Sana

PROLOGUE

Dear Diary,

Ako si Sana, Sana Villarama. Ang weird ng pangalan ko diba? Ewan ko kung bakit ganito ang ipinangalan sa akin ng parents ko pero so far, so good. Nae-enjoy ko kasi yung pangalan ko, nabibigyan ng hugot ang mga salita gaya ng "Sana lahat, nag mamahal." O kaya naman "Sana hindi ako naging tanga, edi sana hindi ako nasasaktan." Mahilig ako mag sulat ng kung ano-ano kaya tulad ngayon, naisipan kong bumili ng notebook para may mga ala-ala akong maiiwan kung sakali mang dumating ang oras na pinaka hihintay ko.

Hindi ko alam kung hanggang saan aabot, o kung mapupuno ko ba ang kwadernong ito. Pero sa ngayon lulubusin ko na hangga't kaya ko pa, dahil ayokong dumating ang araw na pag sisihan ko ang lahat.

Sana isa akong normal,
Sana nag aaral pa ako,
Sana hindi ako nahihirapan,
Sana tumagal pa,
Sana.....

Ito ang aking kwento, gawin nating makulay kahit hanggang sa diary lang ito.

Lubos na umaasa,
Sana Villarama