#قصص_كهرمانه
#القاضي_والمطلقه
البارت ٣٢
...................
ضياء
دخلت للبيت
ماتوقعت اشوف ضي بهذا ألبس
قصير واسود ودلع ومفاتنها كلها ظاهره
جننتني بهذه اليله
كعدت بحضني عذبتني هلبنيه بحركاتها وغنجها
اضحك على طلباتها عبالها شاب مثلها
تريد حلقه وسوالف مراهقين
رغم هذا الشي مايعجبني بس سويته الها لعيونها
مااريد يبقى شي بنفسها
بأسلوبي اعوضها على هذه الامور
وحضنتني بعد ماتحمل
اخذتها لفراشنا وسلمتلي كل روحها بدون ماتمنعني من شي
ولاعذبتني ولاتستحي مني
طفلتي مثل العصفوره بحضني
ولحظات حلوه بينا
أجاني اتصال بهذا الوقت
ماحبيت ارد عليه واعوف ملاكي
ضي نبهتني خاف البيت
وبطبعي البنات ماارفض اتصالاتهن
رفعت نفسي عن ضي وسحبت موبايلي
مروه تتصل مكالمة فايبر
اول مره رقم يدك عليه
استغربت منو مروه
ضي: هاي شنو مروه تتصل
ضياء: هههههه مااعرف حتى اول مره هذا الاسم يتصل
ضي: خطيه اول مره شنو اول مره واسمها مكتوب
ضياء: مكالمة فايبر حبيبي شبيج
ضي: رد شوف شبيها ست مروه
ضياء: ماارد مااريد احد يشغلني وانتي بحضني
ضي: ضياء😡 سوالف شغل وماشغل ماتعبر عليه رد عليها
ضياء: ههههههههههه ضي شبيج
ابوسها واشاقه وياها اريد انسيها ماتقبل وتتعارك وياي
ضي: ليش مارديت يله خابرها وخر عني وخابر شوفها
ضياء: ههههههه
اضحك مااعرف ليش اول مره انسانه تحاسبني
وشكلها يضحكني لان تغار
واضحك اكثر لان اسم مروه ورطت نفسي بسالفة مروه
ضي: لاتضحك ضياء😡
تعضني بصدري وتضحكني وهيه اعصاب حلو شكلها
ضياء: حبيبي هاي شبيج
ضي: ليش تتصل عليك
ضياء: باجر صبح كدامج اخابره وعيونج واشوف شبيها
ضي: ما ما ما
ضياء: اروح فدوه للما
التفتت عليها وحضنتها وكدرت اضحكها
وووووووووووو
بعد ساعه ورجعت اتصلت
ضي: ها ضياء رجعت خابرت
ضياء: ح اشعل اهلها على هليله الي منتظرها وخربتها الي
ضي: مو تغار عليك وتتصل بيك
وتضربني بصدري ضحكتني وكامت لبست وادردم
حلو دلعها وسوالفها ماتوقعتها هيج تجذبني
ضياء: ههه وين
ضي: مااريد بعد خليك ويه حبيبتك
ضياء: لاتبدلين اوكفي
ضي: ما ما ما
ضياء: ههههههه
رجعت اتصلت ثالث مره
ضي: اي رد رد ماتت المره عليك
اباوعلها دموعها بعينها قهرتني
ضياء: ليش تبجين مخبله
اتصل ابو اسعد
ضياء: شنو سالفه كلهم ذكروني بهليل
ضي: احجي براحتك طالعه
ضياء: ضي لا طلعين ابقي وخليني ارد واشوف شنو السالفه
طلعت عصبيه من الغرفه
رديت على المكالمه
ضياء: الو ها ابو اسعد
رجعت للغرفه ضي بسرعه
وكعدت بلفراش وجسمها موتني
عبالي تحضني
خلت اذانها بلموبايل تسمع وياي
ضحكتني
ابو اسعد: اسفه والله ابو ريسان بهذا الوقت اتصل بيك
