#قصص_كهرمانه
#القاضي_والمطلقه
البارت ٢٦
.....................
ضياء
بستها ذوبتها وذبت وياها
سحبت ايدها خليتها برقبتي
وحاضنها مااخليها توخر ولا انطيها فرصه تحجي
بس اني ابوسها وهي ساكته تستقبل مني
عجبتني
بديت اتلمس بيها وأيدها لازمه أيدي
قهرتني ماتريد اتقرب لصدرها
احاول اصعد ايدي وتبعدني
سحبتها للفراش
ضي: شسوي
ضياء: انتي ششوفين
ضي: بس
ضياء: بس شنو زواجنا ورق وانت عمي صح
ضي: هههههههه لا
ضياء: لعد
نومتها بلفراش وبوستها
ضي: قصدي
رجعت بستها مااخليها تحجي اخاف من لسانها
تخرب اللحظه علينا
ذوبتها سكتت ماتنطق بعد
بقيت نص ساعه ابوسها الى ان استسلمت الي
وصلت لصدرها صحت وبعدتني
ضي: لا ضياء كافي مااريدك
ضياء: ضي شبيج
ضي: كوم روح يمها اسهر اني ماافيدك
ضياء: وج شبيج تفكرين بيها
ضي: مااريد احنه متفقين ورق
ضياء: تعبتيني تحبيني وتغارين عليه كليلي ورق
ضي: منو كال احبك لا مااحبك
ضياء: ماشي لاتحبيني خليني انام وياج كحقي الشرعي
ضي: لا يعني لا الله يخليك
كامت عدلت نفسها
ضياء: ضي لا دكومين وتعاي يمي
كامت تبجي
ضياء: شبيج ياعمري
كمت وسحبتها يمي
ضياء: تعاي اريد افتهم شبيج اريد اعرف شتريدين بلضبط
ضي: مااريد زواج اريد انطيك حقك الشرعي بس بداخلي وجسدي وروحي رافض مسألة الزواج
ضياء: ليش رافض
ضي: ماالي نفس بي ارحمني مااريده
ضياء: ضي ماتريديني لان تحبين نوح لو غير شي
ضي: لا ابد نوح مو ابالي ومااحبه وماافكر بي هوه الي كرهني بلزواج واشوف نظراته واستحقاره لجسمي جنت اتألم ومايتحمل يرفع ثوبي حتى مايخاف منا مجرد ياخذ حقه ويكوم وبملابسي وجان يتعارك وياي اذا بلخطأ شافه يكلي تغطي كام يشرب وينام ويه نسوان لان جسمي كرهه بلعرس مااريد بعد ازوج ولااريد احد يتقربلي
قهرتني بكلامها تحجي وتبجي
ماتحملت دموعها وفهمت ليش ماتريدني
تخبلت من نوح مستحقر هلانسانه
اكثر الزلم زواجهم وحبهم لنسوانهم رغبه وجسد
محد يفكر يحب بمخافة الله وتقدير وتقديس الزوجه
حضنتها وسكتتها
ضياء: ضي بعدج ماتعرفيني اني حبيتج مو جسد حبيت روحج وطهارتج وطيبتك .... ماانكر اريد اتقربلج وانام وياج لان انتي تثيريني من اشوفج .. واكو احلى منج ويتمنن اشاره مني بس اني كلبي وروحي حب ضي
ضي: ومروه
ضياء: هههههه اهووو شيخلصني منج بهلسالفه
ضي: ماادخل اطمأن
ضياء: لعد والشبح والخيال الي قبل شوي كام يكمز
ضي: صدك اكو مو كذب
ضياء: اي اعرف وخاصه من يسمع بمروه يجي يركض
ضي: ههههههههههه يمكن
ضياء: اطمأني ونامي ح اروح للبيت
ضي: تريد تروح
ضياء: عندي محكمه الصبح
ضي: محكمه لو ليله صباحي
ضياء: ههههههههه محكمه
ضي: ابقى هنا وصبح روح لمحكمه
ضياء: ابقى مااكدر اقاومج ماتحمل ومااريد اتقربلج حتى ماازعلج ولا اجرحج اطمأني اروح للبيت انام
ضي: لا هنا تنام
ضياء: ضي مااحب تمشين كلمتج عليه
ضي: اكيد ماامشي كلمتي عليك بس اخاف وحدي
ضياء: لا هيج تحجين وتذوبيني وبعدين ترفضيني تره تعبت
سحبت الغطه وتغطت وغطتني ونامت
ضي: هنا نام لا دكوم وتصبح على خير
