#قصص_كهرمانه
#القاضي_والمطلقه
البارت ٣٧
.....................
بعد ٩ اشهر
ضي
بليل ساعه ١٠
ضياء: ضي اريد كهوه
ضي: ضياء كافي طلبات تعبت مااطلك كوه
ضياء: هذه رياضه الج واريد اكمل شغلي رايح للمكتب لاتتاخرين
ضي: 😡 مزعج اعرفك تريد امشي اله مااطلك واجيب عمليه
ضياء: اله طلوكه وماكو عمليه
يضحك عليه وراح للمكتب
كمت وراه رحت للمطبخ
اباوع ريسان رجع للبيت
فتحتله باب المطبخ
ريسان: شعندج هنا
ضي: ههه خرعتك
ريسان: هاي شنو اروح واجي ماجايبه انتي
ضي: يا هوه انت صارلك من ساعه طالع شوكت تريد اجيب ريسان لاتنصب عليه
ريسان: كل طلعه اطلعها اكول هسه الكه اخوي بلبيت
ضي: هههههههه تريد اسويلك عشا
ريسان: متعشي... وين البنات
ضي: فوك قبل شوي صعدن
ريسان: عفيه طباخ مايخلى من كهوة ابوي
ضي: ديشتغل
ريسان: ها سويلي وياج وروز تنزل تاخذها
ضي: ميخالف
طلع من مطبخ وصعد ليفوك
كملتها وصبيت لضياء
اخذتها اله
ضياء: تسلملي بطتي
ضي: قبل دكولي غنوجه ليش هلايام كله بطه
ضياء: شكلج ابد مو مال غنوجه عباره عن طوبه وبطه احسن من طوبه
ضي: ليش تقلد عليه
زعلت عليه وكام الي ويبوسني يصالحني ومااقبل
لحد الان ضياء يحبني وماتغير عليه
بلعكس معاملته وياي للاحسن
ضياء: ليش صاير تزعل بسرعه
ضي: وخر عني اني طوبه شسوي بيه
ضياء: هههههه ماتتحملين شقه
التفتت عليه وحضنته
مايتحمل زعلي ويحبني شكد احبه
ضي: ضياء تعرف اني ابد مو هيج شخصيتي بس وياك ادلع وازعل عليك انت علمتني وطلعت عيني
ضياء: حسبي حسابج لان حامل بعد الحمل الحزام يشتغل عليج
ضي: ههههههه
عضته ووخرت عنا وشردت طلعت
ضياء: اشردي جبانه لوما شغلي اعرف شسويلج
ضي: 😜
رجعت للمطبخ حميت الكهوه لريسان
وصعدتها اله
بلصاله البنات كاعدات
روز: اي والله اجت بوقتها فديت امنا الصغيره
ضي: هذه لريسان
رهف: كومي سويلنا كاكو وحليب
روز: مادكومين انتي
رهف: ولج منو الاكبر اني لو انتي
ضي: اني اسوي لاتتعاركن
روز: اروحلج فدوه 😘
دكيت الباب على ريسان
ريسان: منو
ضي: اني هذه كهوتك
ريسان: ادخلي
دخلت ولكيته بنص الكتب
ضي: ح تنعمى عيونك من الدراسه من كل عقلك تقره
ريسان: هههههه على اساس انتي امي وخايفه عليه
ضي: مااوصل لمكان امكم بس احس بيكم
ريسان: شلون تحسين
ضي: شرح مطول واريد انزل اسوي كاكو وحليب للبنات
ريسان: ليش ماينزلن ناقصهن ايد رجل مهنتهن بلحياة بس العلف
ضي: ريسان
ريسان: انتي من دكولين بس ريسان اني اكول الله الساتر.. ها كولي
ضي: ههههه رهف الى متى تبقى على هذا الحال
ريسان: شبيها
ضي: رفضت قسمه اليوم
ريسان: منو خطبها
ضي: من طرف ضياء صديق بعده يريد يحجي سكتته وكلتله مرفوض
ريسان: ماتقبل وعقلها قافل سولفت وتعبت وياها ماتقبل تزوج وتترك روز
ضي: اشو روز حياتها بس دراسه وهلبحث الاكشر مايقبل يخلص وبلعكس روز تتعب اكثر من تشوف رهف ماتقبل تزوج
ريسان: لو تجين للحقيقه شسوي بلعرس بس الاذيه
ضي: لاهيج دكول
ريسان: العرس والزواج اكتشفته فشل
ضي: اختياراتنا فاشله مو الزواج
ريسان: ضي بصراحه زواجج من ابوي فاشل لو ناجح
ضي: هههههه سؤال باااايخ اوووي
ريسان: حبيت ابيخ نفسي واسألج هذا سؤال ههههه
ضي: ماابيخ نفسي ومااجاوبك
ريسان: بيج حظ قنعي ابوي على العمليه
ضي: ههههه قافل مايقتنع وعفته الموضوع لان تعبت
ريسان: ان شاء الله دكومين بسلامه
عفته وطلعت نزلت جوه سويت للبنات والي كاكو وحليب
نزلت يمي روز
روز: ها بلغتي ريسان
ضي: اي وياريت مابلغته
روز: ليش
ضي: يكلي شعدها تتزوج تبقى بلا عرس افضل