ضياء : خوماكو شي ابو اسعد
ابو اسعد: اتصلت لاجل خدمه انسانيه البنيه مروه تعرفها
ضياء: شبيها
قاطعته مااريده يكول زوجتك قبل مابيه حيل ضي
اريد اسمع مااكدر لازمه الموبايل هيه
وبلكوه اسمع الرجال
اشرتلها ماتقبل توخر
ابو اسعد: مااعرف بس توسلت بيه اتصل بيك وتحجي وياك
ضياء: انت منطيها رقمي
ابو اسعد: لا والله ياابو ريسان مااعرف من وين ماخذته
ضياء: وين هيه هسه
ابو اسعد : هذه يمي
ضياء: باجر الصبح اشوف سالفتها
ابو اسعد: بلغتها ياعمي وماتقبل وتبجي
ضياء: شكو شبيها
ابو اسعد: مااعرف تبجي وتتوسل بيه اتصل وتحجي وياها
ضياء: انطينياها خلي اشوف سالفتها
عصبت ضي
ضي: شنو تحجي وياها
كرصتها بخدها و دفعتني بغضب
ضي: لاتحجي وياها
اشرتلها تسكت
مروه: الو سلام عليكم
ضياء: وعليكم السلام
مروه: رقمك اني اخذته بدون علم حارث من موبايله وعمي ابو اسعد مااله دخل بهذا الموضوع
ضياء: ماشي ماصار شي شنو موضوعج
مروه: محتاجتك ضروري احجي وياك واحجيلك قصتي حتى تقبل تساعدني واعرف محد يساعدني ويساعد اخوي غيرك
ضياء: شنو قصه كولي شنو السالفه الي اساعدج عليها
مروه: الله يخليك شتريد اني جاهزه اكون حتى خدامه طول عمري جوه رجليك بس ساعدني وساعد اخوي
ضياء: شنو السالفه احجي مروه
ضربتني ضي لان نطقت اسمها
اريد افهم المره ماتنطيني مجال كمت من الفراش واكف
وضي وكفت بلسرير واذانها وياي
ماتقبل ابعد عنها
ضياء: لحظه مروه
بعدت الموبايل
ضياء: ضي اريد افهم المره
ضي: ما ما ما اني وياك
ضياء: هههه مخبله حبيبي اريد اعرف شبيها هسه ماشوفين المره تبجي
ضي: ماماما اسمع وياك
ضياء: راح اعضج على الما
سحبتني كعدتني حتى تسمع زين وياي
ضياء: اي مروه كملي
مروه: اريد اشوفك هسه الله يخليك
ضياء: مااكدر
مروه: والله تنقذ روح مظلومه
ضياء: سولفي اسمعج
مروه: الله يخليك اخوي يردون ينقلوا لسجن ابو غريب واذا نقلوا باجر يروح بيها
ضياء: اخوج بلسجن
مروه: والله مظلوم وقصته قصه
ضياء: هسه هوه وين
مروه: بلتسفيرات
ضياء: هوه محكوم عليه وشنو قضيته
مروه: لابعده صارلها ٤سنوات قضيته معلكه ومااريد ينقلوا
ضياء: ماينقلوا اله ينحكم عليه
مروه: مو صاير زخم بلسجن وهوه صار ٤سنوات فينقلوا لابو غريب وكلها واسطات
ضياء: شنو المطلوب
مروه: لاينقلوا الله يخليك والله اخوي فقير والله مايعرف يذبح دجاجه يخاف ويبجي الله يخليك والله فقير واخاف عليه
ضياء: ماشي هسه ح اخابر واشوف سالفته
مروه: انتظر تردلي الخبر وتبرد كلبي الله يطول عمرك والله ملكك سنه بدون مقابل
ضياء: لاترخصين نفسج مروه وعيب هلكلام واني اشوف سالفته وارد الخبر لابو سعد
