#قصص_كهرمانه
#القاضي_والمطلقه
البارت ٢٠
...................
ضياء
انتبهت هذا الشي خطأ
بعدت عنها
بهذه اللحظه بلكوه صابر
ضي: اني اريد ارجع للامام اخذني هسه
ضياء: ليش
ضي: مااكدر اعيش وياكم حياتي مو وياكم ومااريد تتبهذلون بسببي
ضياء: ضي اسمعي مني تعاي اكعدي
ضي: شنو
ضياء: بلاول نبلغ اهلج بوجودج وارفع دعوه على زوج خالتج بلتحرش وماارحمه
ضي: لا مااريد
ضياء: ليش
ضي: لانخرب حياتهم بسببي
ضياء: لعد وحياتج وظلمج
ضي: بصراحه اني ضربته بأيده وانت دكول مشتكي عليه
ضياء: ونحول القضيه ضده لان انتي دفاع عن النفس
ضي: مااكدر
ضياء: اني مااتخلى عنج واخذلج حقج من الكل
ضي: شنو قصدك
ضياء: بعد مانكمل قضية ويه امج و زوج خالتج ارفع قضية على الورث وتاخذين حقج
ضي: ماالي نصيب
ضياء: ابوج فقط متكاتب ويه منال بعده مامسوي بيع وشراء صح المكاتبه تاكل وعدها اوراق الها حق باملاكه ولكن ندخل منفذ تزوير والزور واطلعلج نصيبج من حلال ابوج وبيت جدج
ضي: شسوي بيهن
ضياء: مهما يكون المبلغ تضمنين نفسج بيت صغير او ارض او بلمصرف
ضي: زين ماتريدلها محامي ومصاريف
ضياء: لاتفكرين بهلشي بعد مانكمل قضية الورث تقدمين على الجامعه تكملين دراستج
ضي: ههههههههههه
ضياء: شبيج
ضي: خاف اني متت وعايشه بلجنه وجاي تنحل اموري
ضياء: لا ربج يعوضج اخر صبرج وتعبج
ضي: العمر كله خدامه الك ولاولادك ماانسى فضلكم عليه
ضياء: استغفر الله لاهيج تحجين شنو خدامه انتي حالج حالنا
ضي: لعد شلون اعيش وياكم صعبه يوم يومين تتحملوني
ضياء: لازم تزوجين وتكملين حياتج
ضي: انسى موضوع زواجي
ضياء: اول خطوه نخطيها ازوجج
ضي: منو الي يريدني
ضياء: شخص من الي شايفتهم
ضي: بيت اهلي لو شنو
ضياء: لا من طرفي
ضي: حامد
ضياء: هههههههههههههههه وج شنو حامد
ضي: لعد منو الحراس
ضياء: والله احلامج بسيطه ومنتهيه لا مو حراسي
ضي: يا عزه ريسان شكد عيب
ضياء: ههههههههههههههه خلي اسكت احسن تصعدين الضغط واطمأني مو ريسان
سمعت صوت رجعوا للبيت
ضي: رجعوا
ضياء: اي رجعوا
اخذت الكفوف تريد تلبسها
ضياء: لاتلبسيها
ضي: خليني براحتي استحي
اخذتها من ايدها وطلعت من المطبخ
روز: وين ضي
ضياء: بلمطبخ
رهف: صيحيها واصعدوا وراي للغرفه
رحت لغرفتي بدلت اريد اطلع
طلعت لكيت ريسان بلحديقه
ريسان: ها حجي وين طالع
ضياء: لجماعتي عازميني رايد شي
ريسان: تتأخر
ضياء: مااعرف
ريسان: شوكت نحجي
ضياء: بشنو
ريسان: بقصة ضي بدون شقه خطيه
ضياء: والله مااعرف
ريسان: بابا اخواتي مايستقبلوها زوجه الك
ضياء: شلون عرفت
ريسان: مجرد حجيت وياهن بلطريق طرحت الموضوع كفكره وماقبلن تخبلن
ضياء: ومنو كلك اني ازوجها
ريسان: ضي مايصير تبقى بيتنا صعب
ضياء: والله حيره
ريسان: شوفلها بيت تسكن بي وحمايه خليلها
ضياء: هم يعتبروها مو زينه
ريسان: بلعكس محد يوصلها ومن تريد تجي النا شوكت مايعجبها واخواتي يرحون يمها
ضياء: خليني افكر
طلعت ودايخ بزماني شلون ارتب حياة ضي
بنفس الوقت مااكدر ازعل بناتي
اتصلت على ابو اسعد
ضياء: ابو اسعد اريد اطلع عامل ينظف البيت الصغير تنظيف زين
ابو اسعد : يابيت
ضياء: بيت اهلي وأي نواقص بلبيت كملها
ابو اسعد: ماشي
ضياء: كهربائيات صبغ اريد خلال اسبوع يكمل
ابو اسعد: تدلل ابو ريسان
غلقت الخط