نامت بلطرف حتى مو بحضني
ودموعها بعيونها
باوعتلها ضحكت ونمت
حاولت احضنها ابتعدت ومستحيه
ماتقتنع اتقربلها تستحي من جسمها
نامت و نمت وياها
كعدت ب٥ الصبح شفتها نايمه
ياربي مااكدر اتركها ماتحمل
نومتها بحضني
ضي: بيش ساعه
ضياء: ب٥وربع
ضي: ليش كعدت
ضياء: اريد اروح للبيت
اشمها تخبل مااكدر اسكت
ضياء: ضي بعد ماتحمل ترضين كلبي مشلوع وياج
ضي: ماتروح للبيت
ضياء: ههه صار الصبح هسه اطرديني مو
ضي: لا ضياء اطرد الدنيا كلها اله انت
ضياء: يمه يمه
ضي: هههههههههه
بستها ودارت وجها
ضياء: وتاليها وياج
ضي: كوم ضياء لشغلك ولبيتك واولادك لاتفكر بيه الله يخليك
كمت منها وابدل
ضي: ماتسبح
ضياء: ليش مسوين شي ست ضي حتى اسبح
سكتت واستحت
ضي: اسويلك ريوك
ضياء: لا ارجعي نامي طالع بس كومي سدي الباب وراي
كامت وياي
ضياء: متأكده اروح
ضي: اي
كرصتها بخدها وبستها
باستني بخدي على كيفها
جننتني ماتحمل بعد
دفعتها للحايط وابوس بيها واشمها
فقدت تريد تبعدني ماتكدر
ضي: ضياء وخر اووي ضياء شبيك
ماتحمل اسكت وماتحمل ابتعد
حاولت تدفعني ماكدرت
ضي: ضياء وخر عني
الى ان حضنتني واني وياها واكفين
وابوسها وتبوسني
ردت اطور العلاقه وياها دفعتني بكل قوتها وشردت للغرفه قفلت الباب
ضياء: ضي افتحي الباب
بقت ساكته وتبجي
ضياء: ماشي ضي اني طالع
طلعت عصبي منها
رجعت لبيتي مخنوك
ضي قافله على الموضوع ماتقبل اتقربلها
تعبتني حيل تعبت
شفت الاحسن ابتعد عنها افضل حل
لاتكدر المسكينه تنسى الماضي
وتستحي من جسمها
قررت اتركها براحتها واتهرب منها حتى مااضعف
شوفتها تخليني اضعف
رجعت للبيت سبحت وطلعت بلا ريوك
بالي كله ضي
بعدت نهائي عنها لاالتقي بيها ولا اخابرها
حامد يسوكلها
ريسان يتصل يشوفها شمحتاجه
رهف و روز مايتركوها يرحون الها
يطلعوها
بقيت شهرين مااشوفها من اعرف بلبيت ماالتقي بيها
اضغط على نفسي مااشوفها
اعصابي تعبت تلفت
قضيتها ويه اهلها نفتحت
اشتكيت على زوج خالتها
اني موكلها العام
كل حياتي وعملي ضي ماتروح من بالي
كم مره ضي اتصلت عليه ماارد عليها
ريسان اجه يسولف وياي عنها
ريسان: حجي اريد احجي وياك
ضياء: شنو
ريسان: ليش تتهرب من ضي شكو
ضياء: ليش اتهرب منها
ريسان: حتى ماترد عليها من تخابرك ومن تجي للبيت ماتشوفها وخطيه بعد ماتجينا حتى مااضوجك
ضياء: لا مو بالي هذا الشي
ريسان: شنو الي صار اريد اعرف ليش تتهرب منها
ضياء: ماكو شي
ريسان: زين نريد نقدملها جامعه تكمل دراستها
ضياء: خلي تخلص محكمتها
ريسان: محكمة شنو
ضياء: اريد يتنازل زوج خالتها
ريسان: ليش ساكت على القضيه شنو منتظر
ضياء: منو كلك ساكت رفعت دعوه عليهم وسحبتهم بلرجلين وبهذلتهم
ريسان: ضي تعرف
ضياء: لا
ريسان: لعد شلون رفعت دعوه بدون ماتعرف
ضياء: بلمحكمه من عقدنا خليتها تسويلي وكاله عامه واني المسئول عنها حتى ماتوصل محاكم وتتعب نفسيتها
ريسان: وشصار هسه
ضياء: تحقيقات وهسه زوج خالتها من عرف موقفه ضعيف خابرني حسن مثل الجلب يريد يغلق القضيه وضي تسحب الدعوه ويتنازلون عن الشكوه
