Unicode
ချမ်းအေးလွန်းလှသည့် တောင်ကိုးရီးယားနိုင်ငံ ဆိုလ်းမြို့၏ ညချမ်းအချိန်အခါတွင် Haenguပုဂ္ဂလိက ဆေးရုံကြီးတည်ရှိရာတွင်တော့ တိတ်ဆိတ်မနေခဲ့ပါ။
တစ်ခါတစ်ခါ အရေးပေါ်လူနာတင်ယာဥ်ရောက်လာ၍ ထိုမှ အသံတစ်ချို့က ပျံ့လွင့်လာလျှက်။
ဌာနအသီးသီးမှ ညဂျူတီရှိသည့် ဂျူတီကုတ်ဖြူရောင် သို့မဟုတ် ခွဲစိတ်ခန်းဝတ်စုံ ဝတ်ဆင်ထားသော ဆရာဝန်တွေ၊ သူနာပြုတွေနဲ့ အခြားဆေးရုံဝန်ထမ်းတွေကလည်း မိမိနှင့် သက်ဆိုင်သည့် တာဝန်ကို တစ်တပ်တအား ထမ်းပိုးလျှက်။
ထိုလူတွေများထဲမှ ရင်ခေါင်းခွဲစိတ်ဌာန၏ ခွဲခန်း(၁)ရှေ့တွင်တော့ မိသားစုတစ်စုက အပူတပြင်းရှိနေသည်။
သုညဒီဂရီအောက် ရောက်လုလု အအေးနှုန်းက ထိုသူတွေထံတွင်တော့ သက်ရောက်ပုံ ပေါ်မနေခဲ့ပါ။
ခွဲခန်းရှေ့ ခေါက်တုံ့ခေါက်ပြန်လျှောက်နေသည့် အသက်ငါးဆယ်အရွယ် အမျိုးသားက အဖြူရောင် ဂျူတီကုတ်သန့်သန့်ကို ဝတ်ဆင်ထား၏။
ဂျူတီကုတ်၏ ဝဲဘက်ရင်အုံထက်တွင်တော့ Haenguဆေးရုံတံဆိပ်နဲ့အတူ DoSooMin(ဆေးရုံအုပ်) ရင်ခေါင်းခွဲစိတ်ဌာနဆိုသည့် စာလုံးတွေက ချည်အပြာရောင်နှင့် ရေးထိုးထားသည်။
ထိုဆရာဝန်နှင့် အသက်မတိမ်းမယိမ်းမည်ထင်ရသည့် အမျိုးသမီးတစ်ဦးကတော့ အသိစိတ်လွတ်စွာ ထိုင်ခုံတွင် ထိုင်နေလျှက်။
နူးညံ့ပေမယ့် အရှိန်အဝါတစ်ခု ကိန်းဝပ်နေသည့် ထိုအမျိုးသမီးက သာမန်အဆင့်အတန်းမှ သူတော့ မဟုတ်တန်ရာ။
သို့ပေသည့် စိတ်မချမ်းမြေ့ဖွယ် ပူလောင်နေသည်မှာ မျက်နှာအပျက်ပျက်အရွင်းရွင်းဖြင့်ပင်။
သူ(မ)၏ ဘေးတွင်တော့ တစ်ယောက်နှင့်တစ်ယောက်ကြည့်ကာ ငိုနေသော အသက်၁၈နှစ်အရွယ်ကောင်လေးနှစ်ယောက်။
အမည်နာမကတော့ ByunBaekHyunနဲ့ XiaoLuhanတဲ့။
ပြီးတော့ နောက်ထပ် မျက်စိမျက်နှာပျက်စွာရပ်နေလေသော အနောက်တိုင်းဝတ်စုံ နက်ပြာရောင်နဲ့ သူတစ်ဦး။
သူတို့ ခွဲစိတ်ခန်းရှေ့တွင် ရှိနေသည်မှာ အချိန်အားဖြင့် တစ်နာရီကျော်လောက်ရှိပြီဖြစ်သည်။
YOU ARE READING
Pretending Doctor KoKo&Babe Crook
Romanceအသက်၁၈နှစ်အရွယ် အထက်တန်းကျောင်းသား ကောင်းလေးတစ်ယောက်ပြောတဲ့ ချစ်တယ်ဆိုတဲ့စကားကို စိတ်ကစား၍ပြောမှာကြောက်ပြီး မယုံကာ အရာအားလုံးကို မသိချင်ဟန်ဆောင်နေတဲ့ ဒေါက်တာကိုကို့ကို ထိုကောင်လေးက သူ့ရဲ့စစ်မှန်တဲ့ချစ်ခြင်းတွေနဲ့ တိုက်စစ်ဆင်တဲ့အခါ... KaiSoo🐻🐧 Boy...
