الثامنة🌈
وتاني يوم!
في عالم الخيال:
سامر: قبل اي حاجة احب اعرفكوا بأخويا مروان دة هيبقي معانا من دلوقتي
نظر الجميع لبعضهم البعض غير مصدقين ماذا يحدث وكيف مروان عاد للعائلة بهذه السهولة فتفهم سامر نظراتهم لبعض قائلًا: هفهمكوا كل حاجة بعدين ,اهم حاجة دلوقتي ,تكون كل حاجة جاهزة للمعركة ,الاسلحة ,الجيوش ,كل حاجة ,لازم ننتصر ,مفيش مجال للهزيمة ,لو اتهزمنا هنخرج من عالم الخيال تمامًا ,انتوا فاهمين؟؟؟؟!!
الجميع بصوت عالٍ: فاهمين!
سامر موجه حديثه لسامح: تعالي يا سامح ,وريني الاسلحة وعدد الجيش الموجود
سامح: يلا بينا
ذهبا سامح وسامر ليري الجيش والاسلحة المطلوبة
سامر: جدع يا سامح ,بجد جدع اوي
--------------------------------------------
احمد بتوتر: المعركة بكرة يا سالا
سالا باطمئنان: متخافش انا حسة ان احنا هننتصر
احمد: الساعة سبعة الصبح هنروح لموقع المعركة
سالا بجنون: وانا هجيب فشار واقعد اتفرج عليك من بعيد
احمد: هو انا رايح العب كورة ,بقولك معركة
سالا: يا حبيبي متخافيش ,انا متأكدة من الانتصار ,اصل الشر عمره مينتصر
احمد: يارب يا سالا
سالا: انا بكرة هكون معاك من اوله لغاية متروح
احمد: مش اكتر من كدة!
سالا بتمثيل: حاضر
احمد: سالا انا بتكلم بجد
سالا بتمثيل أكتر لكن يُصَدَّقْ
احمد: مش مطمنلك
سالا بتمسكن: دة انا حتي ملاك
احمد بنصف نظرة: بردو مش مطمن
سالا بجدية: لا متخافش انا بتكلم جد ,وهتنتصروا
احمد بدعاء: يسمع من بوقك ربنا
--------------------------------------------
مراد: النهاردة لازم نجهز من جميع النواحي ,احنا جيشنا اقل منهم بمراحل ,انتوا فاهمين يعني ايه؟! ,يعني الهزيمة مش بعيدة ,بس بردو زي مالجيش عندنا قليل هما عندهم الاسلحة قديمة بمراحل بردو ومش متزودين بالاسلحة الجديدة خالص دة اللي انا عرفته اول امبارح ,عشان كدة وقفت المراقبة من عليهم ,بس بردو ارجع واقول الهزيمة ممنوعة ,عارفين لو اتهزمنا هتشوفوا ايام سودة معايا
رامي(اخو مراد): انا شايف.............
قاطعة مراد بصفعة له علي وجهه قائلًا: انا قولت محدش هنا يشوف غيري ,انا بأمر وانتوا تنفذوا واللي مش عاجبه يغور
--------------------------------------------
في مشفي كبيرة يوجد رجل امام غرفة العماليات ينظر طفله الاول في خوفٍ وقلق ,يسير امام الغرفة ذهابًا وايابًا ,ذهابًا وايابًا
وفي هذه اللحظة خرجت الممرضة معها الطفل فذهب اليها ذلك الرجل سريعًا متشوقًا لرؤية ابنه
الممرضة: ابن حضرتك يا استاذ علي
اخذ علي الطفل منها ثم نظر اليه بابتسامة الاب ثم وجه نظره اليها قائلًا: طب والام عاملة ايه؟؟؟
الممرضة: الحمدلله ,هتطلع دلوقتي
علي: اشكرك يارب ,كنت عارف انك هتكون معانا
خرجت الممرضات ممسكين بالسرير وادخلوه علي الغرفة ودخل خلفهم علي ومعه الطفل
علي: هتفوق امتي؟
الممرضة: ١٠ دقايق كدة ,بس متشربش مية خالص
علي: ماشي
خرجت الممرضة ودخل الدكتور ليطمئِن علي الحالة وخرج عندما وجد كل شيء علي ما يرام
وبعد ١٥ دقيقة بدأت نور بالكلام لكن ببطء
نور: انا عطشااانة!
علي: معلش يا حبيبتي مش هينفع دلوقتي ,لما الدكتور يقول
نور: اااااااه ,بطني وجعاني
علي: معلش يا روحي ,حبة وقت ومش هتحسي بحاجة
نور: سامر فين؟
امسك علي بسامر بحذر واراها الطفل فابتسمت بتعب ثم قالت: وحشتيني اوي يا سالا ,نفسي اشوفك اوي يا لاما ,ياتري يا عدي جبت بيبي ولا لسة
علي: عارفة بقي انا حاسس انكوا هترجعوا تتقابلوا من تاني!
نور: يارب يا علي ,وحشوني اوي
------------------------------------------
سالا: بقولك ايه مش احنا بنختفي
لاما: ايوة
سالا: طب ايه رأيك نختفي ونروح الشاليه بتاعنا في السخنة؟!!
