بارت ١١
#قصص_كهرمانه
#القاضي_والمطلقه
البارت ١١
....................
ضي
نصدمت شنو ماماخذ من بابا نوح ولا فلس
ضي: نوح يعني انت مشتريلي ذهب
نوح: لا
ضي: لعد شنو فهمني
نوح: دزيت خبر اني اريدج بس مااكدر على طلباتكم ومنال دزت خبر بس مليون الذهب و٥٠٠ كافي الذهب
ضي: عزه انت شتحجي
نوح: ساعدتني على هذا الاساس
ضي: والغرفه
نوح: ياغرفه
ضي: هذه غرفتنا
نوح: اني طلبت من صديقي واشتريتها ب٧٥٠
ضي: ليش تداين واهلك عدهم ويتمكنون
نوح: ماقبلوا يساعدوني
ضي: ليش
نوح: جنت وياهم بمشاكل وعاقبوني
ضي: وبابا ينطي فلوس المن
نوح: شنو فلوس
ضي: فلوس ذهب وغرفه وغراض واهواي امور
نوح: شلون ينطيني وهوه ابو العروس
ضي: منال شمسويه بيه
كمت الطم على وجهي وابجي
نوح: ضي وين ذهبج
ضي: اني الي استلمته الذهب هذا بأيدك
نوح: يعني شنو نضحك عليج
وكام يصيح عليه
نوح: هم بكعه وهم ثدي وهم ثوله الله بلاني بيج بلوه شمسوي لربي على هلقسمه
خجلني بكلامه
ضي: الله ماعاقبك يريد يغفر ذنوبك زوجك ضي
نزلت ليجوه
كملت شغلي واني ساكته
من يسألوني اغير الموضوع
هوه طلع مااعرف وين
رجع بليل سبح ونام
صبح طلع من صبح ومارجع لليل
ضويوميه على هذا الموال
اكثر من شهر
ومانعني من روحتي لاهلي
بس مخابرات ويه بيبي
لايحجي وياي ولا اشوفه بس بليل يسبح وينام
ومشاكله ويه ابوه وامه ماتخلص
اكو سر ومااعرف شنو
مايقبلون عليه
بيوم اجه الظهر نوح وياه زلم
دخلهم لغرفتنا شافوها وطلعوا
بعد ساعه طلب افرغها باعها
سكتت مااحجي شي مجرد اسمع وانفذ
لان اني عار بلنسبه اله وزين منه متحملني
وهذه حقيقه
المريضه الزوج متفضل عليها ولازم مثل الخدامه
فرغتها واخذوها
صفيت بلكراتين غرفتي وفراش بلارضيه
اهله ماادخلوا وياه
ساكته ومتحمله
هوه يعتبرني حيوانه شوكت مايعجبه ينام وياي
ويطلع صبح مااشوفه لليل
لايسولف لايحجي وياي
٢٠يوم على هلوضع
بليل اجه وتعارك ويه ابوه نزلت اريد اسمع
نزلت ويتعاركون وياه
طلع يسهر ويشرب وبنات واني ماادري
ابو نوح: تاليها وياك نوح شوكت تخلص مشاكلك
نوح: بويه ماتعبت مامليت نفس الموال
ابو نوح: نوح مرتك لاتحس بيك وتعوفك
نوح: هههه هاي ثوله ماتدري اني اشرب ماتفهم اهلها مدمغيها بأربع حيطان لدرجة الشرب ماتعرف شارب لو لا
ام نوح: يمه اذا مرتك هيج بنت حلال واصول ليش تخسرها استغفر ربك وكافي نوح انت مو هيج ليش هيج صرت
ابو نوح: من غصبن ماعليك تترك لا تخليني اعاقبك وادز مرتك لاهلها وهمه يتفاوضون وياك
نوح: هاي اذا عدها اهل
قهرني حسسني اني وحيده بلدنيا
فتحت الباب ودخلت
ضي: اذا امي وابوي ذبوني عندي عمي وبيبيتي
نوح: شلون هيج ادخلين واسمعين الكلام ولج😡
ضي: اريد افهم وين تروح وتجي وبلصدفه سمعت
ابو نوح: ارتاحيت نوح
نوح: اي ارتاحيت كافي تعبتوني مليت منكم حبيت ماقبلتوا ازوجها وكفتوا بطريقي ومن تزوجتها وكفتوا بوجهي وحاربتوني
ضي:😲😲😲متزوج
ام نوح: كافي نوح اسكت
ضي: نوح متزوج جنت
نوح: يهمج هذا الشي انجرحتي ضي لعد اني مانجحرت من نضحك عليه
ضي: اني ماضحكت عليك اني خابرتك وانت سكتتني وخبصتني اعرف واعرف
نوح: لاتسوين نفسج بريئه
ضي: محد ضربك على ايدك تستمر وياي اكثر من مره كلتلك طلكني
نوح: هم ثدي وهم بكعه وهم مطلكه بعد منو ياخذج
عفته وصعدت ليفوك
ابجي والطم على وجهي
ماكو احد اسولفله الي بداخلي
