#قصص_كهرمانه
#القاضي_والمطلقه
البارت ١٤
...................
ضي
كلام القاضي جريء وياي
يمكن بدون قصد
وصلني لسياره وودعني
ماتمنيت يعوفني وياهم
خايفه مايردوني خايفه مايرحبون بيه
بلطريق بس ابجي
خطيه بيبي تركتها اوووف
بلطريق ماما كل ساعه تسألني شلوني
عمو حسن يباوعلي بلمرايه ويبتسملي
حلوه ابتسامته الي
حسن: اليوم تتعرفين على اخوتج كبروا وتتعرفين على المخبل حمودي
ساكته ومااعرف منو هذا حمودي
اعرف اثنين بنات هناء و بيداء و اخ واحد اكرم
وصلنا للحله
حسن: دخلنا للحله يااهلا وسهلا بضياوي
ماما: هههههه شيخلصج من عمج حسن كلش يحب الحله
اباوعلها مصدومه عدها عادي وجودي
ماما تجاملني لو تحبني
ارجع افكر بعمي سامر ومصيره شنو
افكر بيبي
اله الحادث ابد مااقبل افكر بي ولا ارجع اتخيل الي صار
اتهرب من الموضوع واشيله من بالي
وصلنا للبيت ودخلوني
شالني عمو حسن خطيه ودخلني للبيت
حلو يجنن وراقي حديث ماشايفه بس بلمسلسلات هيج بيت
اثنين بنات حلوات واكفات واثنين ولد
نومني بفراش ماما
حسن: هناء بيداء اكرم حمودي تعالوا
دخلوا الغرفه واباوعلها
حلوين نظيفين مرتبين بس اني احلى منهم
هناء: هلاو ضي اني هناء
بيداء: اني بيداء
حسن: كولي هلاو اختي شلونج بعدين عرفي نفسج
ويضحكون على بيداء
بيداء بلثالث متوسط سمينه دبدوبه وبيضه وتشبه امي احلى من هناء
هناء بلرابع اعدادي اصغر مني بسنتين وشويه ..رشيقه جسمها كلش حلو وسمره وهم حلوه
اكرم بلاول متوسط محلو وجها مخرمش تخرمش وسمين متروس
حمودي صغيره عمره ٥سنوات واسمر احمر وحلو
ههههه عندي اربع اخوان مااعرفهم
وعندي من ابوي ٤ وهم مااعرفهم والله دنيا
٨اخوان واني وحيده ماالي احد
اني ضحيت اهلي الوحيده الي خسرانه
استقبلوني وامي رتبت فراش بيداء الي ودخلوني لغرفة البنات
حسن: اليوم لولو بلارضيه تنام وباجر اشتري سرير وترجعين لفراشج ماشي لولو
ماما: عليمن بس تريد تصرف وبناتك اله شي راقي يدخل غرفتهن والسرير فوك ١٠٠ الف وضي خطيه خطار ايام ولولو تتحمل لخاطر اختها
بيداء: هسه شكو تتعاركون قابل اني اشتكيت بعيوني ضي تنام بفراشي
هناء: بده الحب بيداء اذا تحب واحد بعد مانكدر نحجي وياها
حسن: على ابوها لولو
هناء: تره طلبت ملزمه واليوم غلست
حسن: ولج رحت ويه امج لبغداد شنو غلست
هناء: خلي نشوف باجر
ويضحكون ويسولفون
اكرم كاعد كدامي وصافن
حسن: ولك هاي اختك مو تعجب بيها
اكرم: هههه لا بابا بس شكد بيضه ماتنطيني شويه من بياضها لوجهي
بيداء وهناء وحسن: هههههههه
ابتسمت على كلامه فطير
ماما: صمله لاهيج بعد تحجي
التفت حسن عليها وخزرها
استحيت بكلبي ابجي
اااخ ياكلبي شكد مورم بعد شكد يشيل من هموم
امي وتخاف على ابنها من مرض البهاق
وجرحتني ومااهتمت لامري
