#بقلم الفتلاويه
#البارت الثاني
ياسر : ضلينه نسوالف منا لمن صار المغرب گلي عمي ياله گوم خلي نروح للبيت نتعشه وتبات اليوم يمي
گتله لا عمي والله اريد اترخص اروح ارتاح لان باجر طالع لبغداد
ابو قمر .. ميصير تجي تتعشه وبعدين نسولف
ياسر .. لعد خلي اشتري هديه لقمر وملك ولأزل خو ما اروحلهن فارغ
ابو قمر .. بويه هديتهن شوفتك
ياسر .. اشكرك عمي خلي اخذلهن ككو لان هسه وين الكه محل هدايا والماتريد الككو اكله اني ههه
ياسر .. وصلنه للبيت وسلمت ع البنات وعمتي وع علي اخوهن
باركت لأزل علمود خطوبتها
#ازل
خلي اعرفكم بنفسي اني ازل مواصفاتي طويله وضعيفه وجميله ادرس لغه عربيه بجامعة بابل اخر سنه الي انخطبت من مرتضى لان جانت بينه علاقة حب دامت سنه وبعد كم شهر زواجي طبعي خجوله اليوم اجانه ياسر ابن عمي للبيت ومن باركلي بخطوبتي انحرجت منه 😂 واستحيت
ياسر .. ولج ازل شويه صيري لسان وبطلي خجل اخذي شويه من السان اختج قمر متشوفين شطول لسانها
ازل .. والله اتمنى اصير مثلها لسان بس اني طبعي هيج خجوله 😭
ياسر .. لا تنقهرين من تزوجين يطلع لسانج 😂
ازل .. ليش ياسر تقلد عليه
ياسر .. لا والله بس من ضيم العرس يطلع لسانج بس صدگ وين قمر شو ما شفتها
ام قمر .. قمر ابيت ملك وهسه هي ع جيه
ياسر .. ازل خابري قمر گليلها ياسر منتظرج هي وملك خلي يجن مشتاقلهن امهات السان
ازل .. اوك هسه اتصل
ياسر .. ضلينه نسولف ما اشوف اله ملك وقمر گبالي
ملك .. يسوري يمه شلون صاير شنو هذا الجمال هاي المانيا هيج تسوي الواحد حلو
ياسر .. ولج ام السان شنو تتحرشين بيه
قمر .. لا عيني ما تتحرش بس صدگ يا الاسمر صاير حلو ☺
ياسر .. عمي شوف بناتكم يتحرش بيه شنو ولجن الايه انگلبت وصارت النسوان تتحارش
قمر .. وع شنو نتحارش يابه مو زين نگلك صاير حلو
ياسر .. ام السان بعده لسانج شطوله
ملك .. ياسر ع كيفك ويانه
ياسر .. ولجن شو ما سلمتن اول ما دخلتن تتحارشن
قمر .. صدك ما سلمنه شلونك ياسر عساك بخير يارب
ملك .. شلونك معلمنه 😂😂
ياسر .. اني بخير وبعد وقت من ذكرتجن ياله سلمتن
ولج ملك طيحتن حظي من بيوم درستجن موتني هيج كسولات
قمر ... ياسر صارت سوالف ومرت السنين وراح ندخل كليه
ملك .. ياسر تعيش وتنساها ههه 😂
ياسر .. طبعا ما جبتلجن هديه بمناسبة خطبة ازل ولا بمناسبة نجاحجن بس اشتريتلجن ككو
ازل .. تسلم يسوري والله شوفتك هديه
قمر .. اني ما احب الككو وملك هم ما تحبه ما نريده اني اريد لعيبه
ملك .. اي ما نريد الككو اني اريد عطر
ياسر .. يعني هسه ما تردن الككو مو
ملك وقمر .. اي
ياسر لعد جيبن العلب خلي اخذهن واكلهن وحلمن تحصلن هديه ترفسن النعمه
قمر .. لا يابه خلي اخذها تفيدني اكله بالليل اذا جعت
ملك .. واني هم اكله
ياسر .. كعدنه ع العشه وصارت قمر گبالي وگلبي رجع يدگ
اوف يا قمر رحت لأخر الدنيا وما نسيتج طلعت صدگ احبج بس اكابر ع روحي
ملك .. ياسر احجيلنه ع المانيا وع مرتك الي تزوجتها
قمر .. صدك ياسر طليقتك حلوه
ياسر .. اي كلش حلوه بعد بنات المانيا
قمر .. اي والله صدك حلوات
ياسر .. صح حلوات بس مو احلى منج اشوفج احلى بنات حواء
اخ اتمنى لو اشوفج عروس الي وابيتي ضليت اتحلم منا لمن رجعت للواقع ع صوت زهراء تتعارك ويه اختها الاصغر منها تغار منها
ضليت كل شويه اتباوع لقمر واضحكلها انوب شعرها واصل لرگبة رجلها حاطه حجاب ع راسها بس شنو كلاوات شعرها طالع وكل شويه شعرها مفتوح شلال والله
