#قصص_كهرمانه
#القاضي_والمطلقه
البارت ٣١
.....................
ضي
نسينا نفسنا بلمكتب حسينا صوت نزل احد
ضي: ضياء اعتقد نزل احد
ضياء: باب مقفوله
ضي: عزه كوم وخر
ضياء: منو كال اصعدي وسحبتني
ضي: ههههههه
كمت عدلت نفسي ويضحك عليه وطلعت من مكتبه
وهوه بقى بلمكتب
طلعت لكيت ريسان
موقف محرج مااعرف شلون اتصرف
رحت للمطبخ مااعرف بعد اصرف
سويت كهوة ضياء ونزلت رهف سمعتها
رهف: ضي وين ريسان
ريسان: بلمطبخ اعتقد
دخلت رهف للمطبخ
رهف: شسوين
ضي: عمو طلب كهوه ونسيته كاعده بلمطبخ
رهف: عزه هاي شنو عيونج شجاج ضي
ضي: اختنكت وعمو من سولفلي ماتحملت اسمع منا الكلام و نقهرت
رهف: والله بابا عنده سوالف وكتها ينتظر تهدئين ويسولفلج القصه كلها
ضي: اعرف هسه افضل مااريد بعدين انقهر
رهف: اصعدي فوك اسبحي وذبي همومج كلها جوه الماي موزين تبقين هيج جسمج حار ارتاحي بماي بارد
يمه مااعرف شسوي من الفرحه
احس اجه الفرج من سهلت الامر رهف واسبح
ضي: لامااريد
رهف: والله تبقين مختنكه اسبحي ارتاحي
ضي: هسه اشوف خلي اكمل كهوة عمو صار ساعه
رهف: عوفيها اني اكملها واخذها لبابا
عفتها وطلعت
طلع ضياء من مكتبه يباوعلي يضحك
ضي: عمو هسه رهف تكمل كهوتك نسيتها
ضياء: مااريدها نسيتها
ضحكني وصعدت للغرفه
الخجل اموتني من ريسان
نزلت روز وبأيدها موبايلي
اول مره روز تباوع بغراضي
الحمد لله مااعوف شي بموبايلي يخص علاقتنا اني وضياء
روز: ضي أجتج رساله
ضي: من منو
روز: نوح
ضي: شلون عرف رقمي
ريسان: وينها انطيني الموبايل روز
ضياء: ريسان 😡
ضي: شنو كاتب بيها
روز: هاج اقريها
ضي: عادي خلي عمو او ريسان يقراها
ضياء: ضي اقريها انتي هذه خصوصياتج و روز خصوصيات احد مانعبث بيها من شوكت ندخل بخصوصيات غيرنا
روز: لا والله بابا صارت كدامي
اخذت الموبايل وفتحت الرساله
( ضي اني اسف وندمان على كلشي واني ابد ماأذيتج وماالي دخل بيج وطلعتي من حياتي بس الله يخليج لاتخلين استاذ ريسان يفصلني ومااكدر ابطل ولا انقل نفسي تعرفين بظروفي عشت عمري كله وحيد واهلي بس بلاسم وانتي اعرف بحياتي وتحسين بيه لان عايشه مثل معناتي واني والله والله ماالي علاقه بيج ولا اتقرب الج صدكيني واتمنى تحجين وياه يعوفني بحالي واني بعيد عنج مو نفس القسم بعد ليش يريد يبطلني وانتي فتره ٤سنوات وتتخرجين بس اني هذا شغلي وعملي العمر كله وكدرت هسه اطلع من الحاله النفسيه والظروف التعبانه وتتحسن حياتي اترجاج ضي ساعديني اعرف مااستحق بس ساعديني لوجه الله )
روز: شنو قصده شبي ريسان وياه
ضياء: شنو القصه ضي
ضي: ريسان اقره رسالته
انطيتها لريسان قراها
ضياء: شبي نوح
ضي: نوح بلجامعه متعين استاذ جامعي وريسان مايقبل يداوم اليوم تعارك وياه بلجامعه
ضياء: من شوكت نوح بلجامعه يداوم
ضي: اني اليوم ياله التقيت بي بس ريسان يعرف قبلي
ضياء: ريسان شنو موضوعه
ضياء اخذ الموبايل من ريسان وقره رسالته
ضياء: ضي لاتردين عليه
ضي: ماشي
انطاني موبايلي ودخل لغرفته
صعدت فوك دخلت للغرفه واخذت ملابسي ودخلت للحمام
طلعت وسمعت روز تحجي ويه رهف
رهف: لا هيج تفكرين غبيه اني كلتلها اسبحي وارتاحي
روز: ليش غلطت بأسمه
دخلت للغرفه وسكتن