ريسان: اي زين
ضياء: ماارحمهم اريد تعويض
ريسان: لاتكبرها بابا ضي مامحتاجه تعويض
ضياء : اريد اعاقب امها على كل تصرف تصرفته ويه ضي
ريسان: بابا لخاطر ضي سد الموضوع
ضياء: مااسده وزوج خالتها لازم يتحاسب .. ريسان تفهم شنو بنيه شردت حتى تحافظ على شرفها وامها مااهتمت وزوج خالتها يأذيها ويتلمس بجسدها وهي تخاف وعاشت ليالي خايفه ومتعذبه وبعدها صفت بلشارع المسكينه وتريد بسهوله اسحب الدعوه مااتركهم
ريسان: بس سمعت امها ح تصير زباله
ضياء: اعرف حتى الناس تاخذ موقف عليها وخلي تزوج بناتها براحتها
ريسان: بابا انت صاحب بنات
ضياء: ريسان اني مااتصرف اله بلحق ابني هذا قانون ولازم يتعاقبون على سوء اعمالهم
ريسان: خلينا نسامحهم
ضياء: دموع ضي وكلبها المورم مايسامح بس لسانها يسامح
ريسان: بابا لاتحقد البنيه على امها
ضياء: بلعكس ساكت ومانطقت ولا كلمه سيئه بحق امها وحتى ماابلغها بأخبار المحكمه
ريسان: عرفوا انت زوجها
ضياء: لا القاضي صديقي والمستمسكات القضيه متحفظ بيها المحامي الخصم مايعرف
ريسان: اااخ والله مصيبه هلضي زين وجامعتها
ضياء: اريد اشوف ياقسم مناسب الها ومااريد اخواتك يعرفن حتى مايعرفون مزوجه
ريسان: لاتخليها بجامعة رهف وتنكشف اوراق ضي كدامها
ضياء: هذا الي مدوخني مااريد جامعة رهف لاجل زواجنا واريدها ويه رهف حتى تعتني بيها
ريسان: خليها بجامعتي وهلسنه استاذ بلجامعه وحبيبتي هم تخاف على ضي
ضياء: صدك انت تحب لو تضحك عليه
ريسان: هههههههههه اخ حجي اكوم بس اجيت حتى اوصيك على ضي المسكينه
ضياء: اكعد اريد اسمع سالفتك
ريسان: بلاول خلي نشوف سالفتك
ضياء: ولك منو الاب بهذا البيت
ريسان: اكيد اني بس ناقصني ادخن كوبي واصير ضياء
ضياء: هههههههههه
ريسان: ديربالك على ضي خطيه تعبانه
ضياء: حجزتلها للدكتور اسبوع الجاي رجع هستوه للعراق حتى نشوف عمليتها
ريسان: فرصه صالحها واخذها
ضياء: ولك شصالح منو كلك زعلان واريد تاخذها والبنات وياك رهف او روز
ريسان: ماشي بابا اني هسه طالع
ضياء: وين
ريسان: البنات وياي اشتريلهن موطا نفتر ونرجع
ضياء: ماشي ديربالك على اخواتك
ريسان: اذا اضوج وحدك روح لمريتك
ضياء: امشي ريسان😡
ريسان: هههه الله وياك اذا زعلان ومشتاقلها عادي اصعد لغرفتي واحضني ونام تخيلني ضي بس بلغني قبلها حتى البسلك دشداشه سوده
شمرت القلم عليه وطلع يركض من المكتب
مخبل ويضحكني بسوالفي
مشتاق لضي وماتحمل بدونها
مااكدر اشوفها اضعف
بقيت اشتغل بمكتبي وبليل اسمع صوتهم رجعوا
طلعت بره
اشوف ضي وياهم
ريسان: سبرايس
وفاتح ايده يأشر على ضي
هذا الولد تخبل كدام اخواته
اشوف ضي شايله كيكه
يقصد على الكيكه بس افهمه قصد ضي
ضياء: هلو ضي
ضي: هلاو عمو
اشوفها لابسه لبس حلو تنوره وقميص اسود وحجاب ومتغيره ومخليه كحله
حبيت شكلها بس ماحبيت تطلع بهلشكل بدون علمي
رهف: بابا شبيك
ريسان: صافن على الكيكه الظاهر عجبته ويريد ياكلها
اباوع ضي شايله كيكه شنو هاي
ضياء: هاي شنو الكيكه
