السلام عليكم ....اليوم شوية احب اتعرف و اسولف وياكم
اسمي : نور
مواليدي :1986
هواياتي : الكتابة ....مخليتي هي الهروب من الواقع المأساوي الي نعيش بي
خريجة هندسة الجامعة التكنولوجية
قصصي صح خيالية بس اكيد بيهة نوع من الواقعية و امزجهة بمخيلتي
قصصي 4كلهة الهة معزة بقلبي تختلف
احيتني رصاصة
حبيت احجي عن معاناة الشعب ببداية الاحتلال الامريكي
و ابين احنا بلد واحد كلنا ندافع عن كاعنا
سني و الشيعي و مزجتهة بقصة حب بسبب رصاصة اصيب بها البطل من قوات الاحتلال
حيدر دافع عن الفلوجة و عمر دافع عن النجف
هذولة ولد العراق ....
طبيب الروح : ذكرت اكثر فاجعة مر بيهة العراق و لو فواجعنا و ايامنا الدامية متخلص بس من توصل الجرأة ضرب وزارة عراقية هي وزارة المالية
و ناقشت زواج الحمة من ارملة اخو
الموضوع صعب لكن صورتة بطريقة حتى يتقبلوا الكل
اكيد حتسألون مأخوذة من قصة حقيقية ؟
كموضوع اي حجولي قصة امرأة
لكن نفس السرد الي اني كتبتة لا هي حياتهة تختلف 360درجة
لكن الحمد لله هي سعيدة حاليا وية زوجهة ...و الزوج ممقصر وية ولد اخو يسميهم ولد الغالي
كاعدة مرتين وياهة صدك حبيتهة انسانة خلوقة بمعنى الكلمة ...الله يسعدهة و ميشوفهة حزن
حتى استشهاد زوجهة مكان بوزارة المالية لا غير اسباب الشبه الوحيد الاول مهندس و الثاني طبيب
المراسل الحربي : سويت شخصيات افتراضية و حجيت عن كل الي مر بي العراق من تفجير وزارة المالية لدخول داعش
القصة ليحد الان غير مكتملة اعترف قهرت هواية ناس
اكوتفجيرات هواية بنات و شباب خسروا من اهلهم بأيامهة عشت وياهم حزنهم و ترحمت لشهدائهم
و ان شاء الله راح اكمل معارك بيجي و الموصل و الانبار ليحد يوم النصر
قصصي ما اقتصر على احداث المقصودة بالقصة لا اناقش هواية امور
قلوب تنبض بالعشق :
قصة بسيطة و سريعة صارت بسبب ظروف خاصة مريت بيهة
حجيت عن صلة الرحم و العلاقات بين الوالدين و العقوبة الي اتعاقبهة مقداد بسبب تصرف طفولي
تصرف العم وية ابن اخو لان ما عندة ولد و شلون احتضنة
الاهل شلون احتضنوا اطفالهم ...منعوا الشباب يشوفون البنات حتى ميصير الغلط
ادكولون اكو هيجي شي
ايييي اكو ناس هيجي طبعهة
السفر و شلون علاقات بين العراقيين و السوريين و اللبنانين
و اهم شي كان بالقصة تأثيرحجي الناس،
و الي كان شخصية حلا
وصلت المرحلة تعتقد كل العالم اتشوفهة بنظرة اليتيمة و بس بيت عمتهة يحبوهة
و مقداد بنظرهة فارس الاحلام شي راسمتة بمخيلتهة و هو مموجود
اذت نفسهة و اذت الكل بسبب تصرفات سيئة بدرت من عدهة
صح ارتبطت و حتكون عائلة بس صعب انسان يعيش وية شخص اكو عدم ثقة
و مراد عشقهة رغم مساؤهة لمرحلة ميتحمل اتكون لغيرة
هاااا تريدون جزء ثاني ؟؟؟؟
اي شخص يحب يسأل مستعدة اجاوب لكن اسألة معقولة
