البارت 20
طلبت من علي يوديني لاهلي ابقى عدهم اربع ايام ارتاح شوي لان نفسيا تعبانه وقبل وفعلا راح ودى براء لبيتهم واجه علي وطلعنا اخذنا سياره ورحنا الطريق كله واحنا ساكتين لا هو حجى ولا اني حجيت بس وصاني على نفسي وعلى حمودي وگال راح اشتاقلكم وصلنا لبيت اهلي واصريت عليه يدخل يسلم عليهم وفعلا رحبوا بينا وفرحوا بشوفتنا بعدها علي استأذن قبل الغدى وراح وتحجج عنده شغل مهم ولازم يروح انه ادري بيه علمود لا تسويله سلوى مشكله تعلمت على سوالفه طلع علي والتموا الجهال ونسوان اخوي يبوسون بحمودي ويگولون كبران ومحلو بقينا نسولف ونضحك متونسين بعدها تغدينا وخليت حمودي يم امي ورحت ويه البنات اساعدهم نشتغل ونسولف كملت شغل واجيت گعدت يم امي
امي
هاا يمه ما سولفتيلي علي شلونه وياج وشلون عايشه مرتاحه لو شالع طلبج وشريچتج تحاجينها لو لا
زهره
يمه الحمدلله والشكر مرتاحه. كنت عايشه عند اخته وبعدين أجرنا بيت وگعدنا وشريچتي لا احجي وياها ولا تحجي وياي كل وحده بيتها
امي
هاا هيج احسن اشو احسج ما مرتاحه ذبلانه شبيج احجيلي يمه والله انه اريد راحتج
زهره
لا يمه يتروالج كلش مرتاحه
امي
ان شاء الله خير عساج براحه وسعاده
ما عرفت شلون اتهرب من اسئلة امي معقوله كلشي باين عليه وشكت بشي والله ما اعرف عفتها ورحت التهي بالمطبخ واني دافوت سمعت شيماء وبسمه يسولفن وگفت بالباب اتسمع عليهم
شيماء
لا يمعوده الله لا يکولها
بسمه
يعني افرضي اجت زعلانه مرة الخ شسوين نفترض
شيماء
والله هسه تتحمل وتسكت شنو يوميه جايه زعلانه بعد المره من تطلع من بيت اهلها بعد ما ترجع اله زياره هسه احنا مو شايفين الويل من اهلها وساكتين شنو يوميه وجايتنا احنا روحنا ما متحملينها
بسمه
اي والله صدگ انه عن نفسي ما اتحملها بعد كافي بقت عدنا بما فيه الكفايه
شيماء
والله بطرانه اذا زعلت كاعده بيت وحدها وبالولايه بعد شتريد دگعدي وسكتي لو مثل حالنا شسوي
............🍁🍁🍁🍁................
رجعت اخذت ابني من امي ورحت لفراشي نومته وبجيت ليش ياربي شسويتلهم اني علمود هيج يتصرفن وياي والله عمري ما حجيت عليهم لو على احد وكله اساعدهم بالبيت ما اعرف ليش يكرهوني وصرت ثقيله عليهم هسه هن لو يصرفن عليه شيسون صدگ انقهرت منهن وضجت دخيلك ياربي عگب عين اهلي وين اروح وهذن كلشي ما متحملات عبالهن لان گاعده بالولايه متونسه وسعيده ما يدرن اتمنى اگعد بصريفه وبخرابه ولا عيشتي الي انه عايشتها بس الناس ألها الضاهر وعبالهم صدگ مرتاحه الحمدلله والشكر على كل حال المهم اول يوم من راح علي ما اتصل عليه يوم ثاني الضهر اتصل وسئل عني وعن حمودي وعن اهلي بقيت اربع ايام رابع يوم اتصل عليه
علي
الوووو هلو حبي شلونج
زهره
هلو حبيبي الحمدلله
علي
ها حبي شوكت اجي عليج مشتاقلج
زهره
اني اكثر حبيبي بس گولي صفيت امورك لو لا
علي
زهره من تجين الله كريم نشوف شلون نتصرف
زهره
لا علي من اجي اريد الامور صافيه يوم عدها ويوم عندي اني تعبت
علي
گتلج الله كريم هسه رجعي وبعدين نحجي اني تعبان ومحتاجج وراحتي يمج
زهره
باجر تعال عليه حتى ارجع للبيت
علي
ان شاء الله
سديته منه اني لازم ارجع لازم تنحل الامور ميصير تبقى هيج ادري بيه نفس وضعه وكلشي ممسوي وراح ارجع نفس القوانه ما يختلف شي من ارجع احاول وياه بلكت ينصلح حاله حجيت ويه اهلي وبلغتهم علي باجر يجي عليه وفعلا حضرت جنطتي واغراضي وعلي اجه علي تقريبا الساعه ١٠ او 11 واصروا اهلي يتغدى عدهم وفعلا تغدينا وكملنا ورجعنا لبيتنا ما اعرف الي بينا شنو هدوء او شي غريب او برود بمشاعرنا وصلنا البيت ونزلنا اول ما فتنا شغلنا الاضويه
علي
يلا خلي اروح اجيب براء اليوم تبات يمج
زهره
لحضه لحضه خلي احضنك خلي ابوسك شنو ما مشتاقلي
علي
ههههه لا حبي طبعا مشتاقلج شلون ما اشتاقلج
اجه يحضني ابتعدت عنه گتله
زهره
خلاص عوفني ردت انبهك بس اذا متجي من كيفك بعد متفيد
علي
حيرتيني وياج متگليلي شتردين
زهره
اريدك. اريد احس اني متزوجه مثل باقي الناس تضلم بيه ولا يهمك ولا تحس بالذنب شنو الشي الموزين الي سويته الك
علي
والله مليت منكم تعبت هناك مشاكل وهنا مشاكل شوكت ارتاح انه رايح
زهره
لا تجيب براء والله ما افتحلكم الباب عوفوني لوحدي
علي
ويطبج مرض انه صوجي
ورگع الباب حيل وطلع
لحكايتي بقيه 💕💕
تصويت وتعليقاتكم الحلوه 😘 😘
باقي بارتين على باجر اريد تصويتاتكم لكل قصصي حبايب وتعليقاتكم الحلوه 😘