ضياء: حامد لاتاخذني للكهوه
حامد: ها استاذ وين
ضياء: للمعارض الاثاث بس بلاول خلينا نشتري موبايل زين
حامد: ماشي ابو ريسان
وكفني بمحل زين
ضياء: اشتري احلى جهاز
نزل حامد واني بلسياره
احس نفسي صغير شاب بعمر العشرينات
بلطريق ظهر خيال ضي ألي
ضي: فرحان
ضياء: اكيد وانتي
ضي: مثلك فرحانه بس زعلانه ليش ماتقربتلي
ضياء: ليش ماتحسين بيه وخايفه مني
ضي: بايدك انت تكدر تقربني منك اكثر
ضياء: ااااخ ضي
ضي: شبيها ضي
ضياء: معذبتني خلتني اصير مراهق
ضي: هههههه
اختفى خيالها
اجه حامد بأيده جهاز موبايل
وصلنا للمعارض نزلت اختاريت اثاث للبيت بسيط
باوعت على الغرفه احتاريت بلاختيار
مااعرف اشتري غرفة شخصين لو شخص
حسيت بخوف تخيلت ضي ترفضني كزوج
اختاريت غرفه عاديه
اتفقت وياهم وطلعت من المعارض
ضياء: يومين وتاخذهن للبيت الصغير
حامد: هذا الاثاث مو للبيت
ضياء: لا لبيت الصغير تاخذه
حامد: استاذ تسمحلي بسؤال
ضياء: تفضل
حامد: اول مره اسمع تروح للبيت الصغير
ضياء: اي صح وضي ح تنتقل بهذا البيت
حامد: هذا بيت الاهل واعرف ماتقبل لاحد يسكن بي اله العزيزين عليك
ضياء: ضي وين تروح وصعبه تعيش ويانه وتسكن بهذا البيت
حامد: وحدها مو صعبه
ضياء: حمايه من حمايتي بلباب يبقى يمها
حامد: ان شاء الله خير
رجعت للبيت
لكيت ضي كاعده بلحديقه والبنات وياها وريسان يشوي
روز: هلاو بابا ردت اخابرك وريسان ماقبل نزعجك
ضياء: ليش صاير شي
روز: لا ردناك ويانه تتعشا
ضياء: نحن بها اجيت ولحكت عليكم
ريسان: اي ضياء ترجع من وكت صاير
ضياء: اي بابا اخاف منك ماافتر بعد ويه جماعتي اصدقاء السوء
ريسان: عفيه بأبني اريدك هيج دوم
ضياء: حفظتهن بابا سوالفك خليك رجال ديربالك على اخواتك اقره ارفع راسي
ريسان: ههههههههههه
رهف: صدك هيج يسولف ريسان بابا خوش يقلد اول مره اعرف بيك بابا تقلد وتضبطها
ريسان: اااي بنيتي شعبالج ابو ابنه
ضياء: ههههههههههه الحمد لله وشكر على ابني الجبير ابو الماجستير
ريسان: يله بابا تعال وياي ساعدني بلشوي
ضياء: ابدل واجيكم
دخلت للبيت واجتي وراي ضي
دخلت لغرفتي تركت الباب مفتوح دكت الباب
ضياء: ها ضي
ضي: اريد الكفوف
شفتها ضامه ايدها مستحيه
ضياء: تعاي ضي
ضي: ها
ضياء: طلعي ايدج
ضي: اريد الكفوف الله يخليك
ضياء: ضي لاتخجلين من مرضج وهذا قدر واحنه مانضوج من شكلهن اطمأني
ضي: اني ماارتاح اذا ماالبسهن
ضياء: زين انتي مو تتمنين راحتي وسعادتي
ضي: الله شاهد ادعيلك بلسعاده والفرحه انت واولادك
ضياء: فرحتي وسعادتي اشوف ايدج كدامي مو مهم الشكل المهم أيد ضي
بقت صافنه عليه
ضياء : لحظه ضي
اتصلت على حارث
ضياء: هلو حارث
حارث: هلا بضياء
ضياء: حارث محتاج اوراق ضي الرسميه من اهلها
حارث: بلاول خلي نلكاها
ضياء: محتاج اوراقها الرسميه كلها وباجر بليل يمي
حارث: تدلل رغم مافديوم خابرتني على شغله سهله
ضياء: هههههه انت ابو المهمات الصعبه كدها
حارث: تسلم ابو ريسان
غلقت الخط
ضي: الله يخليك اريد الكفوف
شفتها خجلانه
شافتهن على ميز المرايه
باوعتلي ابتسمت
ذوبتني بابتسامتها راحت يم الميز
كمت وكفت يمها لزمتهن وهي بنفس الوقت لزمتهن
ضي: ههه حباب
ااااااخ اويلي ياربي دكلي حباب
شلون اسيطر على نفسي كدامها
ضياء: اخذيهن
لازمهن وهي تسحبها مني
سمعت صوت البنات