روز: ميلادك
روز رهف ريسان : هابى بيرث داى تو يو هابى بيرث داى تو بابا هابى بيرث داى تو يو
ريسان: انزل يا جميل في الساحة و اتمختر كدا بالراحة انا اقد عينيك مع اني نظرت عنيك دباحة مالك طالع بالعالي يا مالي قلبي ليالي امرك يا جميل
happy birthday to you
يصفكون ويغنون وريسان مخبل ولا كانه استاذ جامعي بلبيت شخصيته تختلف
وضي واكفه تباوعلي
اني دايخ بشكل ضي صايره حلوه
الكحله موتتني
ربي صبرني على زوجتي
ضياء: هاي شكو وشنو ميلاد
ريسان: نحتفل بميلادك وعزمنا ضي ويانا
خلت الكيكه ع الطبله
ورهف وروز حظروا العصاير والماعين بلمطبخ
كعدت قريب عليها كرسيها بصف كرسيي
ضي: كل عام وانت بخير
ضياء: وانتي بخير
ضي: حتى ماتباوع بوجهي
صياء: شنو المناسبه اباوع
باوعتلها بطرف عيني
ضي: هم صح
ريسان كاعد يمنا بس مايسمع
والحلو بي رغم ضحكه وشقاه من يشوفنا نسولف مايدخل ومايعلق
اجت روز ورهف وسكتت
روز: يله بابا قطعها
ريسان: اول ابتدائي بابا يقطعها رجال شكبره وقاضي
رهف: عابت شكد زعطوط
ضي: هههههه عمو ابو ريسان مو جبير وليش مايقطعها مبين اصغر منك
ريسان: انتي الوحيده ماانصب عليج حتى لاتخجلين ولاتبجين فأسكتي احسن
ضي: سكتت توبه اذا انطق بكلمه بس لاتنصب
يضحكون كلهم
غرت تضحك وتشاقه ويه ريسان
انتبهت بديت اغار على ضي
واخاف عليها واريدها فقط ملكي
شيلاء شكد احبها واغار عليها بس مو مثل ضي
ضي اغار عليها اكثر ماتحمل النمله تمشي بجسمها
اغار حتى من قطرات الماي توكع بجسمها
رهف: يله بابا
ضياء: قطعوها انتوا وقسموا الكيك وطلعوا لحامد والحمايه
كمت لمكتبي
روز: لا بابا بداعتي الله يخليك
ضياء: بابا يايوم اني مسوي هلسوالف
روز: بس هلمره حباب حباب
وتبوس بيه وحاضنتني
بستها بخدها
ضياء: حبيبتي قسميها انتي وحصتي دخلوها للمكتب واشكرج انتي ورهف وريسان وضي على هلعيد ميلاد الله لايحرمني منكم
رهف: اوكف خلي ننطيك هداياك
سحبتني رهف وطلعت من جنطتها باكيت مغلف
فتحته هديتها عطر
روز هديتها ساعه
ريسان سبحه حلو وخاتم
ضي تباوعلي نقهرت عليها مامشتريتلي هديه
رهف: بابا ضي ماتعرف ميلادك هسه جبناها من البيت واجينا
ضياء: وجودها بينا كافي
دخلت للمكتب واسمعهم يضحكون ويسولفون
ندكت الباب
روحي خفتت حسيت بهوى بارد نسم عليه
دخلت ضي لمكتبي وبايدها كيك وعصير
ضي: هذه حصتك
ضياء: شكرا
ضي: اني جبتلك هديه بس ماكدرت انطيها كدام البنات
ضياء: شنو
علبه صغيره فتحتها هديتها (حلقه فضه)
باوعتلها ابتسمت
ضياء: حلوه كلش حلوه بس شلون اشتريتيها
ضي: ذاك اليوم من طلعت للمول ويه البنات تهربت منهم واشتريتها الك
ضياء: شلون عرفتي قياسي
ضي: محبسك عندي
ضياء: احلى هديه اجتني بحياتي
ضي: الحمد لله عجبتك
ضياء: مشكوره
ضي: ليش ماتسأل عليه
ضياء: شلون عرفتي مااسأل لعد منو يسوكلج وريسان يخابرج والبنات
ضي: وانت
ضياء: منهم اعرف اخبارج
ضي: الظاهر مشغول وياها وشاغلتك
ضياء: شنو الي شاغلني
ضي: اليالي الصباحي ومراوي
ضياء: ههههه لحد الان ابالج
