#قصص_كهرمانه
#القاضي_والمطلقه
البارت ٣٤
...................
ضياء
ريسان: مستحيل شهلخرابيط بكلامج رهف
رهف: لاتنكر
ريسان: عمي خلوني على مروه احسن الي من ضي
روز: ريسان تحب ضي
ريسان يباوعلي مصدوم
ريسان: حجي شحجي هسه
ضياء: رهف شهلكلام ريسان مايحب ضي ولا مخليها اباله
رهف: شلون هيج متاكد بابا
ضياء: اعرف
رهف: ها ريسان
ريسان: لاتتخبلين رهف مااقبل هلكلام ضي مثل اختي😡
ضياء: بنات اريد احجي وياكم
ضي: مو وقتها
ريسان: لا ضي وقتها السالفه
ضي: اليوم روز تعبانه
روز: لا اريد اعرف اني حاسه اكو سر بينكم
ضياء: روز بابا شبيج
روز: شوي تعب
ضياء: ضي ليش من سالتج على روز ماجاوبتيني صح
ضي: مااعرف
روز: اني كتلها لاتحجين لبابا وريسان
رهف: بابا شنو الموضوع
اخذت روز وكعدتها وكعدنا بلصاله
ضياء: تعاي ضي
ضي: خلي ارجع للبيت حامد يرجعني
ريسان: هههه خوافه
ابتسمت الها وأشرتلها خطيه خايفه ومستحيه
ضياء: اكعدي يمي هنا تعاي
رهف: بابا بلحلال لو لا
ضياء: هسه تعرفين
روز: شنو
ضياء: بنات اني مقرر اليوم افتح موضوع وياكم واني ضميت عليكم لاجل مااحرج ضي ولان ماتوقعت العلاقه تطور بينا
رهف: بارحه بايت يمها صح
ريسان: شلون عرفتي
رهف: من رحت للبيت شميت عطر بابا بلبيت وعرفت اكو شي ضي تخطا باسمه بلعمليه وقبل يومين بلمكتب عرفت اكو شي بينها وبين بابا
ريسان: اذا تعرفين اكو شي شلون دكولين ريسان يحب ضي
رهف: لان اريد بابا يعترف النا
ضياء: وهذا مو اسلوب رهف تتصرفين بهلاسلوب
ريسان: تصرف سخيف وحقير
ضياء: ريسان لاتجاوز على اختك
رهف: بابا من شوكت مزوج وليش
ضياء: رهف لاتحجين بأسلوب تحقيق اني ابوج😡 والبنيه عقدت عليها محكمه وسيد لاجل احميها
روز: يابنيه هذه عقدت عليها😲
ضياء: ضي
روز: بابا مزوج ضي😲 عزه
ضياء: روز تزوجتها لاجل القضيه والعمليه
رهف: زواجكم بس ورق وتبات يمها
ريسان: رهف شهلاسلوب السخيف
رهف: بابا انت رمز للمثاليه النا وانت استغليت ظروف ضي وتزوجتها لان ضعيفه وماالها احد
ضياء: شلون استغليتها
روز: بابا خطيه بكدنا ضي
ضي: روز مااقبل بهلاسلوب تحجين ويه ابوج برضاتي وموافقتي ومااستغلني ضياء بلعكس وكف وياي واحترمني
رهف: لان صغيره وماتعرفين الدنيا وجنتي متعطشه حنان
ضي: صح وضياء رواني هوه ابوي وامي وعمي وزوجي
رهف: ماتعرفين الي اقصده
ضي: اعرف قصدج تزوجت شاب وعذبني ومااحترمني الرجل مو بلعمر ويه المره وسعادتها
روز: بابا تقبل ازوج واحد بعمرك
ضي: اذا يسعدك اني اكلج بلا تردد وافقي
ضياء: ماتوقعت بناتي يهينوني بهلاسلوب ويقللون من قيمتي
رهف: لا بابا مانقلل من قيمتك بس مو بنيه صغيره
ريسان: رهف اسكتي
روز: زين ليش بابا احنه مقصرين وياك حتى تتزوج
ريسان: روز بابا من حقه يعيش حياته ماكفر
رهف: اني ابد مو ضد زواجه وبلعكس دائما اكله اتزوج
