الجزء الثاني...
مرحبا اني اميرة مرحلة ثانية كلية الطب الوحيدة لاهلي وكلش مدللة يعني الشي الي اريدة ما الحك اطلبه بس اباوع عليه صار يمي بابا تاجر البسة نسائية وكلش حالتة زينة وماما ربة بيت مشكلتي انو اكره شي اسمه طب وادوية ودم اموت منها بس لان والدي مكدر يخلص السادس واخوه صار دكتور طلع عقدته بية جنت كلش شاطرة بالمدرسة بس جانت امنيتي اصير مهندسة ومن سوء حظي طلعت معدل عالي وبابا اله وداني طبية مكدرت اخالفه واكسر بنفسه فتت طبية وعمو يحيى نجحني بالكوة بلاول واعرف حيظل ينجحني الى ما اتخرج واني لو بيدي ابطل واكعد بالبيت بس هاي الفترة اكو شاب صديق حيدر خطيب نسرين احسه ديراقبني وين ماروح الكاه هو شاب مرتب وحلو وانيق وكل الكلية تحجي بيه هلكد ماشاطر والاول ع مرحلته احسه مهتم كلش بية بس مبادر بأي خطوة مرة وحدة يمكن سلم علية من جا ويا حيدر واني هم بطبعي ما اسوي اي علاقة لان بابا كلش تعبان علية وحاط امال بية ما اكدر اخون ثقته وهو الولد هم مجاوز الى هسة....
محمد.... مرت الايام بسرعة ووصلت مرحلتي الاخيرة بالطب والى هسه وبعد ما مر سنتين محجيت ويا اميرة كلمة جنت مقرر اتخرج يلة اخطبها رأسا وجنت اريد اركز على دراستي بس هي جانت بالبداية تبادلني النظرات بس هسة ابد متباوعلي يمكن ملت مني بس اني صرت اعشقها حفظت كل تفاصيلها نظراتها ضحكتها من ضايجة من فرحانه ردت بس اخلص حتى اخطبها مفكرت بأي شي بس انو تكون الي كمت ما اتمنى غيرها بهاي الدنيا وبعد معرفت حالة والدها المادية جنت كلش خايف ليرفضني بس كلت اسوي الي علية والباقي يم الله
وبيوم جان اخر امتحان الي قررت اصارحها بعد ما اكدر ظليت ادور عليها الى مالكيتها يم باب الكلية يمكن دتنتظر الخط مالتها
محمد...السلام وعليكم اميرة
اميرة... اهلا.. انت مو صديق حيدر
محمد... اي نعم... شونج... شون جاوبتي
اميرة....الحمد لله خير اكو شي
محمد... شوفي يابنت الناس اني لا اعرف الف ولا ادور ومو من شباب هلوكت الي يدورون علاقات اني صارلي سنتين احبج
(احجي وما اعرف منين جتني هاي الجرأة)
ورايدج بالحلال
اميرة... وصارلك سنتين ليش محجيت
محمد... ردت اتخرج يلة مجنت رايد شي يلهيني عن دراستي ولا الهيج انتي هم
اميرة.... ما اعرف شكلك
محمد... فكري براحتج اني من استلم دوامي بالمستشفى حجي اخطبج وعرفت عنوانج اذا قبلتي الحمد لله وحكون اسعد انسان بهاي الدنيا واذا رفضتي حكون اتعس انسان بهاي الدنيا والخيار الج
اميرة... الله كريم
محمد... ماطول مرفضتي رأسا ان شاء الله خير
اميرة... ما اوعدك بشي اني هم طالبه وبعدلي 4سنين والامر الاخير بيد اهلي
محمد...تقربت يمها وباوعت بعينها وكتلها..
باذن الله متصيرين لغيري
عفتها ومشيت
اميرة.... معرف شحسيت بلحظتها خوف على فرحة اني اصلا نسيته كلت اني ولا بالة بس طلع دينتظر كل هاي الفترة ومسوى اي شي يضايقني كلش كبر بعيني وحبيت رزانته وهدوئه بالكلام وثقته بنفسه صدك اتمنيت يصير الي
