#قصص_كهرمانه
#القاضي_والمطلقه
البارت ١٨
..................
ضياء: هذه مو ضي
حارث: شلون مو هيه
ضياء: مو هيه
حمدت ربي وشكرته لان مو ضي اول مره افرح مو ضي ومو هذا مكانها
حارث: بس اسمها ضي
ضياء: اكيد اسمها ضي
شرطي: حسب كلامهن بعدنا مانعرف جناسيهن
ضياء: بابا انتي شنو اسمج الحقيقي
؟؟: اسمي ضي
ضياء: اكيد هذا اسمج
؟؟: اي
ضياء: ليش بابا وصلتي لهذا الحال شنو ناقصج ومشيتي بهلدرب الاعوج
؟؟: من تعيش عيشتي تعذرني
ضياء : ههههه العذر اقبح من الفعل
شرطي: ولج اكيد هذا اسمج احجي لا يبده الشغل وياج
؟؟: اسمي ضي
حارث: لعد هيه المشتبه بيها والي كاتله الرجال
؟؟: عزه يارجال اني مو اسمي ضي والله العظيم مو اسمي ضي
ضياء: لاتحلفين وانتي مو طاهره
؟؟: مثل ماهوه ربك اني هم ربي
شرطي: هاي شتحجين
كام عليها راد يضربها وماخليته
ضياء: انت والزمن عليها لاتضربها
حارث: شنو اسمج الحقيقي
؟؟: مااكدر اكول بس اني مو ضي
ضياء: شلون صار ابالج اسم ضي صلاح
؟؟: قبل وحده رادت تشتغل ويانه اسمها ضي وشردت من عدنا
ضياء: شلون شكلها
؟؟: يمكن بيها بهاق
ضياء: صح هيه وينها وشلون اجتي يمكم
؟؟: مااعرف
ضياء: اريد اعرف شبيها تخصني ومريضه
؟؟: بصراحه بلمستشفى تعرفنا عليها
ضياء: شلون
؟؟: مريضه بلمستشفى انتبهنه عليها وحدها يومين محد وياها وجفاف عدها وخطيه بليل تخربطت باجيتي سألتها وين اهلج فجاوبتها وسولفتلنا عن اهلها وعرفنا قصتها اهلها متوفين وماالها احد باجيتي كلتلها امشي ويانا هي فرحت وطلعت ويانا ثاني يوم بلطريق كامت تصيح فضحتنا اله تنزلوني ونزلناها وكامت تركض يمكن مخبله مو بعقلها
ضياء: يعني ماراحت وياكم
؟؟: لا ماراحت وبقى اسمها ابالي
نهد حيلي وكعدت على الكرسي
ايدي على وجهي
حسيت اريد ابجي اني رجال واريد ابجي على هلانسانه
شكد قويه وشكد شافت ضيم ومارخصت نفسها
اني فعلا مااحس بيها
لو احبها احس بيها
ماتحملت الكلام الي سمعته عنها
عاجز عن وصف مشاعري بوقتها
حارث: ضياء مانلكاها انساها
عفتهم وطلعت من المركز
حامد: بشر عمي ابو ريسان
ضياء: حامد اخذني للكاظم
حامد: وين بلضبط
ضياء: اريد ازور مختنك
احتاجيت اصرخ انحب ابجي
ليش هذا وكتنا قاسي
ليش الضعيف لهلدرجه قوي ويتحمل
ضي انسانه جباره ربي خليني الكاها
ضي وين انتي ريحيني
بلسياره واحس نسمت هوى بارده دخلت بكلبي
وايد بأيدي
التفتت شفت ضي
تباوعلي وتبتسم
ضي: قريبه عنك اني يمك واخيرا حسيت بيه
مااكدر ارد عليها
اشتاقتيلها اريد احضنها
حتى خيالها مااكدر احضنه
وصلت للامام ونزلنا نمشي واباوع على الامام
شكله يقشعر البدن
حلو المنظر نمشي وكدامنا الامام
دخلت للصحن
الهوى يجنن نفسيتك ترتاح
احساس يقشعر البدن كل همومك تنزاح من تشتم هوى الامام ومنظره
بابه وكفت ادعي واطلب منا
ضياء: اجيتك واريد ماتفشلني وماتردني هذه الانسانه وصلني الها اذا تأخر عليها تضيع وحدها ماتكدر تحافظ على نفسها واذا ماالتقي بيها اريدك تحميها وتحفظها من كل سوء ضي امانه عندك احميها
دمعت عيني بدعائي
دخلت زرت وصليت
زلمي وياي حامد واثنين وياه
كملت صلاتي
كاموا وراي بسرعه
ضياء: لا ابقوا براحتكم اني بره بلصحن كاعد
حامد: احنه وياك
ضياء: مايحتاج خليني براحتي
عفتهم وطلعت للصحن
اباوع النسوان واطفال اثنين يركضون ويلعبون
وزلم نايمه
ناس اهواي
ظهرت ضي خيالها
ضي: زياره مقبوله
مااكدر ارد عليها ومبتسم
ضي: ههه تخاف تحجي لايكولون عليك مخبل
اباوعلها وهزيت براسي
ضي: ضياء
باوعتلها
ضي: ضياء ضياء ضياء
باوعتلها
ضي: ضياء
ضياء: ها
ضي: رايحه اني
باوعتلها مشت وطلعت من الضريح
اختفت من كدامي
شنو معناها عافتني ضي بعد ماتجيني
باوعت للترامز الماي
تقدمت اشرب ماي الامام
شفت مره نايمه ومتغطيه بعبايتها ملفلفه نفسها
وكفت يمي مره
انطتني جكليته
ضياء: هاي شنو
المره: واهليه
ضياء: رحمه الله والديج
؟؟؟: خاله عفيه انطيني
مشت المره وماسمعتها
التفتت على البنيه النايمه تطلب من المره
ضياء: اخذي جكليتي .... 😲😲