روز: وماما
ضياء: ماما متوفيه
روز: خنت ماما وهي بكبرها
ضياء: أي خيانه تحجين بيها ماكو رجل محترم ووفى ويه زوجته مثلي
روز: هسه تلكيها مقهوره بكبرها
ضياء: اطماني ماتنقهر عليه امج عمرها ماحبتني
روز: هسه صارت امي ماتحبك
ضياء: روز كافي سدي الموضوع
روز: لان تزوجت تشوه صورة امي
ضياء: امج الي تحجين عنها
ريسان رهف: بابا
ريسان: اترجاك بابا اهدء ولاتكمل
ماتحملت عفتهم باب غرفتي وكفت
ضياء: ريسان وصل ضي لبيتها وبعدها الحكني بلمزرعه
ضي: ضياء ابقى هنا شوي وارجع للبيت
عصبت ودخلت للغرفه
لبست ملابسي
دخلت ضي لغرفتي
ضي: ضياء طالع لاتطلع روز تعبانه
ضياء: اطلع افضل حتى تهدء وارجعي للبيت افضل بعدين تحجين وياهن
ضي: لا ابقى حتى اكسر الحاجز بينا وافهمهن نوع علاقتنا
ضياء: مايحتاج ارجعي للبيت
ركضت حضنتني
ضياء: شبيج
ضي: كله بسببي اسفه
ضياء: ليش بسببج ضي مااقبل دكولين بسببي وتقللين من قيمتي اني رجال
ضي: بس تعاركت وتأذيت بكلامهم بسببي مااحب تتأذه وتدخل بمشاكل بسببي
ضياء: واني احب وافرح
ضي: اكلك شي وماتعصب
ضياء: كولي بس ممكن توخرين من حضني البس قميصي
ضي: لا مرتاحه بحضنك مااريد ابعد
ضياء: هههههه ضي حفظتج تريدين تبقين حاضنتني حتى مااطلع
ضي: راح تروح للمزرعه
ضياء: اي
ضي: وينك وين مروه شوف مرتك بناتك البيت صاير لخه وانت كل همك مريوه
ضياء: ههههههههههههه مريوه والله زين ادلعيها
رجعت حضنتني وتبوس بيه
اضحك عليها تستخدم غزيلاتها
ضي: اكلك اني مختنكه ومااريد اعوفك ضايج خلي اروح وياك
ضياء: هههههههه ضي وخري خلي البس قميصي
ضي: اشو تطرد بيه علمود مريوه😡 مو صوجك صوجي
عضتني بصدري
ضياء: اخخخخ مجنونه
ضي: روحلها بلعافيه عليك مروه ولاتتقربلي بعد ما ما ما ابد ولا اخليك تتقربلي خليها تفيدك
ضياء: هههه
ضي: ما
ضياء: ضحكت ماحجيت شي حتى دكولين ما هههه
رجعت عضتني بأيدي
اني اضحك عليها وطلعت من الغرفه عصبيه
مجنونه شكد مهموم وضي بسوالفها تزيل كل همومي
كملت لبسي وطلعت
لكيت ضي كاعد ساكته
وروز تبجي ورهف تسكتها
ريسان يتعارك وياهن
ضياء: يله ريسان
ريسان: ماشي
ضي: وصلوني للبيت
ضياء: لا مايحتاج تبقين هنا
اباوعلها عصبيه
طلعت وابتسمت على سوالف ضي
طلعنا للمزرعه انتظرتها ماكو
اتصل ابو اسعد عليها ماترد
ضياء: ليش مااجت ها ريسان😡
ريسان: ههههه مو اني الحارس الشخصي مالتها وماادري
ضياء: ليش مااجت
ريسان: ههه اكلك شبيكم عليه انت تحب مروه ورهف تحب ضي واله نسوانك احب شنو خلصت الدنيا بس نسوانك
ضياء: ليش ماترد مروه
ريسان: حجي مااعرف و بديت ازعل عليك صدكني مااحبها مستحيل مااحب مره باعت نفسها برخص وتجي دكول الوكت والزمن رخصني شوف شكد احب ضي واحترمها من شفتها بس من خابرك حارث وبلغك بلدعاره ضي بلحظتها كرهتها بس من لكيتها بلامام احترمتها اكثر وحبيتها... حجي اني ريسان
