أحبتي اول قصة اتمنى تعجبكم وتعذروني خاف اكو اغلاط لأول مرة اجرب كتابة القصص بنمط عراقي واتمنى ان تعجبكم 😯قصتي تتحدث عن عائلة عراقية تسكن محافظة بغداد في إحدى المناطق الشعبية وتتكون من الأب وآلام وأولادهم ريماس وشهلاء ومسلم ومهيمن الأولاد جميعهم يدرسون ماعدى مسلم موظف في شركه ويساعد أباه في المصرف في أحد الأيام شهلاء اكلك مسلم اليوم ليش منروح نتغدة بطعم بما انه راس الشهر وانت قابض راتبك مسلم جان يموت على خواته ودائما ينفذلهن جميع طلباتهن لاكن بحدود المعقول لأن هوة هماتين يساعد بلمصرف وهم كاعدين بل مطعم اكو ثنين شباب عينهم على اخته شهلاء لانه جانت حلوة كلش بس انتضر شوية لاني ملحكت اوصف البنات شهلاء جانت جمالها عربي وشعرة أشقر وعيونهة لون على بيبيتهة بينما ريماس تشبه ابوهة حلوة بس موبجمال شهلاءاحلى شي بيهة عدهة غمازات وشعرة تسود يوصل لخصرهة وناعمة يعني كل وحدة عدهة جمال خاص موتشوفون ابتعدنا عن الرواية هههههه لا راح نرجع من صارت عين مسلم على الشباب مكدر يلزم نفسة لأن هوة حيل عصبي فكام علشاب وتعارك ويا وتلازمو بالايدي فمسلم بضربه من الضربات الي ضربة للولد كانت ضربة مميته لأن الولد جان مريض عندة صرع فمكدر يتحمل بسرعة لزمته الحالة وتوف وتوفى ومسلم تخبل من شاف الولد وكع بلكاع ومات كام يصيح ويبجي لأن هوة مجان متقصد عبالة مات من تعارك ويا مجان يعرف بي مريض رأسا خابر علا أهلة وكال لاخوف يجي يرجع اخواتهم للبيت لأن الناس التمت عليهم وصديق الولد خابر علا أهل المرحوم واجوي بسرعه البرق نروح لعائلة المرحوم الي اسمه فراس وهسه الي يتكلم فؤاد اخوةهلو اني فؤاد أخو فراس جنت نايم ودك تليفوني واجاني خبر وفاة اخوي فراس احنه جنه متوقعين اي ساعه يموت لأن عندة صرع مزمن بس هاذ اخوي حزام ضهري فارت روحي وصيحت وحجيت اني وإني واسوي واسوي لان اني الأخ الأكبر وإني الي ربيت اخوتي بعد وفاة والدي فرحت بسرعة للمستشفى وكملته إلاجراءات وطلعنه اني وعمامي للنجف كملنه الدفن وبطريقة عمامي سولفو وياي كلولي شلون مات فراس اني كتلهم علصارلان صديقة كلي السالفه كلهة وعرفت الصوج من ابنه بس عمامي مقبلو انسد الموضوع إلا بفصل فلوس ومرة اني مردت توصل لهيج مواصيل بس عمامي ناس حيل متشددين وبقوة يحجون بلفصل والعشايرولازم الواحد يأخذ حكة من حلك الاسد وتحت الحاحهم وافقت مع انو اني مامن بهيج شغلات وإني دارس ومثقف بس اضطرت اقبل اجوي أهل الولد وصارت سوالف وطلبنه فصل مرة وخمسين مليون بس مقبلو كالو فلوس ننطي بس مرة لا منقبل الأب تخبل كال اخذو عيوني بس بنتي مانطيهة فصلية بقو يحجون بس بلاخير قنع الوالدلان اذا ماقبل ينحبس ابنه وتصير بحور دم وكال انطونه مهلة أسبوع ونرجعلكم خبراترك القلم لشهلاء تعبرلكم عن الصار بلبيت من رجع ابوهة من الكعده دخل ابوي للبيت وكام يبجي ويصيح مانطيهة لويصير دم للرجاب
نزلت ورحت لبابا اساله ا شصاربلكعدة بس اني على اعصابي منهارة من منظر ابوي وابجي كتله احجي بابا شبيك كالي لج حبيبتي يردون فصلية وانتي الجبيرة يعني
