لعبه من أبواب الجحيم دمرتنا!!!!!!

لعبه من ابواب الحجيم دمرتنا !!

ملاحظه هامه:
العبه المذكوره في القصه حقيقه فلاتجربها من اجل سلامه حياتك 🙏🏻

مرت بي الايام وانا في تفكير عميق عن العالم الآخر بتقولون مهبوله إيه مهبوله وانا وش علي منكم بقولكم نبذه صغيره عن تفكيري بس اول أعرفكم على اسمي هيا عمري ٢٥سنه افكر في قريني كيف يكون شكله وكيف يكون عايش ولما نكون في جمعه عائلية افكر بعد معقوله كل هالناس قرنائهم موجودين في نفس المكان !!!!!!!!!
انا من الناس الي يحبون يسمعون قصص جن وأحيانا أغوص في البحث عنهم حولهم كلامهم طريقه عيشهم وأكلهم كيف مثلا عرفت شي عجيب عنهم حنا يالبشر نتعامل بالفلوس في البيع والشراء بس هم لا طريقه تعاملهم في البيع  ببقايا اكلنا كنت أتمنى اني أقابل ملك من ملوكهم واتزوجه واعيش ملكه في العالم الآخر رغم اني احب اي شي عن العالم الاخر الا اني كنت اتحصن بالقرآن بعد كل صلاه بتضحكون علي إيه خوافه من الدرجه الاولى اخاف حتى من ظلي لما اكون وحدي  ومااحط عطر قبل لاانام والبس حجاب وقت النوم او. أغطي شعري بااي شي لأنهم يقولون ان الجن يلعبون بشعر الأنثى لما تنام وهي مو متحجبة
ذي الايام بديت احس بوجود احد لمي والا لما اكون لحالي في الغرفه او في الصاله يجيني هواء بارد ماكنت اعرف مصدره لكن ماعطيت اهميه لها الشي الي يصير لي بعد العشاء اتصلت خالتي نرجس على امي وأخذت التليفون وراحت تكلمها في غرفتها دقايق رجعت والابتسامه شاقه وجهها شق وقالت لي:مبروك يابنتي فارس أحلامك وصل وقلت :من يايمه خالد؟!قالت:ايه ومن غير خالد أخير راح نفرح فيك الحمدلله يارب ورحت لغرفتي وأفكر في ماضي من صغرنا واهلنا يقولون هيا لخالد وخالد لهيا ماتوقعت ان كلامهم راح يكون حقيقي طيب دام كذا اجل طلال بيخطب اختي فرح وفعلا في اليوم الثاني كلمت خالتي تخطب فرح لطلال بعد اسبوع كانت ملكتي وملكت اختي كان اجمل يوم في حياتي أخيرا انا وفرح في نفس اليوم كانت فرحه ماتنوصف بعد ماخلصت الحفله والهدايا والمباركات والتهاني لما جيت افتح هديتي من خالد جاتني ضيقه ماعرفت سببها ومن قوه الضيقه رميت الهديه ولاعاد فتحتها وكانت ليلتي تعج بالكوابيس والاحلام المزعجة صحيت في اليوم الثاني احاول أنسى ليلتي الكئيبة ولاروقت الا بعد إتصال البنات فديو يباركون لي مره ثانيه ويمدحوني في الحفله داليا وأميره وعلياء بعد الاتصال رحت لامي في الصاله وكانت تكلم خالتي نرجس ويتفقون على موعد الزواج سكرت امي وهي طايره من الفرح عشت اجمل أيامي مع خالد كان كل يوم يتصل فيني وأحيانا يعزمني وهدايا وطلعات كانت فتره الخطبه حلوه بعكس ماكنت متخيلتها مرت وعدت الايام والشهور بسرعه وقرب الموعد المنشود ليله العمر باقي اسبوع على الزواج طبعا كنت مشغوله مره بتجهيزات زواجنا الجماعي طبعا أتفقو البنات داليا وأميره وعلياء على حفله وداع العزوبية حفله لاتنسى إستهبال ورقص وفله يعني نودع العزوبية توديع أخير البنات بعد الحفله قررو انهم يباتون عندي خلاص بكره يوم الزواج داليا تصور فستاني حق الزواج وعلياء تقول :هاه  رايك في فستاني طبعا عدى الوقت والساعه٢ونص الفجر قالت داليا:عندي فكره جنونيه او بالأحرى لعبه كلنا تحمسنا إيش العبه!
قالت:لعبة جن قلت لها:يوووووووه فكينا من هالسيره ولاتقولين ويجا والله العظيم ماالعبها قالت داليا:لا لا مو ويجا وبعدين بلا إستهبال اليوم وداع العزوبية ولازم نسوي شي جنوني نتذكره طول العمر .

نهاية البارت الاول إنشاءلله يعجبكم 🙏🏻💜،