خلصنه العشه وطلعت لبيت عمي ابو ملك ترخصت من عمي ابو قمر گتله اخذ البنات افررهن بالسياره شويه وانوب نروح لبيت عمي ابو ملك اكعد شويه وارجهن
ابو قمر .. بويه براحتك ذني اخواتك
ياسر .. يا بنات منو تروح وياي لبيت عمي ابو ملك ونفتر شويه بالسياره
ملك .. رحت اني وقمر وازل وجمانه تعاركت اني وقمر ع الصدر 😂😂 ابد ما نتوالم دائما نتعارك
كدرت اكعد اني بالصدر وقمر كل شويه ومتعاركه وياي
ياسر .. اخذت البنات وفررنه بالشارع وعلگت اغنية ( شگول عليك ) احب هاي الاغنيه تذكرني بقمر
قمر .. ياسر شنو هاي الاغنيه افتحلنه دگ ورگص هاي اغنيه حزينه
ملك .. اي والله راح ابجي
قمر .. اكلج ملك هاي الاغنيه تفيد الي عدهم حبيب لو خطيب مو ازل 😉
حبيت احرج ازل لان اعرفها خجوله
ملك : اي ولج هاي الاغنيه تفيد ازل
ياسر : ولجن ما اسمحلجن تضحكن ع ازل
ازل : عفيه ابن عمي شوفهن والله من انخطبت لليوم هن بس يضحكن عليه ويحرجن بيه 😭
ياسر : خليهن يغارن منج لان محد معبرهن ويحبهن
قمر : هسه انت شلونك البنات كلهن ميته عليك
ياسر .. وحق الكفيل البنات ميتات عليه ويتمنن اصادقهن بس اني ما اريد ادوخ راسي
ملك : خف عليه يا براد بيت
ياسر : ولج اني احلى من براد حوش 😂
قمر : حباب ياسر غير الاغنيه
ياسر : انجبي واسمعيها شوفي كلماتها والله حلوه
ملك : ياسر دخيل ربك متسمع كلماتها هاي تخص المجروحين واليحبون واحنه ما نحب
ياسر .. انتن ما تحبن اني احب
ازل .. صدك ياسر تحب
ياسر .. اي والله احب
قمر وملك . . منو هاي تعيسة الحظ
ياسر : ماكو غيرجن تعيسات حظ
قمر : عليك الله ياسر منو هاي وحلوه لو لا
ياسر : وحده ما اكول اسمها واجمل ما خلق الله بالكون
ملك : طلع ياسر واگع بالبير قصدي بالحب
#جمانه : ولجن شو ما تستحن اثگلن شويه
قمر : بالله جمانه اسكتي خلي شويه نفرفش
ياسر : جمانه عوفيهن ذني مضغوطات لان ما يحبن يغارن مني
ملك : عشتوا عليمن نغار ولج قمر من باجر نحب
ياسر : هله والله والله لاكسر رجلها التسوي شي غلط
قمر : ليش ياسر قابل الحب غلط
ياسر : ومنو گلج الحب غلط اصلاً اجمل ما يكون الحب
بس الحب الطاهر وولد هذا الوكت اكثرهم يضحكون ع البنات يتونسون وياهن وتالي يتركوهن
ملك :اي والله كلامك صح بس رحمه لأهلك غير هاي الاغنيه
قمر : ياسر انتظر خلي ننزل يم محل ابو اللبلبي هذا دائما بابا يجيبنه يمه ناكل لبلبي
ياسر : اوك ياله انزلن
نزلنه كلنه كعدنه ناكل لبلبي وكل شويه اتباوع لقمر
قمر .. عمو ابو اللبلبي اريد طاسه لبلبي بعد وحده
ياسر .. ولج استحي شوكت تصيرين انثى ..
#قمر .. يمه يعني اني مو انثى لعد شنو اني
ياسر .. جنج عباس صاحبي
ملك .. هههههه عباس امشي جيبلي وياك لبلبي مره ثانيه
قمر .. اكلي نعل شوف ياسر كله من وراك حطيتها بحلگ ملك بعد شيخلصني
ياسر .. هي هم مثلج تشبه عباس 😂
جمانه .. والله خوش تشبيه متعوب عليه هههه
قمر .. بطلت انقهرت هذا الجمال كله واشبه عباس حتى لبلبي بعد ما اريد
ملك .. اني هم بطلت 😭
ياسر .. احسن حتى ما تخسرني فلوس هواية
قمر .. ياسر تريد اللبلبي مالتك شو ما اكلت منه خلي اكل منه 😌
ياسر .. حاطه عينج ع اكلي
قمر .. جريت طاسة ياس واكلت اللبلبي مالته 😂😂
أنت تقرأ
حكاية قمر
Romantizmجريئه_حب_حزن_عشق_هيام قصه حقيقيه تتكلم عن شاب احب ابنة عمه ولكنها لا تعترف بهذا الحب فهل سيكون بينهم نصيب ام لا