ضي: روز عادي من غلطت بأسم عمو لان دائما اكله عمو ضياء وطلعت تلقائي من لساني واني مااسوي شي حرام ولا اخون واوسخ هذا البيت اطمأني
روز: لا ضي الله عليج لاتفهميني غلط
ضي: اعرف ومن حقج تشكين بس والله مااحب الحرام ومااتقربله
رهف: لاتتخبلن عليه بهليل وضي نعرف بأخلاقج بس روز خبله حالها حالج
ضي: حشاها
روز: اسفه ضي والله اخاف عليج من الكل لاعبالج ضجت منج بس اتمنالج الخير ومااحب احد يستغلج ج
ضي: لا روز لا عمو ولا ريسان مستغليني بلعكس متوهمه قمة الاخلاق اثنينهم
روز: اعرف والله وساعة شيطان اسفه
ضي: عادي
ريسان: ضي ضي ضي
رهف : هذا ريسان يصيحج
ضي: وين هوه
رهف: جوه
ضي: دخل بنفسه قصه ماتسوى
رهف: لا خلي يولي نوح يستاهل
روز: رسالته قهرتني
رهف: ولا انقهر على هيج نماذج
ضي: متغير ويمكن فعلا متندم
رهف: ضي اتمنى الزم كلبج واضربه بلحزام لان مابي خير
ضي: ههههههههه
لبست حجابي ونزلت
ريسان: تعاي بلحديقه
ضي: شكو
طلعنا بره
ريسان: ابوي طلع
ضي: وين طلع
ريسان: مااعرف بس سمع مني وعصبي
ضي: شنو سولفتله
ريسان: كل السالفه وعصب عليه وتخبل لان متقربلج وتفاجأه بنوح متأذي ... يعني مو ابوي الي ضاربه
ضي: لعد منو الي مأذي
ريسان: مانعرف منو اعدائه بس هوه حقير ونذل راد يخليج انتي السبب
ضي: زين ضياء وين راح وشيسوي
ريسان: ههههه صاير ضياء مو عمو
ضي: نسيت اسفه
ريسان: على شنو تتاسفين زوجج ومن حقج وان شاء الله ابوي يسهل الامر ويصارح اخواتي بهذا الموضوع
ضي: روز شاكه بيه
ريسان: طبعا ست ضي لان حظرتج جفصتيها ضياء عفيه ضياء اوي عيني ضياء حبيبي ضياء زوجي ضياء
ضي: ههههههههههه مو لهلدرجه
ريسان: وجاي دكلي روز تشك حتى امي بلكبر هم شكت من وره كلمة ضياء
ضي: ههههههههه الله يرحمها ريسان شلون توفت
ريسان: ااااخ ابوي مايسولفلج عنها
ضي: ضياء مايسولفلي ابد عن احد حتى مااعرف شنو يحب ويكره من البنات اعرف
ريسان: لان من مشكله لمشكله
ضي: وين راح هسه كله بسببي وجودي بحياتكم بس مشاكل اني منحوسه
ريسان: لاهيج تحجين .. خابري خلي نعرف وينه بلكه يجاوبج
ضي: موبايلي فوك ومااكدر اخابره كدام البنات
ريسان : اخذي الموبايل واطلعي واني اشغلهن
ضي: اوك
صعدت اخذت موبايلي وخابرت مايرد عليه
انتظرته ل١ ماكو ضياء قلقت عليه
كلهم نايمين اله اني
ب١ ونص دخل للبيت ونزلت بسرعه اله
ضياء: ضي ليش كاعده
ضي: انتظرك قلقت عليك وين جنت
ضياء: يم اصدقائي
ضي: ليش مارديت عليه
ضياء: ماكدرت ارد عليج اسف
ضي: ضياء بلمزرعه جنت
دخل للغرفه وفتح الاضويه بقيت بلباب واكفه
ضياء: ادخلي
ضي: اخاف احد ينزل او البنات
ضياء: تخافين
ضي: مو قصة اخاف بس روز تشك واني اريد اعرف وين جنت لان قلقت عليك
سحبني وحضني يبوس بيه
ضي: ضياء لا ينزل احد حباب وخر عني
ويعضني ويشاقه وياي ومايقبل يوخر مني
ضي: ضياء وخر عني
ضياء: جبانه
ضي: يله جاوب جنت بلمزرعه
ضياء: شسوي بلمزرعه رحت لصديقي ينقل نوح لغير جامعه لان حرام نكطع رزقه وينتقل افضل النا واله لان ماارحمه اذا يبقى بلجامعه ويباوعلج
ضي: ضياء اني مايهمني امره
ضياء: اعرف بس ماتحمل وجوده وياج بلجامعه وضي باجر ارجعج للبيت وبعدها يومين واصارح البنات بزواجنا
ضي: عزه ويزعلن عليه
ضياء: لا مايزعلن اطمأني
ضي: براحتك بس خايفه
