تابعو حسابي قصه كامله
تعالوووو
#جنح_نثية.
في مجتمعاتنا الشرقية بشكل عام ومجتمعنا العراقي هناك عملية بيع وشراء صفقة غير مشروعة تكون ضحيتها المرأة وهي صفقة الزواج القائم ع المهر التجاري
اني هاجر احجيلكم قصتي من عمري 16 سنة
اني بنت حلوة شعري ع صفار طويل مسويته ع طول ضفيرة وبيضة طبعا بيضة وين شايفة الشمس اني وعيوني كبار عسلية ولأن حلوه وطويلة اخواني وعمامي بطلوني من المدرسة من السادس الابتدائي وامري بيدهم جان لأن يتيمة الأب والأم فقدتهم من الصغر عندي اخوان ثلاثة اكبر مني
كاظم عمره 30 سنة وفاضل 28
علاء 26 سنة
حياة اليتيم صعبة من يوكع بيد الكرايب واحنا كل جم يوم ابيت جنا لو عم لو خال لو عمة لان مايريدونا هم حقهم الناس ضايجة من جهالها انوب احنا الاربعة واخواني الله يسلمهم وكاح والوكيح بعز اهله يكلولة نشط وشجاع وبلياهم يكولوله وكيح ومامتربي
البداية
كبرنا بعد ماشفنا الضيم... اخواني كل شغل اشتغلوا ويا عمامي وخوالي...
كل واحد يشتغل لحاله حتى يدبر روحه ولا جانوا يفكرون اني اختهم هم مكسورة جنح...
ولاواحد ماكمل مدرسة احسنهم عود علاء الصغير عنده شهادة المتوسطة وهم شوية جان احن منهم شوية مو كلش
كبرنا من بيت لبيت ومرات جانوا يفرگونا كل واحد بجهة اني جنت اموت اشتاگلهم بس هم ولا عبالک وكبرت اني صرت احلى وولد الولاية كلها اتعايني من اطلع
اخر شي عمي جعفر گال
شوفوا انتوا كبرتوا ماترهم بعد تبقون يمي واني عندي بنات وولد شباب ولاترهم يومية ابيت.. لازم تأجرون بيت صغير وتستقرون
وفعلا اجرنا بيت طين صغير ع كد فليسات الولد بس جنت اني كلش فرحانة كلت خلصنا من الذل والمنية
خليت اخوتي بعيوني والله بعيوني خليتهم وهم يوم يحنون يوم لا واني راضية فدوة لعينه حسين ع طول نشلة ويصخن بالليل مرات لان يشتغل بمعمل ثلج جنت اسهر عليه لحد الصبح
وكاظم فدوة لطوله من يضيع جواريبه يخبص الدنيا هههه شوية ويبجي جنت دائما اغسله ملابسه وارتبها حتى لايضيعهن وهم بسكوت يجي علاء يبوك جواريبه ههه فدوة لگلبه مايتعب روحه يدور ملابسه يجي يتعدى ع ملابس كاظم دومه مستعجل واني اكول خلي لايتعاركون بسرعة احللهم الاشكال وارضيهم
جنت ماانام الليل الا اغطيهم ومايهنالي نوم اذا يتأخر واحد بيهم برة
جنت انقهر عليهم اشوفهم يرجعون من الشغل هلكانين اجيبلهم مي وملح افرك رجلهم.. جنت اكول يستاهلون اخوتي جنت اكبر كل يوم سنة جسمي وشكلي لمراهقة وعقلي جبير
حياتي جنت امشيها بشغل البيت ومداراة اخوتي.. جان عدنا تيفيزون (تلفزيون) شحاله وبعد عركة شكبرها اتفقوا الولد يشترون سنترلايت (ستلايت) فجنت اخلص شغلي اكعد اشوف الحلقة الكويتية الي تطلع العصريات لان بالليل مااحصل من عركتهم ع الافلام جنت اروح لفراشي من وكت وقبل لا انام كومة افكر واحلم واني صاحية افكر بكرار أبن ام كرار جوارينا بالمنطقة جنت اشوفه من اذب الزبل هو مامنتبهلي بس اكول بلكي يجي يوم يشوفني وينتبهلي
اخت كرار يحبها حسين اسمها مياسة
وجنت احلم بعرس وثوب ابيض بعدين استغفر ربي حرام افكر بيه
جنت اكول ياربي الله يخليك زوجني من واحد يحبني ويداريني وكون يداري اخوتي هم اي لان اني مااتخلى عنهم ابد