حسن: يله خلونا نطلع ونعوف البنات وحدهن يتعرفن على اختهن وسوالف بنات اليوم للصبح
هناء: عندي امتحان راح اروح اقره بلاستقبال
طلعوا كلهم
شوي ودخلت امي عشا ماقبلت أكل
تعاملها مو بلهفه صح تضحك وتسولف وياي
مااحس بلهفت الام على بتها
يمكن لان ماعايشه وياها وماتعرفني
انطتني علاجي وطلعت
اسمعهم يضحكون ويتعشون حياتهم حلوه
بعدها دخلت بيداء يمي
ساعدتني بنومتي
بيداء: ايدج توجعج
ضي: شويه مو اهواي
بيداء: ان شاء الله طيبين .. انتي مزوجه
ضي: اي
بيداء: لعد وينه زوجج
ضي: طلكني
بيداء: يا ليش
اااخ اسألتها تخنكني
ضي: ماكو نصيب
بيداء: تخبلين شبي غبي
ساكته مااحجي
بيداء: زين حلو شكله شنو اسمه
ضي: نوح
بيداء: حلو شكله
ضي: اي
بيداء: رومانسي
ضي: هههههههههه
اسألتها غير غريبه وتضحك صدك مراهقه
بيداء: هه ليش اضحكين
ضي: اي رومانسي
بيداء: لعد ياحظي شكو عفتي
ضي: هههه
التفتت وعفتها
نزلت دمعتي تذكرت بابا
اليوم اول ليله بكبره
اريد اقره فاتحه ومااعرف اقراله
كمت ابجي بصوت وتذكرته ماتحملت
كامت بيداء تسكتني
تريد تعرف شبيه وماتفهم شي
دخلت هناء شافتني ابجي بقت كاعده بلسرير تباوعلي
هناء: شبيج ضي تتالمين من شي
اجتي امي تركض وعمو حسن
لزمت ايدي وراسي وتقره اية الكرسي بصوت عالي
امي: شبيج يمه
كمت وحضنتها ماتحملت
ضي: الله يخليج امي لاتعوفيني ماما اريد اشبع من حضنج ماما بابا مات بسببي صح اليوم اول يوم بكبره خطيه هوه مايتحمل الكهرباء تنطفي وتظلم الدنيا ماما اني مسامحته خلي يرجع لا مااريد يموت وزعلان عليه
امي: ياماما مازعلان عليج الله يرحمه انسي ابوج هوه لازم يطلب السماح بلاخره على الي سواه بيج
ضي: لاهيج تحجين عليه يحبني بس منال حقدته عليه من جانت رغد هوه يحبني ويخاف عليه
حسن: طبعا يحبج غير بنته
ضي: ماما مااريد اعوف بيبي ومااريد اعوفج ومااريد اعوف عمو سامر ومااريد بابا يموت حبابه ماما لاتعوفيني بعد
حسن: ماما تحبج وابد ماتعوفج
ضي: لا ماما تعوفني مثل كل مره ماما اريدج تبهذلت بدونج تعرفين شكد احتاجج ليش ماما ليش هيج حارمتني من حنانج ليش
امي تبجي وياي وساكته مستحيه
بيداء كامت تبجي ويانه
بقيت ابجي عافتني براحتي ونمت وهيه يمي نايمه
يومين زينين وياي
امي تتهرب مني
اسمع عمو حسن يكلها اخذي اجازه وماتقبل
كل ساعه يتعاركون مااعرف شبيهم
هناء تجاملني
كل ساعه تطلع تتعارك وياهم مااعرف شبيها
بيداء تشغلني بلكلام حتى مااسمع
كمت ثالث يوم
عمو حسن طلب اكعد وياهم بلاكل
هناء: ضي ايدج تخوف ونخاف منها مانكدر ناكل كدامها واعرف مايصير تنلف
ضي: عمو حسن صاحني اكعد وياكم
حسن: هناء العسل كدامج وتخافين دشوفيها شحلاتها
كلامه مؤدب وحباب
بيداء: جنت اني العسل هسه صرت الدبس بلنسبه لضي
حسن: ولكم كتلتوها للبنيه على بياضها
هناء: هذا بياض مو طبيعي