ضياء: زين منو حبيبتك
ريسان: اشتريلي موطه ام الالف واكلك منو
هذا الولد يضحكني
عفته وطلعت
طلع وراي ورجعنا للبيت
دخلت شفت روز كاعده هي وضي
ريسان: وين رهف
روز: فوك
ريسان: توقعت يكفشوج ويشمروج بلشارع وتصيرين مثل مسلسل سجاد وغسق واغنيلج بعد الحب بعد العشره وبلباب تبجي ضياء ضياء لا لا تجي تموت يضربوك ولك ضياء لا لللللللللللللا الله يرحمه مات ضياء
روز ضي: صمله عليه
ريسان: اني دايخ اخذ دور القاتل لو من ضمن الي يبجون على سجاد
ضي: ههههههه
ريسان: روز تره جاي تضحك بس خانكه نفسها تستحي من ابوي
ضياء: روز شلون صرتي
روز: زينه
كامت من مكانها
ضي: وين ابقي هنا
روز: ارتاح بغرفتي
ريسان: هاي شنو اشو حاضنين ضي وشامرين ابوي
روز: حشاه
ريسان: ضي شسويتي بأخواتي
تقدمت على روز وحضنتها
ضياء: انتي تتمنيلي الفرح
روز: اكيد
ضياء: اني سعيد ويه هلانسانه ليش بعد زعلانه وتزعليني من اشوفج زعلانه
حضنتني وكامت تبجي
روز: اسفه بابا بس ماتحمل صح نحب ضي بس مااتحمل الموقف احد يشاركنا بيك
ضياء: محد مشارككم هي زوجتي وانتوا اولادي
ريسان: اني هم احضني لان اكثر واحد اليوم ترزل وتبهذل اني... احس عندي جفاف بلحنان مو طبيعي
ضي: هههههه
نزلت رهف باوعتلها وفتحت ايدي عليها
اجتني حضنتني
رهف: اسفه على كلامي
ريسان: شسالفه جاي اكللكم اني المجروح اشو الاحضان لابوي واني الي نصمط اهلي مو ضياء
ضي: ههههههه
ريسان: هسه تحضنوني لو اصعد انام
ضياء: اريدك بلمكتب
ريسان: بله اني شلون بهلسالفه
دخلت للمكتب واجت ضي وراي
ضي: شفتها ارتاحيت
ضياء: ماتريد احضنك
ضي: ماااااا😡
دخل ريسان وسكتت
ريسان: اريد غده
ضي: ياغده هسه عشا
ريسان؛ مامتغدين لا اني ولا الحجي
ضي: حتى البنات مامتغديات
ضياء: حظري العشا انتي والبنات
ضي: اريد اعرف شصار ويه مروه
ريسان: اطمأني مااحبها
ضي: شنو تحبها شعليه بيك اريد اعرف شصار ضياء
تفاجأة ريسان وضي علاقتهم قويه
احس ضي فعلا تعرف ريسان ألمن يحب
ريسان: هههه مااجتي وزاد الشك عند ابوي هذا الي صار خخخخخ
ضياء: ريسان لاتاخذ الامور بلضحك
ضي: وليش ضايج مااجتي مروه
ضياء: ضي مو وكتها
ضي: اطمان بليل تحرك الموبايل عليك وتخابرك
ضياء: ضي😡
ضي: اريد ارجع للبيت
ضياء: بعد العشا ارجعج
ضي: ماارجع وياك ريسان يوصلني لو البنات
ضياء: هههههههه ماارجعج وماترجعين وخليج هنا واطلعي خلي اكمل كلامي ويه ريسان
ريسان: بروح اهلج لااطلعين خلصيني من هلورطه
ضي: سولفله قصة مروه ويرتاح باله يمها وقلقان عليها
ضياء: ضي😡
باوعتلي ودمعتها بعينها
ريسان: ليش تبجين
طلعت من مكتب ضايجه
رن الموبايل
ابو اسعد يتصل
ضياء: ها ابو اسعد
ابو اسعد: عمي مروه ماتجي
ضياء: ليش
ابو اسعد: اخوها انتحر
ضياء: المسجون
