ခမ်းနားထည်ဝါတဲ့ အလင်းရောင်တွေဟာ ပွင့်လန်းဝေစာနေပြီး မြို့တော်ရဲ့ ညရူခင်းကို ကျက်သရေတင့်တယ်အောင် တန်ဆာဆင် ပံ့ပိုးပေးနေလေတယ် ။ မြို့တော်မှာ ထွန်းညှိထားတဲ့ မီးရောင်တွေဟာ မဲနယ်ပြာရောင် ညမိုးကောင်းကင်ထက်မှာ ရွှေမူန်စတွေ ကြဲဖြန့်ထားသလို ကြယ်ပွင့်လေးတွေ ပြိုးပြိုးပြက်ပြက် တလက်လက် တောက်ပနေတဲ့အလားပဲ ။ ဒီလို ရင်သပ်ရူမောဖွယ်ရာ အလှအပတရားတွေကြောင့် စိတ်ထဲ ထင်မှတ်ယောင်မှားစေတာက တကယ့် ကောင်းကင်ဘုံ အစစ်အမှန်က ဘယ်နေရာမှာလဲ ? ကောင်းကင်ပြင်ထက်မှာလား ? ဒီကမ္ဘာမြေပြင်ထက်မှာလား ?
များပြားလှတဲ့ တန်ဖိုးကြီး ဇိမ်ခံကားတွေကို ဘေးတစ်ဖက်တစ်ချက်စီ အတူယှဉ်တွဲကာ ကားပါကင်ထဲမှာ ရပ်တန့်ထားကြတယ် ။ ဒီနေရာဟာ မော်တော်ကား အရောင်းပြခန်းနေရာတော့ မဟုတ်ဘူး ။ ဒီမြို့တော်မှာ ထင်ရှားကြော်ကြားတဲ့ ၊ အထက်တန်းလွှာ အသိုင်းအဝန်းက ပုဂ္ဂိုလ်တွေ ကျင်လည်ကျက်စားတဲ့ night club တစ်ခုပါပဲ ။ ကားပါကင်ဆီကနေ night club ဝင်ပေါက်အထိ သွယ်တန်းထားတဲ့ ဆောင်ကူးစင်္ကြန်လမ်း တစ်လျှောက်မှာ အရောင်အသွေးစုံလင်တဲ့ ယောကျာ်းပျို ၊ မိန်းမပျိုတွေ စီတန်းရပ်တန့်နေလေတယ် ။ Club ထဲဝင်ရောက်ဖို့ member card တွေရှိနေဖို့ရာတော့ မလိုအပ်လှပါဘူး ။ ဒါပေမယ့် အဲ့ဒီလူဆီမှာ ပိုင်ဆိုင်မူက သန်း၁၀ဝနဲ့အထက်တော့ ရှိနေဖို့ လိုအပ်တယ် ။ အဲ့ဒီလိုရှိနေတယ်ဆိုရင်တောင် club အတွင်းကို ခြေတစ်လှမ်း ချဖို့ကိစ္စက လွယ်တဲ့အရာတော့ မဟုတ်ဘူး ။
ဆောင်ကူးစင်္ကြန်လမ်းကို ဖြတ်သန်းပြီးတဲ့နောက် အထဲကိုဝင်ခွင့်ပြုလိုက်တဲ့ လူအနည်းငယ်ကို ဓာတ်လှေကားနဲ့ ၉လွှာဆီ သယ်ဆောင်သွားတယ် ။ အထဲကိုဝင်လိုက်တော့ ဆူညံပေါက်ကွဲနေတဲ့ electro ဂီတသံကို နားစည်ကွဲလုမတက် အရင်ဆုံး စတင်ကြားရတယ် ။ လေထုထဲမှာ တန်ဖိုးကြီး အမှတ်တံဆိပ် ရေမွှေးရနံ့တွေ ၊ ကိန်းကြီးခမ်းကြီး လက်ဖွာဖွာသုံးစွဲတဲ့ လူ့မလိုင်တွေရဲ့ အငွေ့အသက်တွေဟာ စိမ့်ဝင်ပျံ့နှံ့နေတယ် ။ ဒေါက်ဖိနပ်အမြင့်ကို ကြွကြွရွရွ စီးနင်းထားတဲ့ ၊ လှပချောမောတဲ့ မိန်းမပျိုလေးတွေဟာ ဆံနွယ်တွေကို လက်နဲ့ ပင့်တင့်ရင်း ကပွဲကြမ်းပြင်ထက်ကို ကြွားကြွားဝင့်ဝင့် လျှောက်လှမ်းသွားပြီး သူတို့ရဲ့ ငယ်ရွယ်နုပျိုပြီး ဆွဲဆောင်ညို့ယူတက်တဲ့ မာယာကွန်ယက်အောက်မှာ ဝပ်ဆင်းခစားလာမယ့် သားကောင်ကို ရှာဖွေနေလေကြတယ် ။ လူပ်ရှားမူတိုင်းမှာ ထွက်ပေါ်လာတဲ့ သူမတို့ရဲ့ ကိုယ်သင်းရနံတွေဟာ ပုရိသအပေါင်းရဲ့ စိတ်နှလုံးကို ကလူကျီစယ်နေသလိုပဲ ။ မှိန်တစ်ချက် ၊ လင်းတစ်ချက် ဖြစ်နေတဲ့ ခပ်မှောင်မှောင် ခန်းမကျယ်အတွင်းမှာ ဝိုင်နဲ့ ရှန်ပိန်ကို သယ်ဆောင်ထားတဲ့ crystalရောင် တဖျက်ဖျက် တောက်ပနေတဲ့ ဖန်ခွက်တွေဟာ လက်တစ်ဖက်မှ တစ်ဖက်ဆီ သွားလာကူးလူးနေပြီး သောက်သုံးသူ လူအပေါင်းကို တစ်စထက်တစ်စ ပိုမို မူးယစ်ရီဝေလာစေကြတယ် ။
VOCÊ ESTÁ LENDO
True Star (Myanmar Translation )
Romanceလတ်တလော ကျွန်တော် ကြိုက်နှစ်သက်နေတဲ့ chinese bl Novel တွေထဲက တစ်ခုဖြစ်တဲ့ True Star novel လေးကို ဘာသာပြန် တင်ဆက်ပေးလိုက်ရပါတယ် ။ ဒီဇာတ်လမ်းလေးကို တည်ဆောက်ထားတာဟာ သမရိုးကျ ဇာတ်လမ်းဇာတ်အိမ်နဲ့ ကွဲထွက်နေပြီး ရုပ်ရှင် Industry အကြောင်းနဲ့ သရုပ်ဆောင်ခြင်...
