#قصص_كهرمانه
#القاضي_والمطلقه
البارت ٣٩
....................
ضياء
بعد مارفضت ضي تتصل بليل
وخايفه وقلقانه ماارتاحت بنومها
شكيت بيها ضامه شي عني وتخاف تعترفلي
من كالتلي اسأل ريسان
فهمت الموضوع يخص ريسان
شفتهم الصبح يسولفون تأكدت اكثر سحبتها للغرفه
اتصلت بس رفضته لان مااريد احرجها
وهي عدها محكمه اجلت الموضوع
وحبيت اعرف بطريقتي السر الي بين ضي وريسان
ابدا ما شكيت بضي بلسوء
اعرف اخلاقها وتربيتها ولكن شكيت اكو شي وضامته عليه ضي
رجعت طلعت ضي وريسان وراها
فهمت الموضوع يخص حبيبة ريسان وخايف مني
تذكرت كلام ضي يزوج بنت محمود
عرفت ووثقت ولكن نكرت عقلي خوفا هذه حقيقه
مامعقوله ابني يعاندني ويكسر كلمة ابوه
طلعنا للمحكمم وخايف من ضي ماتقبل تظلم امها
وصلنا وصار الي صار ويوم بعد يوم ام ضي تثبت حقارتها اكثر
اني محظرلها مفاجئه بلمحكمه
ثبتت لام ضي تربيتها لبناتها وتربية ضي
اوراق الاصليه من بيتها عن طريق بتها هناء
بلوقت الي اني بلبيت الصغير اني وضي
اتصل على رقم غريب استغربت رديت عليه
............ يذكر يذكر يذكر
ضياء: الو
هناء: ابو ريسان
ضياء: نعم تفضلي
هناء: اني هناء اخت ضي من امها
ضياء: اهلا تفضلي
هناء: اكدر احجي وياك ومحد يمك
ضياء: تفضلي
ماعجبني اسلوبها وكلامها
ضجت منها حسيتها مو راحه
هناء: اني اتصلت لاجل ضي وقضيتها الاوراق الاصليه
ضياء: قصدج اوراق الارث
هناء: نعم عندي واكدر انطيها لحظرتك دزلي احد او انت تجي تاخذها
ضياء: شوكت تكدرين
هناء: هسه خلال هلساعتين اكدر
ضياء: وين انتي بلضبط
هناء: اني بغداد بنفس جامعة ضي
ضياء: انتي طالبه
هناء: نعم اول مرحله
ماعلقت على كلامها استغربت ويه ضي
اكيد ضي تعرف
ضياء: يجي سايقي الج ومن يوصل اتصل عليج اطلعين اله
هناء: ماشي بس ماكو شكرا الي
ضياء: اكيد اشكرك وهذا العمل خير مو شر لاجل مصلحة اختج واتمنى تبلغين الوالده
هناء: من حبي لماما مااريدها تغلط وفلوس حرام ادخله بيتنا
ضياء: بارك الله بيج بنيتي
نهيت المكالمه ودزيت حامد ياخذهن
يوصلهن للبيت بأيد ريسان
اتصلت على ريسان بلغته
واوراق القضيه صارت بأيدي
...................
(رجع من الذاكره)
انتصرت على اول جلسه ويه ام ضي وزوجة ابوها
اتصل ريسان عليه بلغني ضي بلبيت
قلقت عليها
من عملي للبيت الصغير
اتصل ادك الباب ضي ماكو قلقتني اخاف عليها تأذي نفسها
فتحتلي الباب ماتوقعت اشوف كل هلحزن عليها
دموعها وعيونها مورمه ووجها احمر
مثل كل مره همومي وهمومها بلحظة الي ننجمع ننساها
ونعيش حياتنا
رجعنا للبيت بليل وابالي رسالة صديقة او عمة ضي
اتصلت على صديقي حبيب
انطيته رقم ضي وطلبت منا الرساله الي وصلت لضي بليل
ثاني يوم انطاني الخبر
قريتها استغربت
هذه تحب ريسان وزعلان عليها
بلغتهم اريد اعرف هذا الرقم المن وبنت منو
طالعين للفاتحه اني وريسان
اتصل عليه حبيب
حبيب: ها ابو ريسان وينك
ابو ريسان: طالع لفاتحه
حبيب: تمرلي نمرلك
ابو ريسان: اكمل وامر عليكم
حبيب: كل الهلا بيك
نهيت المكالمه
ريسان: منو
ضياء: صديق محتاجه بشغل يخص قضيه الي
ريسان: ها
ضياء: ريسان ماناوي تزوج
ريسان: ماشوفني مقدم على دكتوراه
ضياء: ليش ورطت نفسك بلدكتوراه
ريسان: بابا انظلمت بلسادس ومااحب هذه الشهاده واريد اطورها وثانيا شعندي ازوج
ضياء: معقوله ماكو بنيه ابالك
ريسان: اكو بس بعدها صغيره