ضي: لاتضحك لاعبالك اني مسامحتك انت جارحني والله يسامحك
نزلت دمعتها وكامت
ضياء: لحظه ضي
كمت وكفتها وغلقت الباب
ضياء: بشنو جارحج ضي
ضي: افتح الباب البنات لايحسن بينا
ضياء: معليج بلبنات وجاوبي شنو الي جارحج بي
ضي: قصتك انت ومروه وتخوني
ضياء: ههههه الله سويتيني خاين وجارح وقصه
ضي: مايهمك مشاعري وتستهزء
ضياء: ليش همج مشاعري
ضي: ليش كل بالك ماعندي مشاعر
صفنت عليها حلوه
ضياء: من شوكت تخلين كحله ومغيره لبسج
ضي: هذه اول مره والله خليت لان اجيتكم وحتى لبسي لان اجيتكم
ضياء: وليش لان اجيتينا شكو
ضي: مو الك لنفسي ولان انتوا مثل اهلي اخذ راحتي وياكم اطمأن مشاعري اتجاهك بارده
ضياء: ههههه
عضيت شفتي الها
ضي: وانت ليش ضايج وغيران من الكحله
ضياء: منو كلج اغار بلعكس عادي عندي اني هم مشاعري مثلج بارده
ضي: لاتعاملني هيج ضياء مبين مروه معوضتك
ضياء: هههههههه
ضي: افتحلي الباب اريد اطلع
ضياء: ماشي والكحله لاتخليها بعد ولاتشاقين ويه أي رجال حتى لو ابني
ضي: وانت هم لاتبوس وتحضن ب روز ورهف كدامي
ضياء: ههههههههههه وتاليها وياج
ضي: رجعني انت
ضياء: مااكدر عندي شغل
ضي: اعتبرني مروه
ضياء: ههههههههههههههه
فتحت الباب ورجعت كعدت بمكتبي
باوعتلي وواكفه بلباب
ضي: ضياء
ضياء: نعم
باوعتلها بقت صافنه تمنيت دكلي اريدك بحضني
ضي: لا هيج ماكو شي
طلعت من المكتب ضايجه
احبها واعشقها ولكن مااكدر اقاومها وهي ماتكدر ظروفها اقوى من حبها وصابر عليها
شوي وسمعت ضي تريد ترجع
ضي: منو يرجعني
ريسان: بابا يرجعج
ضي: عنده شغل خلي حامد يرجعني
روز: باتي عدنا
ضي: لا مااكدر
رهف: ريسان اطلع لحامد بلغه
ماتحملت حامد يرجعها اكيد ضي تخبلت تريد حامد يرجعها
طلعت من المكتب
ضياء: ريسان انت و وحده من البنات وياك وصلوها لضي
ضي: حامد يوصلني ليش ريسان خطيه
ضياء: ريسان كوم
ريسان: سايقكم اني يله سندريله كومي بس لاتنسين حذائج عدنا
ضي: ههههههههههه
روز: هههههه لان ماعدنا الامير ياخذج
باوعتلي ضي
ضي: عيد ميلاد سعيد عمو وتصبح على خير
ريسان: اجمعين ماما
ضي: هههههههههههههههه
اني والبنات وضي ضحكنا عليه
ضي واني فهمنا قصد ريسان اله البنات مايعرفن قصده
روز : اروح وياكم
رهف: حتى اني
طلعوا كلهم ياخذون ضي لبيتها
اباوعلها تنورتها حلوه على جسمها رغم عريضه بس حبيتها
ضي بسيطه بلبسها بشكلها برائتها
ولكن اكو شي مميز ويجذبني الها مااعرف شنو
بعدها باسبوعين الظهر
ضياء: بعد يومين راح اسافر
ريسان: وين
ضياء: ابقى شهر اكثر بشغل
ريسان: شغل شنو
ضياء: لعمك ظفر محتاجني
ريسان: صاير شي
ضياء: لا بس مشروع ومحتاجني وياه
ريسان: ها
ضياء: ريسان رهف تاخذ ضي للدكتور روح وياهم
ريسان: مااروح روح انت
رهف: اني وياها نروح
ريسان: بابا هذه عمليه مو لعب او علاج ومرض بسيط روح ويه البنيه انت وافهم من دكتور
ضياء: مااكدر اريد اكمل شغلاتي بعد يومين اسافر
ريسان: عصريه ساعتين ماتعطلك
ضياء: ماشي اني اخذها مايحتاج رهف
ريسان: شدعوه ماتنطي من نفسك صاير