ابتعدت واخذتهن مني لبستهن
اباوعلها مبتسم
ضي: اشكرك عمو
ضياء: بشنو
ضي: لان صدك محتاجه اوراقي الرسميه
ضياء: ضي اخذي هذا وياج
ضي: شنو هذا
ضياء: جهاز الج
روز: يله بابا شو لحد الان مامبدل
ضياء: يله اجيتكم
طلعت بسرعه من الغرفه وكعدت بلمطبخ يم روز
طلعت بلحديقه لريسان
ورهف تخابر عمها بلحاسبه مكالمة فيديو
رهف: هذا بابا اجه
ضياء: ها شلونك
ظفر: ريحة الكباب واصله يمي خنكتنا من الدخان
ضياء: ههههههه
اباوع اجتي روز وضي
رهف: عمو خلي نعرف على اختنا الجديده هذه ضي
خلت الشاشه على ضي
خجلانه ضي ومدنكه
ريسان: عمو هذه امنا واختنا
ظفر: ههههه ضياء الحمد لله على سلامة ضي
ضياء: اشكرك وشخبار بان
ظفر: اخبارها يم بناتك
رهف: بعد شهر تجي للعراق
ضياء: صدك
ظفر: مو اكلك الاخبار يمهن اكلك ضياء
ضياء: ها
ظفر: من تفرغ خابرني اريد احجي وياك بموضوع
ريسان: عمي اني هم وياه تره سركم عندي
ظفر: هههههههههه ها ناوي تقضي على ابوك
ريسان: عمي اني ابوه وهوه ابني
ظفر: ههههه ها ضياء شبي ريسان وياك
ضياء: هلايام تعبان نفسيا من الرساله والمناقشه وعايفه براحته
ظفر: الله كريم وان شاء الله بعد النجاح يجي يمي عازمه
ريسان: عمي حتى حجز الطياره عليك
رهف: عمو واني
روز: عمو اني طلعت من الاوائل و ح اصير دكتوره ماعزمتني تعزم ريسان صدك زعلت عليك
يضحكون ويه عمهم
اني بالي يم ضي
اباوعلها ساكته وكاعده مدنكه وخجلانه
الحزن مبين عليها خطيه
اتمنى اسعدها واضحكها
اكتشفت فعلا وجودها يمنا ماترتاح
تعشينا وكملنا ومااكلت تستحي
صعدت بعدها فوك كاعده
ماتنزل ابد اله البنات يجبرنها
بقت يومين بلغرفه قليل تنزل
قليل الكلام وياي وويه ريسان على كد السلام
ثالث يوم البيت كامل
اوراقها كلها عندي
بليل ب٨ صحت رهف
ضياء: رهف اصعدي صيحي ضي تجي للمكتب احجي وياها
انتظرتها نزلت الي
ضي: صحتني
ضياء: شلونج ضي
ضي: زينه
ضياء: ضي تعاي اكعدي وخلينا نحجي بعقل
ضي: ماشي
ضياء: ضي جاي اشوفج تستحين من عدنا وماماخذه راحتج ومتقيده
ضي: بصراحه اي واتمنى ارجع لمكاني رغم متبهذله بس هنا خجوله هنا ومعذبه البنات وياي ومقيدتكم
ضياء: مامتقيدين والبنات ماتعبن منج بس انتي تعبتي من الخجل وراح اريحج
ضي: شلون
ضياء: ح تنتقلين لبيت وحدج بي وماناقصه شي وحمايه يبقون يمج واني والبنات وريسان مانتركج وياج وانتي ايضا من تضوجين تجين يمنا خطار
ضي: بيت منو
ضياء: بيتي وصغير
ضي: زين أذاني الحمايه وتقربلي
ضياء: لا اطمأني ماكو أحد يأذيج وتعيشين بيت خاص الج تاخذين راحتج بي وتتفرغين لدراستج وبصراحه اتركج من اعوفج انتي بأمان تاخذين شهادتج وحلالج من ابوج وتتعينين وتحسين تكدرين تعتمدين على نفسج اتركج
ضي: منو كال اني اترك افضل انسان بهلدنيا شلون اكلك اتركني وانت تساعدني
ضياء: ضي تبقى نقطه وحده
ضي: شنو
ضياء: بهذه الفتره مااكدر اساعدج اله بحاله وحده يعني من اجل سمعتج وحتى محد يمنعني اساعدج
ضي: منو يمنعك
ضياء: بسهوله اهلج يكدرون ياخذوج ويمنعوج مني
ضي: محد يريدني
ضياء: بلمصالح يردونج حتى ياذوني وياذوج لان ح تبده الحرب وياهم
ضي: شنو الحل
ضياء: ضي براحتج فكري وقرري الي اكوله الج ولاتجاوبيني هسه فكري و ردي الخبر
ضي: شنو الي افكر بي
ضياء: لازم اكون زوجج شرعا وقانونا حتى محد يمنعني منج
