قررت يارا أن تذهب لمعاونة حنين راجيه مسامحتها لها ولكنها ضاعت بالطرقات ولم تستطع التواصل مع أحد وحين يأست هاتفت المنزل على التليفون الأرضى فأجابتها سعديه
- أيوه مين
- أنا يارا اسمعى يا سعديه اطلعى صحى جدى وخليه يرد عليا
- يا لهوى عشان يبهدلنى إيه دا دا أنا نسيت جدك خرج من بدرى من قبل ما الست حنين تخرج قال وراه اجتماع مهم
- يييه وطبعا خد السواق
- أيوة
- أوووف بصى دورى فى أجندة حنين هتلاقى نمره زين هتاتيها ومليهالى
- زين مين
- الظابط اللى كان جوه
منذ الحادث الذى وقع لحنين وهى تسجل كل أرقام التليفونات فى مفكره صغيره وإبتاعت هاتف جديد وشريحه جديده بنفس رقمها القديم وحين بدأ زين العمل لديهم أراد إعطاء رقمه ليارا حتى تهاتفه إذا إضطرها الأمر لكنها رفضت فأخذتها حنين لتمنع عنه الحرج
أحضرت سعديه الرقم وأملته لها فهاتفته يارا لكنه لم يجيب فقد ترك هاتفه بغرفته وجلس برفقة فارس بغرفته فحاولت مجدداً مع حنين بلا جدوى حتى يأست وكادت تبكى لكنها حاولت لمره أخيره مهاتفة زين
هتف زين بإستمتاع: ياااه من زمان مسهرناش كده
فأومأ فارس بتعب: عندك حق بس النتيجه إنى مبقتش شايف وبقينا الصبح أنا داخل أنام
- وأنا كمان
عاد إلى غرفته وألقى بجسده على الفراش وكاد ان يغمض عيناه حين فاجئه رنين الهاتف
- الو زين أنا يارا
إبتسم بسخريه: إيه دا يارا هانم بتتصل بيا
- أنا طالبه مساعدتك أأ أصلى تايهه
- وإيه الجديد ماإنتى على طول تايهه
شهقت ببكاء: أنا تايهه بجد ومش عارفه أروح
إعتدل سريعاً وقضب جبينه بجديه: إنتى بتقولى إيه
إنتحبت بخوف😢: مش عارفه أروح
- طب اهدى كده وحاولى توصفيلى مكانك
- ححاضر
وصفت المكان فإستطاع معرفته: طيب اهدى فى مطعم على يمينك ادخلى استنى فيه وأنا نص ساعه جايلك ماشى
- ماشى
وصل المطعم وبحث عنها وحين رأته ركضت بسرعع وألقت بنفسها بين ذراعيه
- أنا خفت كتير
ربت على ظهرها بلطف: اهدى بس أنا معاكى أهوه مفيش داعى للخوف
أتى النادل ليحاسبها على العصير الذى طلبته فصرخ زين حين رأى الرقم: كاااااام ليه دى لو بتشرب ميه دهب مش هيبقى المبلغ كده
وكزته يارا بحرج: متأفورش
- نعم آه ما إنتى مش دافعه حاجه
- لا أنا هدفع لنفسى مش محتاجه ليك
- ليه شيفانى عفاف هتدفعى وأنا واقف
- إيه الاسلوب ده أنا اللى طلبت وأنا اللى هدفع
- بت إنتى أنا تعبان ومنمتش بسببك اتكتمى بدل ما أفتح دماغك
- أنا
قاطعها بنفاذ صبر: قلت اتكتمى
- حاضر
صمتت بغيظ شديد فقد أحست أن طاقته على الصبر اوشكت على النفاذ فقد يضربها بالحائط إذا ما تمادت بينما تذمر زين
- أيوة المبلغ دا كله ليه
أوضح له النادل: حضرتك الأنسه طلبت ٣ وجبات كاملين دا غير العصير
نظر زين إلى يارا متفاجئاً: ٣ وجبات إنتى كنتى جعانه للدرجه دى
يارا بتأثر: لأ مش أنا كان فى ست مسكينه أوى قاعده فى الشارع ومعاها ولدين وبتمد ايدها لكل الناس وتطلب أكل جيت أديها فلوس رفضت وقالتلى إنها عايزه أكل لولادها الجعانين ولما سألتها وإنتى قالتلى إنها مش مهم هتستحمل هما مش هيقدروا آه يازين لو شوفتها اد إيه كانت فرحانه بالأكل حسيت إنى سعيده أوى وإنى عملت حاجه حلوه خالص
نظر زين إلى النادل: بص أنا ماكنتش عامل حسابى على مبلغ زى ده بس أنا معايا الفيزا
- مفيش مشكله فى ماكينه قصادنا
زين : طب ثوانى