ضياء: من شنو تخافين واني وياج😡
خليت راسي على صدره
ضي: ماتوقعت هيج احبك واعيش قصة حب ويه احلى رجل واحلى زوج
ضياء: زين اذا تحبيني ماتخلينا نسوي ما ما ما
ضي: ههههه صدك ما ما ما ما ما ما ما
ضياء: ههه كافي كافي ماريد روحي اصعدي
ضي: ما مااصعد اريد ابقى بحضنك
ضياء: هههههههه ماتسحبيني للسرير
ضي: لا اروح اصعد تصبح على خير
وخرت عنا بدلع وطلعت
سحبني من خصري وباسني
اششششش
نزل احد وبسرعه بعدت عنا
شفت ريسان نازل استحيت منا
عفتهم وصعدت للغرفه
وشوي واسمع ريسان صعد لغرفته
دزيت رساله لضياء
(نايم)
(بعدني تريدين ما ما ما تعاي ماعندي مانع اكسب ثواب بهليل)
(هههههه مااريد)
(متأكده لاتخجلين ولو طلعت سوالفج وياي عمي اني الي اخجل)
(ضياء لاتخجلني)
(اعشق غنوجتي من تخجل)
(حسب حسابك باجر تبات يم غنوجتك بلبيت)
(ههههه ليش تريدين ما ما ما)
(هههه يووو ضياء لزمتها لزمه عليه)
(تدلل ياحلو ابات يمك بعد شتريد)
(اريد بليل نطلع اني وياك للسوك وحباب لاتفشلني)
(اني ناوي اطلعج باجر)
(وين)
(معليج وروحي نامي تره انزلج)
(تصبح على خير)
(اجمعين حياتي)
ثاني يوم الصبح بلريوك
ضي: عمو اريد اليوم ارجع للبيت
ضياء: براحتج
رهف: شنو براحتها بعدها مريضه
ضي: تحسنت
روز: بعدج ماتحسنتي بس خاف زعلانه
ضي: مستحيل ازعل منكم لاهيج تحجين
ضياء: شنو صاير
ضي: ماكو شي صاير بس كملت اليوم اخر امتحان
رهف: خليها يومين وارجعي من ترحين لموعد الدكتور
روز: اليوم خلينا نطلع بليل حبابه ابقي اليوم
ريسان: خلوا البنيه براحتها ابوي كلها براحتج يعني براحتج وكلمة ضياء وحده وطموحه في الحياة كثيره لاتعد ولا تقرى ولا توصف
رهف: شهلخربطه بلكلام😒
ريسان: لغه لايفهمها اله الضيائات الذين يضيئون في اليل ويكتمون اصواتهم فهل من منجي يفتح عنهم ابوابهم كلا يابني ضياء مامن مناجي فانه يقول براحتج يعني ج ج ج ماهذا ياابتي ان هذا هوه النفتاح للفرج فانه ججج لها معاني وكلمات
روز: كلشي ماافتهمنا
ريسان: اذا اني مامفتهم من كلامي تريدين اني الثوله تفتهمين مااعرف شلون قبلوج طب
ضياء: ريسان😠
ريسان: حفظناها
رهف روز ريسان: لاتغلطون لاتجاوزن انتوا اخوان
ريسان: يله بنات
رهف روز ريسان: طلعت يامحلى الشموسه شمس الشموسه يله بنا
ريسان: يله بنا نحلى ونكعد وبراحتنا انبوسه
شكله يضحك ويدك على الطبله وبده يغني موال
ريسان: شموسه راحت تقابل شموسه ااااه شموسه راحت برحتها تقابل شموسه ياليلي ياعيني ياليللللل
اللللله عظمه على عظمه ياريسان عيد عيد رحمه لأهلك ..... اااه وبراحتها تقابل شموسه ياليلي ياعيني وتكعد براحتها ويه شموسه اااه
ضحكني موتني من الضحك وخجلانه وضياء يضحك عليه والبنات هم
ضياء؛ كملت عبد الحليم ابو عظمه على عظمه
ريسان: بليل اكملك الحفله اغنيلك حبك نار نار ياحبيبي نار وكلشي براحتك نار
ضحكنا اريد اسكت مااكدر
ضياء: زعطوط
ريسان: بوس الواوه خلي الواوه يدح لما بست الواوه صار الواوه بح
رهف: نعلت ابو الاغنيه خربتها
ريسان: هههه ماحافظها ويله ضي كومي كومي نروح عندج امتحان وعندي اول محاظره
ضياء: ضي ادزلج حامد يرجعج ولمي غراضج ويرجعج للبيت
ضي: ماشي اشكرك عمو
طلعت من البيت ويه ريسان وامتحنت وطلعت من الامتحان شفت ضياء بلجامعه