ضياء: رهف خابري ضي تحظر نفسها
رهف: ماشي بابا
العصر تحظرت ولبست وطلعت
بوقتها شهر العاشر نهايته
وبارده والجو حلو
وصلت للبيت اتصلت عليها رفضته وطلعتلي
اباوعلها بطرون وقميص طويل وعريض وحذاء نيلي كعب وحجابها وجنطتها سوده
لابسه ساعه بأيدها ومحبس هاديء جذبتني
سمنانه ومربربه
خدوها حمر وبلا مكياج
ضي: سلام عليكم
ضياء: وعليكم السلام بقت على الكحله ماخليتيها
ضي: ماعجبني اخلي كحله والله غاثتك الكحله
ضياء: لا منو كلج غاثتني
ضي: اذا ماعاجبك لبسي اغيره
ضياء: بلعكس حلو ومحتشم
ضي: اشو صاير كله انت تسوق مو حامد
ضياء: بكيفي بمزاجي ماعاجبج
ضي: عاجبني ونص
اشوفها تضحك وتباوع ليكدام
متغيره ضي وصايره مرتبه وقويه متغيره اهواي ضي
ضياء: ضي منو يختار لبسج
ضي: البنات روز و رهف مايقبلون البس جبب بس هم اشتري لان احبهن اكثر ويخابرن يتعاركن وياي اله البس بطرون وقميص ولبست
ضياء: ها
ضي: ضياء اذا ماتحب والله اغيره
ضياء: شي مايعجبني بنفس اللحظه اكلج غيري بدون تفكير ومو من هذا النوع اني
ضي: عبالي تغار
ضياء: ضي
ضي: ها
ضياء: بعد يومين اسافر
ضي: اعرف لاخوك روز بلغتني بلصدفه
ضياء: اها زين تعرفين
ضي: اي وشغل وشنو هذا الشغل مسموحلي اعرف
ضياء: لا مامسموحلج
ضي: اوك
سكتت ورحنا للدكتور شفت المصعد باوعتلي
ضياء: بعدج تخافين
ضي: اكيد
ضياء: تعاي نصعد درج
ضي:😡😡
بداخلي اضحك عليها
ياريت اصعدها مصعد واحضنها واشمها
صعدنا للدكتور ودخلنا
طلب يفحصها
باوعتلي مصدومه
دكتور: تفضلي هناك
وياه ممرضه تساعد المريض
تكعد بلسرير وستائر تغطي
باوعتلي اكوم
أشرتلها كومي تمنيت اكوم وياها
دكتور: عادي اذا تحب دكوم ويانا لاجل هي زوجتك
ضي: لا مايحتاج
شفتها تستحي مني ماخجلتها على عصابي دكتور يفحصها
طلع قبلها باوعتلها شفتها تسد بدكم القميص
اخذت نفس قوي وصبرت
اشتاقيتلها شسوي وياها شلون اقنعها
بعدها كعدت يمي ودكتور يشرح
شرحلها العمليه وياخذون من رجلها عضله وبلاتين
طمأنها وطمأني العمليه ناجحه ٩٥%
راد يحدد العمليه
دكتور: موعدج ح يصير بعد ٨ايام
ضي: لا اجلها اكثر من شهر
ضياء: لا لاتأجلها
دكتور: ضي ماتخوف العمليه ليش تخافين
ضي: مو مسألة اخاف بس زوجي عنده سفر واريد بحضوره اسويها
ضياء: ليش اله بوجودي
ضي: ماادخل العمليات وانت مو وياي اخاف
دكتور: ههههه ماشي بهذه الحاله موعدج ح يصير بعيد اله بعد ٣ اشهر
ضي: ماشي
ضياء: شنو ماشي
ضي: مااسويها اله انت موجود اجل سفرك
ضياء: شغل عندي
ضي: لعد نأجل عمليتي
ضياء: دكتور اقرب موعد
دكتور: اني بعد ١٥ يوم اسافر وابقى شهر وارجع وموعدها من ارجع اول مريضه هيه
ضياء: ضي لاتأجليها
ضي: حباب خلي ناجلها ماادخل عمليه بدونك
ضياء: ماشي
تفقنا على الموعد من ارجع
فرحت من نطقت باسم زوجي
فرحت ماتقبل بلعمليه اله بوجودي
لوما شغلي وضروري مااروح لخاطرها بس مااكدر
طلعنا من الدكتور اني وياها
ضي: ماتكدر تاجل سفرك ليش مروه وياك
ضياء: ولج شنو سالفة مروه تذكريها كدامي والله كتلتيني بيها هم ياريت موجوده بحياتي