المن اشكي ياربي بس انت الي تسمعني
صعد نوح الي
نوح: اذا سولفتي لعمج اكسر راسج
ضي: ليش ماكلتلي مزوج
نوح: وشيفرق لو عيني اتركيني
ضي: ليش خدعتني من البدايه وانت زعلان لان مخدوع بيه
كعد يبجي مثل طفل
نوح: احبها وشردت وياها واهلي واهلها طلكوني منها ماكدرت اوكف بوجهم
ضي: هسه وينها
نوح: مزوجه ابن عمها
ضي: ليش تشرب وتسهر بسببي صح
نوح: ردت اعيش وازوج وانساها ونخدعت بيج ماتحمل اتقربلج بهذا وضعج ماتحمل
شكد كلامه صعب ويجرح
كمت ولميت ملابسي
نوح: شسوين
ضي: خليني اعوفك لاتخسر حياتك بسببي وانت تصلي وتصوم لا تنحرف بسببي
نوح: كافي مثاليات منو يكلبج اذا اعوفج
ضي: كوم وديني
نوح: مشتهيه تنبسطين بهليل لاتتعجبين بروحج وانتي كلج عيوب
ضي: كافي كافي كافي عيوب عيوب وتعيرني بمرضي منو انت
نوح: راح اركعج بلحايط
ضي: شحدك حتى عمي يكسرك
واجه وضربني وامه وابوه خلصوني
نزلوني يمهم
عرفوا بمرضي
امه تلطم ولا كأنه اني انسانه كدامها والي مشاعر وانجرح
وتبجي على حظ ابنها بمرضي
خابرت عمي سامر
اجه اخذني بكل هدوء
رجعني وماكدرت اكبرها واكله ضربني ويعيرني
مااريد عمي يتعارك بسببي
وثاني يوم الصبح شفت منال
منال: ضي عدنا شعجب
ضي: منال اريد احجي وياج
منال: شكو
اخذتها وصعدنا لمشتملها
ضي: شنو قصة الذهب والغرفه
سولفتلها كلام نوح
منال: خلي يولي شنو ماانطيناه كلشي اشتريته اني غبيه اخذ ذهبج وحوله ويكلج برازيلي وشلون تخلي يبيع الغرفه ويدري بمرضج
قنعتني بكلامها
نكرت كل كلام نوح
بقيت ساكته
اصدكها اصدكه مااكدر احجي
مااريد ينهجم بيت ابوي بقيت ساكته
واهل نوح يتعاركون ويانا
نوح ساعه يكول اني ادري ساعه ينكر مايدري
وصارت محاكم وصار الي صار
.............................
سامر قص قصتي للقاضي
الى بيوم عمليتي
ضياء: زين واليوم الصبح شنو الي صار سامر
سامر: طلكت ضي سيد من نوح ورقة طلاك بجيبي ردت افرحها من نطلع للمستشفى وطلعت اشتري خبز
ضياء: منال صار عدها فضول وراحت للهول تشوف شنو ضام لضي
سامر: اي ومبلغه صلاح بلورقه اطلكت ضي
ضياء: اي
سامر: سحب ضي وضاربها وضارب امي وضي كلتلك محمله نفسيتها تعبانه وقبلها بليله صار بيها انهيار عصبي
ضياء: ماتحملت الموقف انتحرت
سامر: مو اخلاق ضي ماتنتحر بس شافت ابوها يضرب بيبيتها ماتحملت هجمت على ابوها
ضياء: شلون
سامر: خنكته بأيدها ومو بوعيها
ضياء: اي
سامر: منال طفرت عليها وسحبتها وضي انهارت ورادت تضرب منال ومنال بأيدها سجينه وجرحت ضي بأيدها
ضياء: بمكان الوريد
سامر: ضي عدها فوبيا من الدم ماتتحمل بهذه الاثناء ابوها سحبها وحركها بأيدها عاقبها
ضياء: الله واكبر شنو هذا الاب
سامر: اني دخلت بهلاثناء تضاربنا اني وصلاح ضربته بلسجينه فقدت على ضي هوه ضربني بزندي وردت ادافع عن نفسي صار بأيده هم ضربه ومااشوف اله ضي تحترك بملابسها وصلاح احترك وياها اني التهيت اخلص ضي مااخليها تحترك وصلاح نسيته
ضياء: صلاح شلون احترك
سامر: فجأه اشتعل مااعرف شلون ضي وصلاح اشتعلوا
ضياء: ضي رادت تنتحر
سامر: لا لان جانت تبجي وتريد تفكنه وكامت اطفر من شافت النار وبسرعه خلصتها وحرك بسيط بأيدي
ضياء: ليش مامعالجيك لحد الان
سامر: مو مهم المهم ضي وامي وصلاح
ضياء: امك بلانعاش ضي تكعد وترجع يغمى عليها
سامر : وصلاح
ضياء: للاسف الله يرحمه
للحكايا بقايه
