادي ماعرف شلون هدءت وطلبت منها ومن امي  يطبن جوه ...
ردت اوصل لخيط سالفه ...

وقررت اراقب تصرفات زهراء ...

طبينه صعدت لغرفتي ...
ندمت عل سويته بيها
لااني اخوها واالا اني ابن عمها حته امد ايدي عليها ...

وشعليه بيها اذا مسويه مكسوره او لا

بس اني خفت عله سمعتنه ...

ومن غير شي فاره عقل امي فر ...
دافعلها وحته رادت تطلع من البيت بسببها شنوً هاي ... تاهت علي ...

بس البنيه صح اني قسيت وياها ... بس بين عليها فقيره لاحجت ولا صاحت ...

بس اني اكره البنات ... وكرهتها ماعرف ليش

.... فكرت صبح انزل اعتذر منها
ومنها اسمع قصتها واشوف شلون اساعدها

لان اني بيوم السمعتها تحجي الامي جانت ... تقريبا مكمله نص الحجي فه مافتهمت سالفه شنو بضبط ... بس العرفته مهزومه من اهلها...

صبح كعدت من نوم ...
بوجهي رحت لغرفتها ...

دكيت الباب مجاوبت ... صحت زهراء ...
يبنيه ... كاعده ....

ماكو صوت ... كلت بس لاراحت من البيت لوسوت شي بروحها ... وراح نبتلي ....

فتحت لباب طبيت لغرفتها ..... باوعت ع سرير ماكو

صحت بصوت ناصي زهراء ...

مجاوبت تقربت .... لكيتها فارشه بلكاع ونايمه بدون غطه .... نقهرت عليها ...

ياربي هاي شمسوي بيها اني

ليش ماكدرت عله مرتي طلعت الحركه بلبنيه
اباوع عله اعيونها

مغمضه بس وارمات ... مبينات ..
لابسه ثوب ثوبها مرفوع ورجليها طالعه ...

صفت عليها شلون رجلين ... بيض

يلمعن .... بس اني من وراي طبع زراك

والحمار الي برجليها حيل قهرني ...

شكد نذل اني وحقير ....
مديت ايدي عله بنت العالم .... نوب شلون بنيه .... جنها ورده ....

صوج مو بيه صوج ذيج بنت ل....  الي خلتني اكره البنات ومااثق باحد ....

نداريت دااطلع من الغرفه وسمعتها تحركت ....

لتفتت لكيتها فاتحه عيونها .... بس خايفه مني يمكن ... عبالها اني ..... راح اطلعها مثل البارحه...

تقربت يمها غمضت ... كلتاها كومي لتخافين ...

اني مااجيت لهنا حته ائذيج ....

يلاً كومي نتريك ويه امي وعندي حجي وياكم ...

هزت راسها يعني اي .... كلتلها مو متنزلين

كالت اي هسه ....

طلعت وعفتها ... بقت صورتها وهيه نايمه طابعه بالي .... اني ماجنت شايفها هيج ومركز بيها ....

هيه اصلا ماكعدت يمنه اهواي .... والبارحه ليل وجنت ضايج ماا باوعت الملامحها

بس شاهد الله تذبح .... رغم زراك لبيها 😀

نزلت غسلت ووصيت ع ريوك ....

وكلت الامي عندي حجي وياج وويه زهراء

ام ليث ... يمه ليث عوف لبنيه بحالها ... لاتكعد .... تلف ودور وكل شوي جايها مهددها مو كافيه عليها مصيبتها ....

بهاي الاثناء نزلت زهراء ...

وكعدت يمنه كالت صباح الخير يمه ...

اشوً هذا من سمعني كلت صباح الخير يمه ضاج
كلت بكلبي

كبر ضوجتهم ع اساس اني شلون ميته عله شكولك ...

حرامات هاي الحجيه امك ....

هوه لويستحي جان مامد ايده علي ... واني كلشي مامسويتله ...

كال واني شنو مو بعينج ....؟؟

للحكايه بقيه ...