ضي: اي صح خطيه مو بحياتك
ضياء: اطمأني مو بحياتي ولا مره بحياتي
ضي: اعرف بس ام ريسان تحب وحبك الاول والاخير وتاثرت من توفت الله يرحمها وتحبها ومخلص الها
ضياء: شلون عرفتي كل هذه المعلومات
ضي: ريسان يسولفلي والبنات
ضياء: ها
رجعتها للبيت وبلطريق ساكت وهي ساكته
وصلنا للبيت نزلت ونزلت وياها
ضي: راح تدخل وياي
ضياء: اي ليش يزعجج هذا الشي
ضي: اكيد لا هذا بيتك واني ضيفه بي
ضياء: شنو ضيفه هذا بيتج بيت زوجج يعني بيتج وملكج
ضي: ربي يحفظك الي
دخلنا للبيت
ريحته حلوه ونظيف مرتب
اول مره اكتشف ضي نظيفه مانتبه عليها
ضياء: تعاي اكعدي اريد احجي وياج
ضي: شنو
ضياء: ضي قدمتلج على الجامعه
ضي: شنو جامعه
ضياء: اني اختاريت
ضي: شنو
ضياء: لغات انتي شكلج ادرسين لغات حلو هذا القسم الج
نزلت دمعتها كدامي
ضياء: شبيج
ضي: عمو سامر دارس لغات واخر سنه تركها ماكمل لان مايتمكن خطيه
ضياء: اعرف الله يرحمه مره كلي اريدها تكمل جامعه
ضي: اي خطيه سوه سلف حتى يدخلني جامعه سوده عليه عمو
ضياء: من سالته شنو تحب ضي تدرس كال لغات احقق احلامي بضي
ضي: صدك عمو هيج يحجي اوووف ياعمو متت وماحققت احلامك ولاتزوجت ولا شفت اطفالك
ضياء: الله يرحمه لاتبجين لخاطره
ضي: ماتحمل كل مره من اروح ويه البنات وريسان للنجف يزورون امهم وازوره هوه وبيبي ماتحمل شوفتهم جوه التراب وارجع بدونهم
ضياء: الله يرحمهم
ضي: ليش مابلغتني بلجامعه من قبل
ضياء: هسه جاي ابلغج ومعاملتج شبه كملت وريسان يكملها الج واذا يحتاجوج ياخذج ريسان للجامعه
ضي: ماشي ولو اتمنى وياك مااريد غيرك انت علمتني كل خصوصياتي انت تسويها
ضياء: مجبور لان مسافر
ضي: ماشي
ضياء: ضي ح انطيج مصرف للجامعه وملابسها وخاف تحتاجين بس الي اطلبه منج لبسج يبقى مثل ماهوه مايتغير روز ورهف يمكن شوي مطورات بلبسهن
ضي: بس لبسهن محتشم وعريض
ضياء: صح بس انتي مااقبل مثلهن ماشي
ضي: ماشي أطمان
ضياء: يله محتاجه شي
ضي: تريد تروح
ضياء: اي
ضي: شوكت تسافر
ضياء: بعد يومين من ٦ اروح للمطار
ضي: ماشي ممكن اطلب طلب
ضياء: شنو
ضي: خابرني لاتعوفني بدون مخابرات حباب
ضياء: ماشي
كمت على حيلي وكفت بلباب
ضي: اوكف
ضياء: شنو
راحت للغرفه ورجعت
ضي: هذا قران هو الي حماني من شرور الدنيا واغلى من روحي اخذه وياك لااتركه
ضياء: ماشي
بستها من راسها
ضي: اطلب طلب
ضياء: هههه شنو
ضي: البس حلقتك هناك الاجنبيات المزوج مايحبنه مو مثل العراقيات مزوج مامزوج يكتلن نفسهن عليه
ضياء: ههههههههههه ماشي
اريد اطلع مااكدر ابقى اكثر يمها ولاجل ماازعلها
ضي: ضياء
ضياء: ها
ضي: ليش مستعجل
طلعت وعفتها ماتحملت ابقى
رجعت للبيت وفكري بضي
متوتره اعصابي ومااعرف طريقي ودربي
حظرت نفسي وغراضي
سفري ثاني يوم
بليل ب١٠ اتصلت بضي
ضياء: محتاجه شي باجر الصبح طالع
ضي: تروح وترجع بسلامه ديربالك على نفسك وربي يحفظك من كل شر
ضياء: ههه دعاوي رهف متعلمه
ضي: ههه اي
ضياء: هم رايده شي
ضي: لا اريد بس سلامتك
ضياء: ماشي مع السلامه
