حكم القلب

ملاكي من جبيل

كانت عم تتمشى بشارع من شوارع مدينة جبيل
عم بتراقب كل مين حولها
نظراتن و تصرفاتن
و تجرب تفكر بشخصيات تتركب عليهن
و تحاول تكتشف كل شخص من لحولها شو معقول تكون حكايتو مخباية
لحتى مرق شخص من حدا لفتلها نظرا و اخد كل تركيزها
مش معقول هل انسان
غمضة عيونها
اخدت نفس
و رجعت فتحتن
بعدوا موجود !!
مش معقول، فكرت حالها عم تتخايل
فركة عيونها مرة تانية و ضل محلوا
عم يتمشى مع اهله هيك فكرة
حبت تقرب منوا و تسالوا "انت حقيقي؟!"
خافت
خافت من ردة فعله هوي و يللي معه
خافت يكون خيال
و هيي و ساردة بتفكيرا فجأة إختفى
صارت تبرم بأرضها تفتش بوجوه لناس عليه
وينوااا !!
لعالم صارت تتطلع عليها بنظرات غريبة بس هيي ما اهتمت
و بعد ما فقدت لامل رجعت عبيتها
بس ضلت شقفة منها هونيك بهيداك الشارع بجبيل معوا لهل الشب او حتى ملاك و مع هيك ضلت صورتوا محفورة جواتها و ما كانت تروح من بالها
و ضل في شعور جواتها بانوا في شي ناقص و قريبا رح يكتمل