لازم انتي ترحين الهم فصلية بقيت متسمرة بمكاني وظموعي بقت تنزل بس بدون صوت شلون بابا ومستقبلي وحياتي ودراستي ليش بابا تردون تدمرون مستقبلي شلون اعوفكم شلون بابا وانت تعرف شلون يتعاملون ويه الفصلية وإني اخت الي كتل ابنهم لا بابا ماريد اروح يمهم اموت والله اموت لتكوين هيج بابا همة ناس مثقفين وراح يعاملونج بما يرضى الله وبعدين انتي راح توكفين الدموم الي تصير اذا ماقبلتي ترحين فكرت اني من حجة ابوي وياي باهلي وباخوي شلون اكدر اساعد هم واريح ابوي من العذاب والتفكير فكتلة اني موافقة بابا بس احس روحي طلعت مو كلمه موافقة طلعت مني بس لازم افكر باهلي قبل نفسي وصار اليوم الي اروح بي أخذني ابوي وعمامي وطببوني لبيت كلش جبير بس حسيت بي سجن موبيت تلكونه بلباب ولد هواي بس واحد منهم كادني ودخلني جوة وكلي ابقى هنا اني بقيت بس ابجي بسكته واناشغ ودعوني اهلي وراحو ورة شوية اجني ثنين بنات كلولي كوم ويانه رحت وياهم وإني ارجف من الخوف لاني غريبة عنهم وماعرفهم وأحس نفسي وحيدة بينهم دخلوني لغرفة وكلولي راح يجي السيد ويعقدلكم كلشي لتحجين لحد ميسالج السيد انتي موافقة كولي نعم قبلت وتركوني وطلعو ورة شوية دخل واحد موجبير بلعمر بس أعتقد أكبر مني ع لفكرة اني عمري 19 سنه وكالي ردي ورة السيد وكملته وعقد علية وإني كلش خايفه كوة تطلع مني الاحجاية وراهة كلي تعاي اعرفج على اهلي رحت وراة لغرفة امه مرة جبيرة بلعمر بس مقعد سلمت عليهة بس مردت السلام رحت يمهة بوست راسهة كتلهة يمه والله اني ماعرف شكلج ادري بيج متاذية علمرحوم بس اني مالي ذنب بلي صار دنكت وبوست ايدهة وبقيت واكفه ماعرف وين اروح صاحني زوجي الي لحد هسة ماعرف اسمه شنو وداني لغرفه وكلي هنا تنامين كتله صار ابتسم وطلع بقيت بل غرفة وحدي حته مبايلي مجبته وياي ورة شوية جني البنات الي شفتهن بلبداية يسولف وياي سألني على دراستي كتله سادس علمي وجنت كلش شاطرة حرامات كمت ابجي كللي احنه نحجي وية فؤاد بلكت يقبل يخليج تدرين ويانه احنه بنفس المدرسة بس هند خامس وإني سادس اني اسمي هديل وانتي كتلهم شهلاء بقينه نسولف لحد مدخل فؤاد علينه وكال للبنات روحو لغرفتكم راحو البنات وبقينة بس اني ويا جان يكلي شوفي يبت الناس اني مراح المسج لأن احنه مغصوبين ع لزواج اني انغصبت علمود التقاليد وانتي علمود اتنقذين اخوج قبلتي بس اني اوعدج اني ماتقبل إلا بارادتج وموافقتج واذا متراهمنه سوة كلمن يروح بطريقة بس اني عندي شكم حجاية اريدج تسمعيهن وتخليهن ترجية باذنج ماكو طلعه من غير أذني لبس ظيق ماريد حجاب حته بلبيت من يجينه أحد تلبيس لأن ولد عمي دوم متواجدين عدنه مكياج هم ماريد وأهم شي صوت يبقى ناصي لأن ماحب الصوت العالي واذا احتاجيتي شي اطلبي مني هزيت راسي كتله صار بس اريد اطلب منك شي كلي كولي اسمعج كتله دراستي شلون كلي هسة مووكتهة وطلع كمت اطلع من الغرفة ويه البنات وانظف