ضي: ضياء
ضياء: ها
بقت ساكته
ضياء: ها ضي
ضي: مع السلامه
ضياء: الله وياج
غلقته افكر بيها
شلون اسافر واني مشتاقلها اني زوجها
مجبوره ضي تنطيني حقي الشرعي
ليش ساكت عليها
لابس تراكسود طلعت بدون ماابدل
اخذت السياره وطلعتلها
خابرتها
ضياء: ها ضي اني بلباب افتحي الباب
ضي: ماشي
طلعت فتحت الباب الي
لابسه دشداشه سوده فانيله قصيره ومخليه شال على جسمها
ضي: هلو
مبتسمه
ضي: ماتوقعت تجي هسه الي
سحبت الشال منها
ضياء: ليش مخليته
ضي: هيج
اباوعلها كيموني وايدها وزنودها ثلج رقبتها ثلج رجليها ثلج
ضياء: ضي اليوم اجيت اخذ حقي الشرعي قبل مااسافر
ضي: ليش
ضياء: اني زوجج والي حق وكافي جاي تعذبيني
ضي: مااعذبك بس
ضياء: بس شنو
سحبتها دخلتها للغرفه
ضي: ضياء مو هيج
ضياء: ماينفع وياج لا عيني ولا اغاتي
ضي: مااريد ضياء
ضياء: مو مهم اني اريد
ضي: وخر ايدك جاي تاذيني
ضياء: تستاهلين
دخلتها للغرفه
ضي: لا تاخذ شي مو برضاتي
ضياء: واني شوكت ترضيني ها جاوبي شنو تلعبين باعصابي
ضي: والله ماالعب باعصابك والله
عصرت زنودها وكمت ابوسها مامنعتني
بقت واكفه وشوي شوي استجوبتني
استغربت من تصرفها
حسيت هلمره راضيه
اخذتها لفراشنا ونمت اني وياها
ابوسها وتبوسني
ذوبتني ودمرتني تأخرت وياها
اريدها تأمن وتذوب لاجل ماتمنعني
حسيت تريد اطورها بديت اتلمس بيها
منعتني
ضياء: ضي لاتمنعيني الله يخليج
ضي: مااريد
ضياء: حبيبي والله احبج مايهمني شي وعيونج
ضي: لا ضياء
ضياء: وخري ايدج عني
ضي: كوم روح ضياء مااكدر انطيك حقك واذا هليله اخذتها مني غصب اختفي من حياتك نهائي
ضياء: تهدديني
ضي: اسفه بس مجبوره
ضياء: ضي ليش بلاول تستقبليني ومن اريد اطورها تمنعيني
ضي: كافي كوم
ضياء: جاوبيني اريد اعرف
ضي: كوم مااريد مااريد
ضياء: هسه ذايبه بحضني ليش فجأه ماتريدين
كامت من الفراش وسحبتها
ضياء: اريدج فاهمه لو لا
كمت اصيح عليها وتبجي
ضياء: دااكلج احبج واريدج شنو انتي تضحكين عليه ومخليتني لعبه جوه ايدج تهيجيني ومن اتقربلج اطرديني لاعبالج اني مضحك الج
تبجي ماتحملت كلامي
فجأه
شكت ثوبها وشوفتني جمسها
ضي: مااريدك تشوف هلموقف البشع مااريد تلعب نفسك مني ودكوم عني مااريد تجاملني او تنقهر عليه مااريد يبقى بالك زوجتك ثدي واحد ومايروح من خيالك عبالك هين عليه من تتلمس وتوصل للمكان ابعدك حتى ماتتلمس بمكان فارغ مااريد اخجلك واخجل نفسي كافي تعبت من جسمي وبشاعته تعبت من مرضي روح ضياء اطلع من حياتي طلكني وعوفني ارجع لمكاني
ماتحملت كلامها نزلت دمعتي وياها
ضي: شفت ماتخلي عينك بجسمي وماتباوع هسه فهمت ليش امنعك
ضياء: اشش منو كلج اني هيج اني مصدوم بكلامج وافكارج اني مو هيج وفهمتج اني مو هيج بس انتي حساسه ورقيقه حيل
ضي: لاتجاملني ضياء
وتبجي مثل الطفل
شكلها يضحك لان عبالك طفله ويقهر لان مجروحه ضي وجروحها عميقه
سحبت الغطه غطيتها وحضنتها بأيد وحده
وابوس براسها
ضياء: وعيونج مااجاملج اني احبج تفهمين شنو يعني قاضي يحب غنوجه
وللحكايا بقايا