لاما: والله فكرة ,نقضي اليوم ونرجع تاني
سالا: لا طبعًا انا هروح اتصور شوية وارجع
لاما بقرف: تتصوري ثم اكملت بسرعة: اي حاجة المهم نروح
صفقت سالا بيدها فاختفت هي ولاما وذهبا الي الشاليه
لاما: كح كح كح ,دة كلمة مردوم تراب قليلة عليه كح كح كح
سالا: يلا يا ماما علي البسين عشان نتصور
لاما: يلا بينا
سالا: ازعرينا
لاما: احنا جينا
ذهبتا الفتاتان الي البسين يلتقتان بعض الصور لبعض ويتحدثان ايضًا
لاما: انتي تعرفي ان هيجيلك قوي تانية كتير
سالا: يا شيخة
لاما: والله بجد ,في قوة الطيران ,والجري ,والنظر ,والنسيان ,القوة ,التحول ,وحاجات تانية كتييير
سالا: عندي استفسار!
لاما: اتفضلي!
سالا: يعني ايه قوة النظر والجري والنسيان والتحول؟؟؟!
لاما: النظر: بتشوفي حاجات بعييييييدة جدًا فوق متتخيلي ,الجري: بتجري بسرعة فظيعة زي الفهد واسرع ,النسيان: بأشعة من عينك تقدري تنسي لي شخص اللي حصل ,يعني مثلا انتي عملتي قوة قدام حد وعاوزة تخليه كأنه مشفش حاجة بتعملي الاشعة وخلاص ,اما التحول بقي: تقدري تتحولي لاي شخص يخطر علي بالك او حشرة او طائر او حيوان
سالا: متحترمي نفسك
لاما: مش بفهمك!
سالا: طب كملي!
لاما: بس كدة خلاص
سالا: انا اتصورت كتير ,يلا نروح بقي
لاما: هنروح بالعربية ,عشان انا معنديش قوة ,فاضية شحن
سالا باندهاش: هو احنا بنتشحن
لاما: امال انتي فاكرة ايه ,بنقعد بالليل علي السرير ونفرد جسمنا وكل واحد بيبقي معاه بطارية لوحده وبنحطها تحت باطنا عشان دة بيبقي اكتر مكان مداري محدش بيشوفه بيبقي فيه فتحة بتحطي البطارية لغاية متخلصي شحن وخلاص
سالا: طب وتعرفي منين ان الشحن خلص
لاما: بتلاقي نفسك بتطفو علي السرير مش لامساه اصلًا
سالا: ممممم ,طب يلا نخرج وهجيب العربية
لاما: يلا
سارتا الفتاتان الي الخارج وصفقت سالا بيداها لتحضر سيارتها وركبتا السيارة وبدأت سالا بالقيادة
وفي اثناء القيادة جاءت سالا تدوس علي الفرامل لتحضر شيء من حقيبة السيارة لكن لم تجد الفرامل
سالا بخوف: لاما ,الحقيني يا لاما
لاما: في ايه يا بنتي
سالا: مفيش فرامل!!!
لاما: يعني ايه مفيش فرامل
سالا: انا بتكلم جد ,احنا هنموت ولا ايه
لاما: بصي هعد ١ ,٢ ,٣ وننط من العربية
وهنا انفجرت سالا من الضحك قائلةً: وضحكت عليكي هق هق هق هاااق ,كنت بدوس في حتة تانية اصلًا
لاما: اه يا حيوانة ,يا جزمة ,كنتي هتموتيني من الرعب وتقوليلي مقلب ,الله يخربيتك يا شيخة
سالا: حبيبتي يا لولو
------------------------------------------
بعد ساعتان من الوقت ووصلت سالا البيت هي ولاما ووجدت الجميع يجلسون في قلق وعندما رؤهم هرعوا خوفًا عليهما فقصا عليهم كل شيء وهدآ واكملوا يومهم في فرح
وفي هذا اليوم نام الجميع في وقت مبكر كي يستيقظوا بنشاط مستعدين للمعركة
-------------------------------------------
تاني يوم!
سامر: مستعدين!
الجيش بأكمله: مستعدييين
سامر: ربنا معاكوا
-------------------------------------------
مراد: الهزيمة مستحيلة ,انتوا فاهميين؟!
الجيش بأكمله: فاهمين!
مراد: يلا بينا
------------------------------------------
اجتمعا الجيشان في مكان المعركة
فقال سامر: متأكد من اللي هتعمله دة يا مراد
مراد بسخرية: طبعًا
سامر: ماشي يا اخويا
وهنا بدأت المعركة وكثير من جيش سامر تم قتلهم وفي هذه اللحظة جاءت سالا لمكان المعركة وعي متخفية وطارت ووقفت فوق احمد وهي طائرة بالطبع ثم قالت بفرح: ايه دة انت بطير ,هييييييه
هنا سمع احمد صوت مشابه لصوت سالا فتلفت حوله لكن لم يجد شيئًا وكان سوف يأخذ سهم فب رقبته لكن حماه احد الاجناد
وبقيت سالا تشاهد ما يحدث في المعركة بحذر وتركيز وكان قد تم قتل نصف جيش مراد
سالا: حاسب يا احمد
وهنا احمد التفت مرة أخري عندمت سمع ذلك الصوت وكان سيقطع رأسه في هذه اللحظة لكن حماه احد الاجناد فهو رئيسهم وواجبهم حمايته هو و سامر وباقي العائلة
وفي اثناء الحرب ورمي الاسهمة جاء سهم في سالا في بطنها وخرج من ظهرها فوقعت سالا علي احمد فصدم احمد مما رآه وركض بها علي المشفي التي في عالم الخيال
وعندما وصل أخذت الممرضات سالا علي سرير وعلي غرفة العماليات بسرعة وفي حين دخولها وقف نبض قلبها
فخرج الدكتور علي وجهه علامات الحزن ممسكًا بجوهرة سالا ليعطيها لأحمد قائلًا: البقاء لله
..........
#بقلم_ماريا_شوقي