ماما وعمو حسن: هناء😡
سكتوها وكمت اني
حسن: ضي باباتي تعاي لادكومين الي ماعاجبه يكوم
باوعت هناء على ابوها صفح وشمرت الخاشوكه وكامت
اني متعجبه😲😲😲
هاي شلون هيج تسوي كدام ابوها ماتحترمه عزه
رجعوني كعدوني على الاكل
كام عمو حسن يصالحها
الصدمه الثاني😲😲😲 انوب يصالحها
ماما: ضي من يطلب منح عمو حسن لاتتفذين لو ماجايه ماتصير حزازيه بينج وبين هناء
ضي:😲😲
عزه امي مامهتمه لامري مهتمه لهناء
كمت من يمها
بيداء: ماما شنو هلحجي هيه هناء متعجرفه
امي سكتت
اكرم: والله مكبرين راسها لهناء
امي: انجب
دخلت للغرفه شفت عمو يصالحها
ضي: اسفه هناء وكومي لخاطري على الغده اني مااتغده وياكم وعد لحد لمن اطيب أيدي
هناء: ليش ناويه تبقين بغرفتنا لحد لمن اطيبين لعد بابا مو انت وماما دكولون بس ايام وترجع لاهلها
حسن: هناء عيب اسكتي
نمت بفراشي وغطيت راسي
هناء: بابا دشوف تصرفاتها ونبي تخوف احسها مخبله
يسكتها ويكلها عيب
وسحبها بعصبيه وطلعوا
بس الله يعلم بحالي شلون متحمله وضعي
الي يطلع من داره يقل مقداره
اني بلاصل ماعندي دار
دار بيت جدي وهم مهدد يوميه ابوي يهددني يطردني
واليوم بيت امي وهم يطردوني
زين وين اروح هسه
عماتي مايردوني
عمي سامر بلسجن
بيبي بلمستشفى
ياربي سهل امري وارحمني من هلعيشه ليش ماتاخذ امانتك
بقيت نايمه وابجي
بكل وقت مختنكه روز بنت القاضي تخابرني
تتصل تطمأن عليه
عبالك تحس بيه مختنكه
شكد ارتاح باتصالها من تسأل عليه
اول مره احد يقدرني ومهتم لامري
بليل هناء ماتقبل تدخل الغرفه اله اني اطلع
كوموني ونمت بلاستقبال فرشولي
رجعت لنومت الكاع
هي كوه الفكريه فكريه هذا اصلي نومت الكاع
ويومين شفت الذل على اصوله
امي ترجع ل٣ للدوام تتغده وتنام المغرب تكعد
حتى صلاة ماتصلي بس عمو حسن يصلي بهذا البيت
قبل ابوي يصلي وملتزم بصلاته رغم ظالم
ومنال وعمي وبيبي واني كلنا نصلي
وبليل اجوهم خطار
ركضت امي كومتني وسحبت فراشي
اخذتني لغرفة اكرم نمت
ودردم ماعاجبها وجودي بلاستقبال
اااخ ياامي لعد وين اروح بيتج شكبره وثكيله عليج
طلعوا الخطار
رجعت بيداء فرشتلي ونمت بفراشي
ثاني يوم الظهر مخبوصين ويسبحون ويبدلون
مااعرف شبيهم
امي: ضي ماماتي راح نطلع ونرجع متأخرين ماتخافين مو واي شي تحتاجين اتصلي عليه
ضي: ماشي الله وياكم
امي: عفتلج عشا
ضي: ماشي
طلعت وامي تعرف مااكدر اصب ايدي محتركه يادوب اكدر اكل عليهن
اموت الف الم ياله اكل
كعدت وحدي وكمت ابجي بصوت عالي واصرخ وابجي
موبايل كدامي
تمنيت روز تخابر او القاضي
بقيت وحدي وخايفه اول مره وحدي
ساعه اذكر ابوي وابجي ساعه عمي وبيبي اذكرهم وابجي عليهم
وحدي كاعده وصارت ب١١ ونص ومارجعوا تأخروا
وب ١٢ اله ثلث دك موبايلي
رقم مكتوب ضياء يتصل
مسجل رقمه بأسمه😲
