سافرو اصدقائي كلمن راح لهله و ني بقيت ...
وين اروح وين الجأ اساسا ماعندي احد ؟
الله شكد اتمنا يكونلي اهل يسالون عني حتى لو كل 6 شهور مره يتصلون عليه والله مااحسد احد بس من اشوف اصدقائي تلفوناتهم ماتكف دقيقه من همه بالمعسكر لو بالواجب وني تلفوني مايدك الا من القياده تتصل علمود الاوامر ؟
احترق بنار الوحده 😢
اذكر مره من قهري كسرت تلفوني لان مادك احد يطمن عليه بوكتا جنت مصاب و بالمستشفى ؟
اعرف التلفون ماله ذنب بس من قهري كسرته ......
.......................... ...........................
سمعت صوت يم الباب فتحت الباب زهراء هاي اختي الزغيره هيه الوحيده الي احبها بين خواتي
زهراء: سمر راح تزوجين و ترحين الغير بيت ؟
بس اني احبج ماريدج تروحين 😢
سمر:اوف ياخيتي ياريت ماروح 😐
زهراء:يعني راح ترحين الكربلا تعيشين ؟
سمر:اي راح اروح الكربلا 😦
زهراء:ببكاء لاتروحين الله يخليج ابقي يمنا اموت بدونج
حضنت زهراء
سمر:ياروحي زيزو لاتبجين بس ادعيلي 😭
اني سمر عمري 18 من النجف من عائله مرموقه بنجف كل الولايه تعرف ابويه و عمامي احنا اغنياء هواي عندي خوات و خوان خير من الله كومه بس مع هذا احس بالوحده مايحبوني لاني مسكينه ماعندي لسان مثلهم خطبني ابن عمي محمود الي تربا ويانا وبويه وافق اني اكره كلش بس انجبرت اوافق من كلت الابويه لا اخوتي شبعوني جتل و خواتي رزلوني
شسوي مجبوره اسكت بالكي مع الايام اتعود ع الوضع
طبعا خطوبه ماسولي و كبل كالو زواجج بعد اسبوع و خواتي همه الي جهزوني وشترو كل الغراض والى اليوم ماما (لمياء) ماتحاجيني لان اني رديت بوجها وكتلها مازوج ...
~~~~~~~~~~~~~~~~~~~~~~~~
وزوجت من محمود و نقلنا نعيش بكربلا لان هوه معلم هناك وكعدنا ابيت ب قريه باطراف المدينه لان زوجي يداوم هنا ..
عشنا بالبيت اني و زوجي و خوه الزغير طبعا هوه مازغير هوه عمره 20 وزوجي عمره 22
ونكطعت علاقتي مع اهلي لايزوروني ولا يسالون عني
احسن اصلا اني بعد مامسامحتم ع الي صار
محمود شخص عصبي و ملعون ماعنده غير الضرب الي
وحياتي ويا جحيم و احمد (اخو زوجي ) ماعليه بحد بس راسه بشغله
و مرة ايام ع زواجي صار 7شهور ع الزواج واهلي ماشايفتهم وحياتي عباره عن كابوس مضلم ليل نهار يضربني مع هذا ساكته و عرفته هوه يشرب و الا علاقات هواي
و مرت الايام ..........................................
بعد سنه و نص من الزواج عرفت انو حامل بجيت هواي ماريد يجي هطفل للشقاء ليش يجي و بو ميحبه
طبعا خلال هل فتره شفت اهلي على فترات متباعده
وزوجي اصلا ولا اهتم للحمل حاولت اسقطه عدة مرات بس ماصار كانو الطفل مصصر يجي للشقاء و التعب
وبعد شهور ولدة الطفل جان ولد بجيت بيوم ولاته هواي مادري ليش حسيت هطفل مكتوب عليه المأسات و بيومها اهلي جانو ويايه بالمستشفى حتى كلت هل كلام المياء اختي كالت (لايمعوده توكلي بالله اي بؤس وني موجوده اني خالته ومه و كلشي اله)؟؟؟
وزوجي ولا عبالك اجا ولد وكال اني معليه انتي سمي
هشي فرحني ف قررت اسمي علي الكرار اي راح اسمي كرار الله شكد احب هل اسم ؟؟؟
و بعد معانات كبر هطفل وصار عمره 3سنين الا شويه
وني حياتي من تعيس الاتعس كل يوم يمر عليه يكون اضلم و آمر من الي قبله اخو زوجي قرر يزوج بنت جيرانا .............
