قصة قصيرة.
#الفصلية_الحقيقيه_
وليس_من_الخيال
#الكاتبه_ام_اسد
مرحبا 😧 ...
اعرفكم عليه واعيشكم شويه من حياتي ويه اهلي بعدين تبدي معاناتي .😤.
اسمي سهير عمري حاليا 28 بس بلقصه 20 .
طالبة سادس إعدادي .
مواصفاتي اعتياديه كاأي إمرة عراقيه
عيوني سود وشعري تمري وثخين ووطولي 155 (يعني كولش كصيره) بيضه وجهي مدور وسمينه. بس سمني موالم عمري .
عائلتنه متكونه من إخوان اثنين و وإني . اخوتي فراس.ثائر .
إخواني الاثنين مزوجين
فراس عنده ولد اثنين عايش ويانه و ثائر ولد وبنيه عايش وحده .
وابويه عماد وامي أسماء.
احنا سكنه بغداد .
بس اصلنه عماره
يعني ابويه من العماره بس امي من بغداد.
اهلي مومتتحررين بلعكس كولش مقيدينه .
اني قصتي موطويله كولش إنما راح اختصرها الكم .
وأتمنى تستفاد ون منها وأريد البنات يعرفن معاناة الفصليه الحقيقيه.
....نبدي
امي: سوسو حبي كومي ع الريوك حتى تلحكين الباص..
سهير: صباح الخير ماما .
امي: صباح الورد ياله كومي حبيبي .
سهير: حاضر..
كمت من النوم باوعت ع الشباك جان الجو شبه مغيم والأشجار تجنن
والهوا الطلق ..
نزلت سبحت وبدلت ملابسي.
لبست تنوره سوده طويله وبلوزه بيضه وبيه مثل الشريط اسود ....شوز ماروني شال ماروني جنطه سوده ..
سهير: صباح الخير .
الجميع : صباح النور .
سهير : اني تأخرت واجه الباص مراح اتريك بأي.
امي : ليش ياماما ..
سهير : ماما حبيبي ليضل بالج اتريك بلدوام .
امي: اوك.
سهير: طلعت اتمشى للسايق لأن ميدخل يم بيتنه
يوكف يوكف يم الصبات. ..
وصلت للعداديه ...
بين الدوام
والتحضيرات. ..
ملحكت اتريك ..
صارت وكت حلتنه .
طلعت للبيت نزلت من الباص .
من وصلت للشارع مالتنه جان اشوف سيارات هواي طابكه بلباب مالنه اتفاجئت وبنفس اللحضه ردت اوكع من طولي عبالي بابا بي شي .
خير ماما شكو ..
امي؛ لج سهير اخوج بالسجن.
سهير: عزه العزاني ليش شكو شلون .
امي: ولج دعم واحد بسياره وتوفه الولد بنفس اللحضه.
سهير: اويلي عليك ياخويه😭😭😭😭😭
وهسه شلون شكد يردون فلوس .
امي : مادري ديتناقشون والعصر يرحون للهل الولد .
رونق: شلون بينه عمه اذا متنازلو عن فراس 😭😭
امي : انشالله يطلعو ويطلبون مبلغ بسيط .
سهير : كولو ياالله بلكي الناس خوش أوادم ويتنازلون عنه لأن قضاء وقدر والي الله كاتبه يصير .
امي : انشالله
...........
العصر::::
الآب: مقبلو يتناقشون كالو ع الثالث مال الفاتحه ساعته ينجمعون ويقررون شنفصلهم بس والله ياا سماء الناس شبعانين مااعتقد يطلبون مبلغ و يتنازلون ..
امي: لعد شلون والله لو يطلبون روحي هم انطيها المهم يطلع الولده والمريته. مو يضل بسجون .لو اعرف ابيع البيت وكول وكولشي أملك هم ابيعه ولايضل أكثر من أسبوع بالسجن. .
الأب : الله كريم ربج يحله ماخلي حمل مطروح .
امي: ^انشالله .
.........................
بعد مرور 4 أيام
.....
..
الأب : قررو الفصل ياا سماء. وياريت مااقررور وياريت ميت ولا مقرري.
اسماء: ليش شقررور.
الاب: أوف لوتتددرين .
سهير؛ احجي: يابه شكو .شقررور ترى بعد مااكدر اوكف ع رجليه .
اسماؤ: بس لاهدرو دم فراس .
الاب: #ياريت هدروو ولا يطلبون فصليه من عندي ...
:سهير : فصللللليه عزه 😨😨😨😨😨
وين أكو هيج بعد فصليتيش ذولي وين عايشين بيا قرن.
أسماء : ؛وانت شكلتلهم من طلبو طلبو فصليه.
الأب : *ماكو غير حل لو يضل بسجن لو ياخذون فصليه .
رونق : عمو المن قابل ننطي فصليه جان كتله ماعنده الولد بنات .
الأب : يعرفون عنده اخت ورادوه 😥
سهير : وانشالله تردون تردون اروح فصليه لايابه ليش شفتوني حتى اروح فصليه 😬😬😬😬😬
الام: سهير الله يخليج بنيتي والله اخوج يضيع بلحبوس اذا مارحتي .
سهير: ؛وإني شكو ترديني يضيع مستقبلي واروح فصليه ماما مستحيل اني تعبت ع نفسي شلون تقبلوها ع بتكم تروح فصليه .
الاب: بنتي والله لو بيدي مااخليج بس حكم القوي على الضعيف .
سهير : بابا وأني شكو داكولك ماروح فصليه وشيريد يصير خل يصير .
رونق : /الله يخليج والله ولده يضيعون.
سهير: لعد تفكرين بولدج يضيعون فكروا بيه فكروا بمستقبلي يضيع اني اضيع اتبذهل اصير خدامه وأكثر.
اصير بدون أهل بدون مستقبل بدون زواج بدون كولشي. فكرو فكرو ولو كره وحده بيها خلوني كدام عيونكم انكسر اذا رحت فصليه والله انكسر .
يابا حس بيها اضيع اني بنتك الوحيدة اني المدلل ه
.
الاب: ؛والله حاس بيج بس شسوي شنو بيدي .
سهير: بعياط. ليش شنو بيدك
ليش احنه بيا زمن واحد يأخذ فصليه يابا ميصير والله حرام حرام هذا قضاء وقدر وابنك الصوج بي ليش تحملوني شي اني مالي ذنب بي هلكد اني رخيصه عدكم
تبيع تبيعوني ليش يابا ليش يوم الله يخليج ردي
رونق : ^الله يوفقج والله نلكيلج حل بس يطلع فراس من السجن .
سهير؛ لج رونق واالله يضيع مستقبلي خلي مكانج بمكاني متقبليها ع نفسج ترحين خدامه وحتى الخدامه ارحم عاد يحترموها اني راح انذل والخلق الكون انذل والله انذل بعد محسيت بلدنيا .
الام: يمه بنيتي سهير سهير اصحي لج رونق جيبي مي......يمه بنيتي. ..