وقويت علاقتي بيهم بس فؤاد مجرد سلام اواذا راد شي ملابس اواكل يصيحلي ههههه تعبت راح اترك القلم لفؤاد هسة يعبر عن مشاعرة كلي شكرا وبدة يحجي جنت اختلس النضرات لشهلاء لأن كمت انعجب بيهة واريدهة تبقى يمي اباوع لشعرهة يخبل سرح كلش ويه كل حركة تسويهة تأخذ كلبي وياهة وجنت اباوع الحلكة من تحجي شلون مثقفة ومتحجي حجاية إلا بمكانهة ومن اباوع عليهة تخجل مني وتدنك راسهة فديوم من الأيام صحتلهة تجيني للغرفه من طبيت كتلهة سدي الباب جان تفتح عيونهة وتباوعلي بنظرة كلهة خوف وقلق اني تقربت عليهة كتلهة شبيج ترجفين كالت لا ماكوشي بس ااانتت ششتريد مني ضحكت عليهة احس بيهة كلبهة يريد يطلع من كثر الخوف والمستحى لأن صارت مثل الطماطه وخدودهة تخبل كتلهة ميعجبج نطلع من تزوجنه مطلعنه لفد مكان كالت بكيفك كتلهة بدلي وتعالي وصيحي وياج هند وهديل من خلصن تبديل رحت شفت لبسهة بقيت فاتح حلكي جنهة ملاك يمشي بالأرض هية نتبهت الي بس سويت روحي ادور علسويج مال السيارة هية ضحكت كتلي شبيك مخبوص كتلهة ماكو السويج جان بيدي وإني ادور علية وامي والبنات شبعو ضحك علية وصلنه للمطعم كعدنه نتعشه صار مقابيلنة شاب وكعد يباوع على شهلاء كلت لشهلاء تعالي كعدي بمكاني هية رأسا فهمت بدون متسالني كامت كعدت بمكاني كملنه وطلعنه كعدنة علشط شوية حسيت بيهة بردت كتلهم هم يلة نروح للبيت رجعنه ولكينه الوالدة بعده كاعدة منايمة رحت يمهة كعدت شوامي تباوعلي من جوة لجوة كتلهة ها يوم شكو هاي النضرة اعرفهة احجي كلشي عندج كالت شهلاء كتلهة شبيهة سألتني تحبهة اتنهدت بحسرة اي يوم اموت عليهة مو بس احبهة بس هية اصلا مو يمي تنتظر يمته اطلكهة ونروح كل واحد بحال سبيلة كلتلي امي لا شهلاء تحبك مثل مانت تحبهة لايوم متوهمةانتي كلتلي شوف روح انت وصيحلياهة بس ابقى اسمع حجينه بس موتشوفك كلي صار وراح واجتي شهلاء هايمه صحتيلي كتلهة اي يمه صحتج أريد تسمعيني زين اني كبرت واريد اشوف اطفال فؤاد وانتي متقبلين تزوجون رسمي وتصيرين مرته ويعاشرج معاشرة الازواج شتكولين يوم اني آريد مصلحتج انتي وفؤاد شهلاء اني انصدمت من حجت هيج ومتت بمكاني من كالت راح يتزوج لاني جنت كلش احبة واريدة كزوج وحبيب الي كتلهة يوم انتي شتحجين ليش اني شنو الي بدر مني يتزوج فؤاد غيري يوم اني احبة وماتصور حياتي تكمل من دونه
بس اني بعدني مماخذة علية واستحي منة اني من حجيت هيج دخل بلحضتهة فؤاد جان يلزم ادية ثنينهن وحضني بكل قوتة حسيت ظلوعي تكسرن وإني بحضنة استحيت من والدته كلش بس خطية هية من دخل فؤاد عافتنه وطلعت أخذني للغرفة وكعدني علجرباية وكلي من اليوم رايح هاي غرفتج وهاذ فراشج وإني حبيبي واهلج وعمرج اني تعلمت
عليج وحبيتج من كل كلبي وانتي كتله اني شنو غمزلي ماكو شي منا منا ضحكت اني وهزيت راسي كتله اول يوم شفتك اني حبيتك بي وبهذا اليلة صار زوجي كدام الله واهلة والناس وإني زوجته وحبيبه وبنفس الشهر صرت حامل ورة فترة 9 اشهر ولدت ب توأم ولد يشبهون
ابوهم كلش سماهم حسن وحسين وصارت حياتنه من اجمل مايكون