اول مره يدخل للجامعه ماتوقعته
ضي: احلى مفاجئه
ضياء: اريد اشوفج بلجامعه
ضي: شفت ريسان
ضياء: اي شفته ويله حبيبي خلي نطلع
ضي: ماشي
مشيت وياه وزملائي مستغربين اول مره يشوفون امشي ويه رجال غير ريسان واضحك واسولف وياه
ضياء: كلها تباوع شنو السالفه
ضي: ههههه لان امشي ويه رجال عدهم غريب هذا شي
ضياء: ههههه
طلعنا واخذني للبيت اخذت غراضي وبعدها طلعنا لبيتنا
ضي: تتغده وياي
ضياء: مااكدر والله اوصلج وارجع للبيت بليل اجي
ضي: شنو بليل واحنه متفقين نطلع
ضياء: ماشي نطلع
وصلني وماقبل حتى ينزل يعرف بنفسه مايطلع بس يدخل للبيت
دخلت عزلت البيت ونظفته وعزلت غراضي
اباوع ماعندي فرشه حلوه افرشها
واهواي شغلات مزوجين ماعندي
سجلتهن بلورق وخابرت ضياء يدزلي حامد يسوك الي
وحامد اشترالي الوازم الي اريدها
فرشت الغرفه فراش حلو
وخليت ضوه نوم احمر
فرحانه بي كل ساعه افتحه واسده واشوف الاجواء شلون حلوه
وسبحت وحظرت نفسي لضياء وبليل خابرني اتحظر حتى نطلع
بدلت وانتظرته اجه اخذني طلعنا
ضي: وين تاخذني
ضياء: لمكان
نزلني لمحلات وصياغه
ضي: هاي شنو
ضياء: اريد اشتريلج حلقه
ضي: والله😍
ضياء: ههه
دخلنا لصديقه واختارلي هوه الحلقه فرحانه بيها
ماهمني غلاتها ولا شكلها بس حبيتها لان حلقة ضياء
اشترالي سلسله خناكي
وسوار وتراجي فرفشه
فرحت بيهن
طلعنا بعد استحيت اكله اريد اشتري ملابس
وطلعتنا لاجل الملابس
ضياء: يله كولي وين تريدين خبصتيني البارحه واليوم على الطلعه
ضي: خليها غير مره
ضياء: لا كولي شنو
ضي: اريد ادخل محلات نسائيه اشتري
ضياء: ههههههههههه
لكينا محلات ملابس نوم باوعتله وضحك عليه
دخلت وهوه بقى بره
اشتريت كم سيت وطلعت اله فرحانه
بعدها رجعنا البيت وكل ساعه يكرصني بخدي بلسياره
فرحانه بي
ضياء: اوصلج وساعه وارجعج ماشي
ضي: مو تتأخر
ضياء: لا والله مااتأخر
ضي: اوك انتظرك
وصلني وراح
لبست التراجي والسوار وما لبست لا الحلقه ولا السلسله اريد ضياء يلبسني
ولبست سيت نوم دلع اسود ورفعت شعري
اباوع لجسمي حلو وفرحانه بانوثتي
اول ليله ح يشوفني ضياء
ومااخجل منا ولا استحي منا هلمره
ساعتين واجه ضياء
دخل للبيت واني لابسه السيت والروب خجلانه
ضياء: تريدين تقضين عليه هليله
ضي: ههههههه تعال للغرفه
سحبته ورحنا لغرفتنا وهوه حاضني
ضي: يله لبسني الحلقه
ضياء: ضي مااحب هلسوالف البسيها انتي
ضي: حباب بداعتي بداعتي
ضياء: مااحب هذه الامور
ضي: ضياء
ضياء: ههههه حتى مازعلين
ضي: اموت عليك
بسته بخده وركضت جبتله الحلقه والسلسله عفتها اعرفه مايقبل يلبسني
لبسني عادي وبسرعه
ضي: هاي شنو مو هيج
ضياء: شلون بله عيني نلبسج
ضي: غير تباوعلي تبوسني تتغزل وتلبسني
ضياء: هههههه وين احنه
ضي: ما نرجع نعيد
ضياء: ضي نخلص اليل نلبس ونزع الحلقه
ضي: حباب حباب
رجع لبسني ويضحك ونفس الطريقه
ضحكت وهوه يضحك وياي
مايحب هذه الامور وحضنته وكمت ابوس بي واني كاعده بحضنه ونزعني الروب
يباوعلي و ذايب
ووووووووووووووو
اثناء اني بحضنه الموبايل يدك
ضي: موبايلك
ضياء: عوفي
ضي: خاف البنات
رفع جسمه عني يباوع
ضي: منو
اباوع وياه
مروه تتصل
وللحكايا بقايا
نت زفت يمي 😭 وان شاء الله بعد بارت