ضياء: شنو بلكماط حتى بعدها صغيره
ريسان: هاي شنو ضيو صاير تنكت انت من تزوجت تغيرت اهواي صاير مرح مو وجهك غاضب
ضياء: لاتضيع السالفه علينا
ريسان: اني اكدرلك حتى اضيع سالفه عمي بعدني ماناوي هسه ازوج
سكتنا ودخلنا للفاتحه قريناها وطلعنا
اني معلم ريسان من الصغر
كل الفواتح يحظرها وياي
الكعدات العشائريه الجلسات الرجاليه
علمته على الرجوله والكلام
افتخر بي ابني من اطلع وياه واشوفه متكلم ويناقش
شخصيه ثانيه عن شخصية البيت
افرح اكثر يتناقش حتى بامور الدين
فعلا استحق هيج ابن
والله عوضني بأخر صبري وتعبي بأولادي رفعت راسي
طلعنا من فاتحه
ضياء: ريسان وصلني لصديقي وانت ارجع
ريسان: ابقى وياك
ضياء: لا شغله سريه
ريسان: ماشي
ضياء: ريسان اذا يصير شي بيه ضي لاتتخلون عنها
ريسان: بابا ضي صارت عرضي وام اخوي او اختي
ضياء: اذا ولد اريدك تعلمه كل كلمه وحرف علمته الك واذا بنيه حافظ عليها مثل روز و رهف واكثر
ريسان: بابا صاير شي الله عليك
ضياء: لا والله ياابني بس من اشوفكم افتخر بيكم وشايل هم لهذا الطفل اكدر أربي مانعرف يومنا واخاف عليه اتركه هوه وامه
ريسان: العمر الطويل وان شاء الله تشوف احفاده واما سالفة أتركه ليش اني واخواتي وين رحنا
ضياء: واثق منكم الله يحفظكم الي
ريسان: ويحفظك النا
وصلني ورجع للبيت
وصلت لحبيب عرفت البنيه
اسمها سناري محمود غزوان
عرفت بنت ابن عم شيلاء تأكدت
حزنت معقوله ريسان يحبها ومااهتم لمشاعر ابوه
اوووف ياضي تضمين على زوجج
واشوفها مهمومه وخايفه عليه
وكل فتره تفتح موضوع شيلاء ومحمود
تريد تنسيني قصتهم حتى اوافق ازوج محمود
رجعت غضبان منهم مااعرف شلون اتصرف ويه ريسان
الزواج مرفوض ومااقبل بي
وصلت للبيت وشفتهم دخلتهم للمكتب ريسان وضي
سألت ضي ونفس الشي ماتقبل تعترفلي منو
ضياء: ريسان سناري محمود غزوان شنو ردك بهلاسم
ريسان: اولا ضي ماالها ذنب
ضياء: اعرف لان انت سريتها وحافظت على سرك بس اريد ابلغ ست ضي ماكو شي ينضم عليه اكتشفه
اباوعلها وخازرها وهي مدنكه
ضي: اني مااضم عليك
ريسان: لاجلي ضمت عليك وبسببي هيه هسه هذا الموقف
ضياء: وموضوع بنت محمود
ريسان: ضي من رخصتج اريد احجي ويه بابا
طلعت ضي وبقينا اني وياه
ضياء: احجي ريسان
ريسان: صدكني مو عناد بيك او وصيت ماما حبيتها وانما احساس و مشاعر ما كدرت اسيطر عليها
ضياء: ريسان تعرفني مااقبل ليش هيج تجرحني
ريسان: مو قصدي اجرحك والله بس اسمع واحكم
ضياء: اسمعك احجي
ريسان: اني من زمان عجبتني البنيه من عرفت تركتها بس بقت أبالي من تخرجت وادرس اول مرحله ماستر تذكرت هي هسه لازم اول مرحله بلجامعه حاسبلها شوكت تكبر وتدخل جامعه سألت عليها من بعيد لبعيد عرفت ياجامعه وياي بلجامعه شفتها كبرانه وصايره حلوه وناعمه ونزاكه راقبتها صرت مهووس بيها بس بكلبي حبها لاجلك كتمت حبي فجأه مرحله ثانيه سناري أجتني وسلمت عليها وسالت عني من خوالي وعرفت اني وياها بنفس الجامعه فرحت بشوفتها عن قرب ماتحملت ماكدرت اقاوم واضم يكلبي كامت تتردد الي اهواي واروحلها وتجيني صارت علاقه كل مره اكول اعوفها ومااكدر احبها وتحبني واعترفتلها سبب زواجنا مرفض انقهرت وحزنت وماالها سبب شنو ذنبها واني ايضا شنو ذنبي خطأ امي وابوها احنه نتحمله او بلاصح خطا امي فقط اني اتحمله ورغم هذا الشي احبها ومتعلق بيها تركتها بس هي تحبني وماتكدر واني مااكدر اعوفها لغيري ماتحمل واني وعدتها بداية علاقتنا تكون الي واني محتار شلون اقنعك لاجل ماتزعل عليه