روز: عابتلها كرهت اخوي بلعرس والزواج خطيه هسه لازم كاعد بغرفته ومريته بحضنه وادلعه ريسان مايستحق هيج مره
ضي: تتغير ان شاء الله وترجعله
روز: اوووف بابا هوه سبب بهذا الزواج ريسان ماراد البنيه واله يزوج عباله بابا مسوي انجاز
ضي: لاتلومي ضياء مايحب يكسر بنات العالم وماراد بلخطوبه ريسان يتركها وتنكسر البنيه
روز: اول مره بابا يظلم وظلم ريسان بهلزواج
ضي: روز لاتظلمين ابوج
روز: مقهوره على ريسان مخنوكه ويتحصر خطيه
ضي: اني مخنوكه من بطني
روز: هههههه ماشايفه هيج طفل لزكه كملتي شهرج ولطش مايقبل يطلع
ضي: هههه عاجبه الوضع
روز: خلي اصعد فوك لاتصيح رهف
طلعنا من المطبخ ريسان نزل
روز: تعاي يمنا
ضي: مابيه حيل اتابع فلم طالعه روحي
ريسان: طالع
ضياء صاح ريسان
فتح باب المكتب ريسان
ضياء: وين طالع ريسان قبل شوي سمعتك رجعت
روز: صايرين مانعجبه
ريسان: صابرين ياوطن
ضي: ههههههه
روز: هسه انت على كل كلمه تقلد
ضياء: وين رايح
ريسان: اتمشى شويه
روز: اخذني وياك حباب الجو حلو
ضياء: ضي اطلعي وياه اتمشي رياضه
ضي: مااريد رياضه ما
نسيت وكلت (ما) كدام ريسان وضياء خزرني
اضحك عليه
ريسان: بله مبينه أم
ضياء؛ محد طلع عينها غيركم امنا وامنا وصدكت الجذبه
روز: ح اصعد ابدل بسرعه وانزل
ريسان: وين مااخذ احد وياي
روز: لا حباب طلعنا كلنا نتمشى نسوي واهس لضي
صعدت تركض
ريسان: عندج دراسه
ضي: لا كملت
ريسان: البسي وتعاي نطلع نتمشا بمنطقتنا
ضياء: مو ربع ساعه دكلك رجعني وترجعوها
ريسان: لا اخذها لكربله اركضها ركضة طويريج وارجع اني واخوي واعوفها الك بكربله
ضياء: ههههههههه يحتاج هيج نسويلها
عفتهم ينصبون ودخلت غرفتي لبست
بعدها طلعت بره لكيت ريسان منتظرنا بلحديقه
ريسان: وين البنات
ضي: هسه ينزلن
ريسان: رهف لاتلبس الكعب واطكطكلي
ضي: ههههه ... ريسان
ريسان: ها
ضي: شنو رأيك بحامد
ريسان: حلو وناوي افاتح ابوي يخطبه الي
ضي: هههه مو هيج
ريسان: لعد
ضي: قصدي اخلاقه كموظف هم يخون الامانه
ريسان: ليش شايفه شي منا
ضي: لا ابد هوه اني ملتقيه بي غير الثواني الي اشوفها
ريسان: حباب ومؤدب ومااله دخل باحد والاحلى شي بي لايشوف ولايسمع بشغله
ضي: اكو بنيه صديقتي تحبه ويحبها
ريسان: بلجامعه
ضي: اي
ريسان: شكو بيها هوه مطلك
ضي: اي اعرف
ريسان: حلوه حبابه فقيره
ضي: هوه فقير لو لا
ريسان: يمنا خوش ولد
طلعن البنات وطلعنا بره
اباوع على حامد من يشوفني يتهرب مني
نمشي ونضحك ونسولف
تقدمن البنات علينا رهف و روز
ريسان: ضي اني قررت اطلكها بس مااحجي اله بعد الولاده ماترجع لبيتنا بعد
ضي: عززه وطفل الي بطنها
ريسان: ااااخ مخنوك من كل الدنيا لاتذكريني بلطفل لوما حرام اسقطه الها
ضي: يمه صمله استغفرالله ربي استغفرالله شهلكلام
ريسان: ماتحمل بعد اتمنى اشرد من دنيا مخنوك احس زواجي منها لعنه عليه
ضي: مااعرف شنو احجي ومااكدر انطي رأي
ريسان: ماتوقعت هيج حياتي تافهه
ضي: مع العسر يسر دائما ارددها واعرف من بعدها تسهل عليه وان شاء الله تسهل عليه
ريسان: شتسهل😲😲 ولادتي
ضي: هههه لا مشاكلك انت وزوجتك
روز: يله شكد بطيئه ضي
ضي: ولج مااكدر امشي شسويلج
سحبني وياهن امشي بسرعه ونضحك اني وياهن
شكد حلو محد اكو بلشارع قريب ال ١٢ بليل
وسوالف وضحك اني وياهن
وريسان يمشي ورانه على كيفه ويفكر
اني دخلت بشهري الي ٢٦يوم
راح اكمله وماكو ولاده
مخنوكه من حملي بطني شكبرها
مااكدر اتنفس
مايقبل ضياء عمليه يخاف من التخدير وافضحه😂
يوميه يمشوني ضياء او البنات
تعبنوني من المشي مااريد طبيعي اخاف😔
ماتحمل الوجع كلبي خلصان من الوجع والقهر
حملي خلصته بس مشاكل
