مرحبا هذا البارت كله راح يكون ل سمر ماكو شي عن كرار هنا 😊.....
وتزوج احمد علاقتي مع سلفتي جانت عاديه كلش ماكو اي مشكله او اي سوء تفاهم بس جنت الاحض شي غريب اهتمام رباب (زوجة احمد ) بزوجي محمود بعد 4 شهور من زواجهم
محمود:سمر ياسمر وينج يابقره وينج ولج حيوانه
رباب: هلا هلا هلا والله بالغالي هلا بابو كرار هلا بمحمود
محمود: هلابيج ربوبه هلا ياعزيزه وينها هل هايشه
رباب:هههههه هيه بالمطبخ
محمود: شسوي تتطبخ ؟
رباب:لا عيني ياطبخ اني الاطبخ اليوم سويتلك برياني اعرفك تحبه
محمود:اي اكول هل هايشه ماتعرف تطبخ انتي المعدله فدوه الايديج
رباب: فدوه الروحك ياعيني
سمر (بكلبها)الله ياخذكم ثنينكم امين
كعدنا ع الغده اشوف نضرات زوجي الوقحه المرة اخو
هذا صدك مايستحي
رباب: هاعيني شون جان الاكل محمود
محمود: الاكل هممم ولا اطيب انتي محد يصلج بطبخ انتي جوهره راح اكل اصابعي من ورا طبخج ارحمينا
رباب: ههههههه فدوه الايديك
سمر: لعاد لاتاكل من اكلها هل مره خاف تاكل اصابعك وراها بعدين جا شون نعيش
رباب عوجة حلكها😕😏
محمود: انتي ماتستحين هيجي تحجين شون تغلطين ع الغاليه وكام ضربني بألخيزرانه سحبني للغرفه وضل يضرب ماهمني ضربه اليه تعودت عليه جسمي تخدر بس صوت كرار وبجي كطع كلبي بجيت مو لان متأثر من ضربه بجيت على صوت ابني الي شال المنطقه ببجيه تركني بعد ما انغمى عليه من الضرب وهاي مو اول مره ينغمى عليه وراح الكرار يضربه بصونده وهوه عمره 3 سنين اخر شي ضرب راسه بالحايط و رفسه برجله
محمود:تف مثل امك ... ورفسه برجله
احمد:يكفي خويه ليش تضرب ابنك
محمود: موابني هوه ابن هل حقيره يشبها بكلشي
ايي هيج جانت حياتي الضرب صار روتين يومي الاهانه و السب و الشتم جان اليه مجرد سماع ثرثرات شخص
تبنجت الدرجة مااحس بالام من يضربني مع انو جسمي متكطع بسبب الضرب ايدي انكسرة مره بسببه عادي مااهتمله يكولون عندما نعتاد الالم بعد مانحس بيها من كثرتها بس الي يبجيني ابني كرار الي كلما انضرب هوه يبجي ويصرخ وماكو لاعم ولا مرة عم تسكته وتهدي يمكن الشي الوحيد الي يخليني احس اني حيه هوه كرار ؟
اي كرار الي بعد كلما ابو يضربني و يضربه يجي يكعد فوك راسي و يمسح على شعري .......
بدا يثقل همومي و معاناتي من اشوف زوجي مع سلفتي و حركاتهم يمكن تعودت الالم و الضرب و الخيانه بس هاي مرة اخو ميصير استغفر الله والله ميصير هاي تكون بمثابت اخته ...
ماعندي احد اشكيله الي بكلبي ولا اكو شخص يسمعني كم مره بمرره زوجي يطردني من البيت وكعد ع الباب الى ان يهدى وطب جوه شسوي ماكو مكان اروحله ماكو شخص ينشد بي الضهر الشخص الوحيد الي يسمعني ويعرف الي بكلبي هوه كرار اي لاتستغربون من وحدتي دائما احجيله هوه طفل مابيده شي يسويلي بس ماعندي غيره يسمعني
كرار جان طفل عكس كل الاطفال لايلعب لايحجي لا يخالط احد دائما كاعد ساكت ماينطق بحرف واحد
اسفه ع الاخطاء الاملائيه