مروه: اريدك تساعده بلقضيه
ضياء: ياقضيه
مروه: لازم تسمعها مني
ضياء: ماشي من افرغ اتصل على ابو اسعد والتقي بيج
مروه: والله اسفه بس ضروري اشوفك باجر لان بعد يومين محكمته الله يخليك ضياء
ضي:😲دكلك ضياء
اشرتلها تسكت
مروه: انت بلمزرعه خليني افوت افهمك
ضياء: لا بلبيت
ضي: عزه تعرف مزرعه😲😠
ضياء: ههههه
اسكتها وتعض ايدي
اريد احجي ويه المره مااكدر
مروه: انتظرك الله يخليك لاتنساني واوكف وياي الله يطول عمرك اني نخيتك لان ابنك ريسان بلغني اذا اسولفلك قصتي تساعدني
ضي: ريسان😲
ضي: هاي كل العائله السعيده ويه مروه😲
ضياء:😡
ضياء: ريسان شنو
مروه: مره شافني وسولفتله قصتي
ضي: الاب وابنه😲
شدهتني ضي ماتنطيني مجال افهم
ضياء: مروه راح اساعدج واشوف سالفتج بس ابني ريسان مااقبل تلتقين بي
مروه: لا يمه ولا متقربه اله وحتى هوه الولد ولا وصل يمي بس شافني مره اجيت عليك وتوسلت بابو اسعد وشافني وسولفتله قصتي على اساس يساعدني وماساعدني نساني
ضي:😲😲😲 هاي شنو
ضياء: شنو اسم اخوج
مروه: يزن محمد عطوان
ضياء: ماشي
سديت الموبايل وضي خبصتني بلاسئله
ماتقبل تسكت
ضياء: راح اتصل على صديقي ولاكلمه تنطقين
اتصلت وضي ساكته
سألته على السجناء واسم اخو مروه
وعدني ماينقله اخذ اسمه مني وسجله
ضي: اشو ساعدت مسجون لعد والحق والظلم
ضياء: مبين اخوها مظلوم وماطلعته من السجن بس مانقلته لان خطيه يروح بيها يضيع هناك اذا فعلا فقير
ضي: اي خابرها طمانها
ضياء: بشرط
ضي: لا شرط ولاشي
كامت من يمي واباوعلها فرشت بلكاع
ضياء: هاي شنو
ضي: انام هنا ماانام يمك حتى براحتك تفكر بمروه
ضياء: هههههه تعاي نامي هنا
ضي: مااريد انام يمك ما ما ما
نامت وتغطت
ضياء: لاتتغطين على الاقل خليني اشوف الكيمر براحتي
ضي: ما ما ما
اضحك عليها كمت نمت يمها ماقبلت بيه وتدفعني
ضياء: ضي شبيج
ضي: ماانام يمك متت على مروه وبهليل نفذت طلبها
حضنتها وكامت من يمي رجعت للسرير تنام
ضياء: مابيه حيل اكوم تعاي ارجعي
ضي: ما ما ما
ضياء: الما معناها تعال
اسمعها تضحك ومغطيه وجها
بقيت نايم مابيه حيل دلعها
ودايخ بسالفة مروه وخايف على ريسان
معقوله ورطت ابني بدون قصد ويه مروه
معقوله هذه البنيه الي يحبها
ضياء: ضي ضي
ضي: ماماما
ضياء: ههههه اجيتج
كامت من الفراش تضحك
ضياء: شوفي بس اطلعين الكفج الكفج وماارحمج فارجعي برضاتج للفراش افضل
ضي: هههههه ما ما ما
ضياء: زين ابقي واكفه اريد اسالج سؤال
نمت بلسرير واحجي وياها وهي واكفه
ضياء: ريسان معرفج على حبيبته
ضي: اي بس ماعرفني عليها
ضياء: شلون يعني
ضي: شوفني بنيه سألني على شكلها حلوه واني قلدت عليها
