#قصص_كهرمانه
#القاضي_والمطلقه
البارت ٣٥
....................
ضي
حلوه لمتنا وجمعتنا وضحكنا
رجعنا للبيت اني وضياء واني زعلانه منا
بس ماتحمل ابقى زعلانه عليه
ضياء: ليش زعلان الحلو
ضي: وخر عني انت تنام هنا واني انام بلصاله لو اكلك لويش هذه غرفتي اني هنا انام وانت بلصاله اي ما ما ما
ضياء: ولج هوه منو حاجي وياج وحدج دكولين ما
ضي: لاتحجي وياي لايطخ لسانك بلساني
ضياء: لا مااطخه بس ست ست سؤال
ضي: ما
ضياء: يصير اطخه بركبتج بخدج بشفايفج
ضي: ضياء😡 مااشاقه
ضياء: منو كلج اشاقه
ضي: لاتتقربلي ضياء 😄
ضياء: ليش اضحكين ها
ضي: ضياء وخر عني ههه
امشي ليوره وهوه يتقدم عليه
لزمني وادفعه ومايقبل شالني بأيد وحده
وبفراشنا نمنا وذوبني بحنانه
بلحظتها صالحني وعشنا ليله حلوه
شفته سعيد وفرحان
يختلف عن باقي اللحظات الي يتقربلي بيها
الاحلى مااخاف بعد انكشف هذا زوجي
ضياء زوجي رسمي وعلني
نايمه بحضنه للصبح
وكعدنا صبح تريكنا وبدلنا
ضي: تروح للمحكمه لو للبيت
ضياء: اوصلج بعدها اروح للبيت اخذ غراضي وحامد يسوق ابدالي
ضي: لاتمر عليه ريسان يرجعني
ضياء: ههههههه اي تغطين على ريسان حتى مااتعرف على حبيبته
ضي: ليش تلح عليه وهوه جبير مو صغير
ضياء: لادافعيله ولاتقنعيني ماشي
ضي: ماادخل معليه بيكم انت وابنك
ضياء: هههههه اي معليج
يضحك عليه باستهزاء
ضياء محد يكدرله خياله واسع ويكشفنا كلنا
ابسط تصرف يفهم السالفه ويحس
البس حجابي واجه حضني
ضياء: ضي
ضي: ها
ضياء: اليوم ألبسي حلقتج
ضي: الله احلى شي البس حلقتك لعد لبسني
ضياء: هههههه وينها خليني البسج وافضها
ضي: شتفض😡
حاضني وظهر على صدره ولبسني حلقتي
بسته بخده
ضي: ربي يخليك الي وماانحرم منك ولاتعوفني ولاتخوني والله يبعدك عن كل نسوان العالم وخاصه مروه وخليهن بعيونك فحم مثروم
ضياء: ههههههههههههههه فحم مثرم شلون ههههههه
ضي: يعني مطحون
ضياء: اي كولي فحم مطحون هم بيها باب وجواب هههههههه
ضي: المهم كلهن فحم تشوفهن
ضياء: وانت الكيمر اكلج ماتخلينا ناخذ اجازه اليوم
ضي: عزه لا ما يله خلينا نطلع
بعدت عنا وطلعنا وصلني لدوامي
اتصل ريسان
ريسان: صباح الخير اليوم اداومين
ضي: اني بلجامعه وصلت
ريسان: ابوي وياج
ضي: لا وصلني وطلع للبيت وبعدها للمحكمه
ريسان: شسولف وياج
ضي: يبسمرني ويريد يسحب كلام مني واني ساكته احس يعرف اني اعرف
ريسان: لعد شكو خلوا قاضي لجدي لان يحس ويعرف
ضي: والله احسب الف حساب ياله انطق بكلمه بموضوعك
ريسان: هوه راح يجي
ضي: لا مايجي
ريسان: شوي واجيج ونسولف
ضي: ماشي
غلقته ودخلت للمحاظره متأخره
شفت نوح يم استاذ واكف بمحاظرتنا يسولف وياه
اعلان بايده يقراه للطلاب
استاذ: ليش متأخره ضي
ضي: اسفه استاذ ماتتكرر ان شاء الله
استاذ: استاذ ريسان اجه قبلج شفته
ضي: مااجيت وياه اجيت ويه زوجي
استاذ: استاذ ريسان مو هوه زوجج
ضي: اكيد لا ابن زوجي استاذ ريسان
نوح: القاضي ضياء زوجج😲
