عبد الرحمن.ماما..يا ماما
سلوى.ايه يا عبده
عبد الرحمن.الشقة اللى ف العمارة اللى ادامنا سكنت
سلوى.شوف وسخت هدومك ازاى
عبد الرحمن.شفتهم وانا بلعب ف المدخل مع مريم
سلوى.اتفضل على اوضتك غير هدومك..بابا ف الطريق زمانه جاى
اتنهد عبد الرحمن من تجاهل امه للكلام وبيشدها من أيدها لبلكونة اوضته اللى يدوب واصل لها بالعافية
سلوى.تفتكر مين يا عبده
عبد الرحمن.سهيلة و ماريا
سلوى.انت لحقت تتعرف عليهم
عبد الرحمن.بنتين حلوين اوى يا ماما
سلوى.يا سلام😏
مريم.لا يا ماما مش حلوين
عبد الرحمن انتى كدابة
سلوى.عيب كده يا عبده..اختك الصغيرة
عبد الرحمن.عشان هى بتكدب
مريم.لا مش بكدب
سلوى.مريم ادخلى غيري هدومك دى
عبد الرحمن.احلى من مريم وطنط هالة و خالتو صفاء وعمتو نهى ونور و سلمى
سلوى.دول احلى م العيلة كلها بقى 😂
عبد الرحمن.مش مصدقاني😔
سلوى.لا مصدقاك..بس بطل تتحرك عشان اعرف اغير لك هدومك
عبد الرحمن.انا كبرت وبعرف اغير لوحدى
سلوى.بجد
عبد الرحمن.حتى شوفى 😏
راح عبد الرحمن عند الدولاب بتاعه وحاول يفتح بس مش طايل المقبض بتاعه
عبد الرحمن.ممكن تفتحيلي الدولاب
سلوى.حاضر😂..اتفضل
عبد الرحمن.شيليني بقى عشان اجيب الهدوم
سلوى.مفيش لو سمحتى يا ماما
عبد الرحمن بص ف جيوبه وبعدين بص لامه.مفيش
سلوى.يا سلاااام..واخد اللماضة بدرى اوى
عبد الرحمن.يعني ايه لماضة
سلوى.يعني شقاوة
عبد الرحمن.بس انا مش شقي😒الميس قالت اللى بيبقى شقى بيبقى شكله وحش وشعره منعكش
سلوى.طاب بص ف المراية كده
راح عبد الرحمن ادام المراية وكان شعره منعكش بسرعة بيسرحه بايده وبيملس عليه
عبد الرحمن.خلاص مش شقي
سلوى.خلاص مش شقي......
طارق.عبد الرحمن
عبد الرحمن.بابا جه يا ماما😄
جرى عبد الرحمن لباباه...طارق حضنه وشاله على كتفه
سلوى.حمدالله ع السلامة
طارق.الله يسلمك..فين مريم
سلوى.ف اوضتها....يا مريم
عبد الرحمن.عارف يا بابا الشقة اللى ادامنا سكنت
مريم.بنتين وحشين اوى يا بابا
عبد الرحمن.انتى اللى وحشة😠
سلوى.م اسمعش صوت يلا اغسلوا ايدكوا وع السفرة 😒
عبد الرحمن و مريم .حاضر يا ماما
تانى يوم الصبح ف نفس الشقة
سلوى.يلا يا مريم ..يلا يا عبده الاتوبيس زمانه جاى
عبد الرحمن.مش لاقى الشراب الابيض😭
سلوى.شوفه ف الدرج اللى فوق
عبد الرحمن.مش طايله تعالى افتحيه
سلوى.طاب تعالى افطر لحد م ادور عليه
مريم.ماما تعالى سرحي شعري
عبد الرحمن.شوفى الشراب الاول
مريم.لا سرحيلي الاول
سلوى.باااس😠انتوا الاتنين يلا افطروا وبعدين نشوف اللى انتوا عايزينه
قعد عبد الرحمن ومريم ع السفرة ..عبد الرحمن وقع كوباية اللبن على مريم
مريم.يا ماماااا😭
عبد الرحمن.كداااابة
سلوى.الشراب يا سي عبده
مريم.عبد الرحمن وقع عليا اللبن
سلوى.عبد الرحمن😡
عبد الرحمن.دى كدابة
سلوى.عقابا ليك هتروح المدرسة النهاردة وهى لا
عبد الرحمن.دى بتكدب
مريم.😝
سلوى.يلا الاتوبيس وصل
عبد الرحمن.اشمعنا هى
سلوى.يلا انزل
نزل عبد الرحمن وهو متنرفز وبيخبط برجله ف الارض وركب الاتوبيس ووصل للمدرسة وهو قاعد ف الفصل
الميس.يا سنة اولى ..فيه بنت جديدة هتيجي الفصل معانا ..عايزين نعاملها كويس..وممنوع تضربها يا عبد الرحمن
عبد الرحمن ربع ايده بتكشيرة .انا مش شقي😠
الميس.يبقى نعاملها كويس..تعالى يا ماريا
عبد الرحمن.ماريا😄
دخلت ماريا وهي لابسة يونيفورم المدرسة و عاملة شعرها ديل حصان وعاملة قصة وباصة ف الارض
ماريا.هاى انا ماريا
الميس.عندك كام سنة يا ماريا
ماريا.ست سنوات
الميس.ساكنة فين
ماريا.ادامه👈(بتشاور على عبد الرحمن)
الميس.بابا بيشتغل ايه
ماريا.مهندس
الميس.طاب يلا على الديسك اتفضلي
مراد.تعالى اقعدى جنبي
عبد الرحمن.لا اقعدى جنبي انا 😓
ماريا.انا هقعد جنبك انتى 😊
لورا.تعالي😄