ضياء: يعني ماحجيتي وياها
ضي: لا
ضياء: ضي لاتنكرين هوه سولفلي انتي مسولفه وياها وخطبتيها
ضي: المن اخطب متوهم
ضياء: اكيد ضي
ضي: وعيونك اكيد ليش اكذب عليك
ضياء: يعني ضياء ماعنده حبيبه بلجامعه
ضي: مااعرف بس مااشوفه يمشي او يباوع على وحده مره شوفني بنيه حلوه بس لبسها مو محتشم وشفتها ويه واحد بلغته اشو مااهتم
ضياء: ها
دخت اول مره ريسان يكذب عليه
مستحيل كل هذا تعبي ريسان يفكر بمروه الي مرخصه نفسها
وتسمي نفسها الظروف جبرتني
زين اذا يحبها وتحبه شلون تعرض نفسها عليه
زين ريسان شلون يحبها واني قبل مزوجها
اكيد تخبل ريسان
بقت السالفه ابالي خايف على ابني
كارثه اذا يحبها ويريدها
اشوف ضي نامت بلكاع
كمت شلتها بفراشها
مختنك مااكدر انام
ضي: وين رايح
ضياء: بره مختنك
ضي: تره جكارتك الخاصه عندي منها
ضياء: شنو جكاره
ضي: الجبيره
ضياء: ههههه اسمها كوبي مو جكاره تدخين كوبي
ضي: مااعرف المهم عدنا
ضياء: وينها
ضي: بلجراره هذه
تحجي بلكوه ونايمه
بستها بأيدها وكمت للصاله ادخن وافكر بريسان
اااخ ادعي من ربي ابني مايحبها محرمه عليه
ساعه زمان واجت ضي يمي
ضياء: ليش كعدتي
ضي: ليش هنا كاعد شبيك
ضياء: مابيه شي راح اكوم انام
ضي: اطلب طلب
ضياء: اطلبي
ضي: شلني مثل قبل شوي واخذني للغرفه بس بلاول نروح للمطبخ اشرب ماي وبعدها الغرفه
ضياء: هههههههه نسوي جوله بلبيت
ضي: حباب حباب ضياء
ضياء: تدلل
شلتها واخذتها كبل للغرفه
ضي: والماي
ضياء: مايحتاج
ضي: ههههههههههه
دخلنا غرفتنا وووووووووووو
كعدت ب ٦ وضي عفتها نايمه
سبحت وبدلت وطلعت
حامد منتظرني
اتصلت بلطريق على صديقي اكدت على اخو مروه
بعدها اتصلت على ابو اسعد
ضياء:ها ابو اسعد صباح الخير
ابو اسعد: صباح النور ابو ريسان
ضياء: بلغ مروه اتصلت وماينقلوا
ابواسعد: مشكور ابو ريسان ماتقصر
ضياء: اريد العصر مروه اشوف سالفتها
ابو اسعد: تامر امر عمي
غلقته منا ودايخ بريسان
اتصلت على ريسان
ضياء: ها صباح الخير
ريسان: الف الصلاة والسلام عليك ياحبيب الله محمد كلللش هلا بلمعرس
ضياء: وين انت
ريسان: شوي واطلع وامر على ضي
ضياء: لاتمر عليها مااداوم اليوم اخذلها اجازه
ريسان: ماشي
سديت المكالمه منا وبالي يمه
ريسان ليش يجذب عليه منو يحب ريسان
رحت للمحكمه ومااكدر افكر
ب١٠ طلعت من المحكمه
حامد: للبيت عمي
ضياء: لا للجامعه نروح لريسان
اخذني ورحت لجامعته فاجأته بوجودي
ريسان: هلا بلحجي صار يومين تجي بله البارحه مو النا واليوم مامداومين خاف ناسي
ضياء: لا اليوم اجيت لكنتي اريد اتعرف على زوجة ابني اريد تعرفني على حبيبتك وخطيبتك
ريسان:😲
للحكايا بقايا