ضياء: مالكيت اله هذه كلبك يحبها
ريسان: اسف بابا
ضياء: عوفني شويه بلمكتب
ريسان: ضي خطيه لاتحاسبها
ضياء: معليك بضي اني وياها لاتدخل
طلع ريسان ودايخ
ابني يحبها وواعدها بلزواج
وهي بنت محمود
ربي ليش تصعبها عليه مو كافي اتحمل واسامح واصبر
اااخ ياامي معقوله هذا عقاب ربي
دخلتلي رهف للمكتب تصيحني على العشا
رهف: بابا شبيك
ضياء: اخوك واكع بمشكله صعبه
رهف: ياستار شنو
ضياء: يحب بنت محمود
رهف: مستحيل ريسان لحد الان وياها
ضياء: لا ترك الموضوع ورجعله
رهف: تخبل ريسان
ضياء: بس منطي كلمه للبنيه ويحبها
رهف: بابا دخولها لبيتنا اكبر خطأ حتى ريسان مايتحمل وجودها بحياتنا
ضياء: لاتحجين وياه بهذا الموضوع
رهف؛ ماشي وانت شنو مقرر
ضياء: مااعرف افكر واشوف
كامت وحضنتني
رهف: بابا فكر براحة بالك مو بسعادتنا كافي اهواي تحملت لخاطرنا
ضياء: سعادتي من سعادتكم وريسان مكسور خطيه مو ذنبه كل الي يصير سببه امج
رهف: شكلك موافق
ضياء: اكيد اوافق بس اكو امور اريد اتأكد منها
رهف: شلون توافق
ضياء: حب ضي خلاني انسى كل جروح شيلاء الي
رهف: بابا تعرف ليش مامزوجه لحد الان
ضياء: ليش
رهف: لان ماالكه انسان مثلك طيب ويسعدني مثل هسه السعاده الي اني بيها اخاف اخسر هذه السعاده
ضياء: كل بنيه ماتلكى امان مثل بيت اهلها شوفي ضي وشكد فرحانه وسعيده بس هم تستحي وماترتاح اله بوجود عمها وبيبيتها وتحس بلوحده والحزن
رهف: اكيد الاهل خيمه وتعال نتعشا لاتجي ضي تشوفك حاضني وتضربني ماتقبل
ضياء: هههه
طلعنا اني وياها ضي وروز كاعدات
ضياء: وين ريسان
روز: مايشتهي
ضياء: صيحي ينزل ياكل
روز: ديقره
ضياء: صيحي ينزل وبلا كلام
نزل ريسان
ريسان: مااشتهي اكل
ضياء: شبيك ماتشتهي قبل شوي اكلت لفات ومتخوم بعد شنو الي ماتشتهي
ريسان: هم صدك بس لخاطرك اكل قليل
ضياء: لا تكعد وبلا اكل
ريسان: ههه شنو اول ابتدائي تعاقبني
ضياء: واني اكدر اعاقب كل واحد لسانه شطوله حتى ضي علمتوها سوالفكم
روز: صدك البنيه فقيره وتخاف منك وماتسوي شي الي انت ماتقبل عليه بس نسحبت للطريق كامت تاكل بسكوت وغير نظاميه
رهف: صدك احنه اصدقاء السوء
ريسان: ررررهف رررررهف
رهف: اسفه بابا مو قصدي هذا الكلام
ربسان: الى متى اعلم بيكم يااولادي ... هههه اليوم ضي ماتضحك وجها اصفر وخايفه😂
ضياء: ههههه شبيج ضي
ضي: مابيه شي
اباوعلها مستحيه ودمعتها بعينها مقهوره
اكلت قليل وكامت
دخلت لغرفتنا وضي بلمطبخ تنظف
انتظرتها تدخل
شافتني وراحت للحمام غيرت ملابسها
وطلعت تحظر ملابسها للجامعه
ضياء: طفي الاضويه من يمج
ضي: تنام هسه
ضياء: اي تعبان ومهموم من مرتي
اباوعلها سكتت وطفت الاضويه واخذت القران وسجادتها وطلعت بره
غفيت وفزيت على صوتها دخلت للغرفه
نامت بفراشها تقربت الي وحضنتني
ضياء: وين جنتي
ضي: صليت لبيبي وعمو وقريت قرأن الهم
ضياء: قبل الله
ضي: الله يقبل اعمالك
بستها بشعرها وحضنتها ونمنا اني وياها
الفجر وكعدت ضي تبوسني
ضياء: لادكليلي مانايمه لحد الان
ضي: لا هستوني كعدت صباح الخير
ضياء: صباح النور
ضي: ضياء اكو شي لازم ابلغك بي
ضياء: موضوع هناء اختج تتصل بيج اعرف
ضي: لا مو هناء هم اريد اسولفلك عنها بس مو هذا موضوعي
ضياء: شنو
وللحكايا بقايا
بارت قصير لعيونكم
